JƐRƖMAAYA 7:18 - WƖA TENIŊ

¹⁸ Biiriŋ jaa daasɩŋ hɩhɛ dɔŋɔ nɛ, nyɩmmaba ma hɩhɛ nyiniŋ, haalaa ma bubuu munuŋ dɩ ba wasɛ boroboro pɩ vene-la ba sɩɩ yɩrɛ wɩa-nyuŋ ha-kuoro. Ba wansɛ kʋnyʋalaa ma aa pɩ vesiŋ nɛ. Ba ŋaa wɩaa deemba kala a chɩchɛ dɩ mɩ baanɩŋ sii nɛ.

JƐRƖMAAYA 7:18 ပူးပေါင်းရင်းမြစ်များ

1 KUOROO 14:9

Ŋ nɛ paala ŋaa wʋbɔŋŋɔɔ a kɩɩ nɩalɩŋ kala fa sɩ laa sɩpaaŋ dii kuoruŋ aŋ ka pɩŋ. Ŋ vɩamɛ nɛ, aŋ mɛ vesiŋ a pɩ ŋ tɩtɩa, a kɛŋ hɔɔŋ ma libi tɔŋŋɔɔ a kpʋkpaarɛ, a joŋ harɩŋ yɩamɛ, a ŋaa mɩ baanɩŋ sii.

1 KUOROO 16:2

“Ŋ fa bɩ nʋʋkala ŋaa, ka mɩ lɩɩsɩŋ, a leŋ ŋ ŋaa mɩ nɩaa Iziral tɩŋŋaa sɩpaalaara. Ama ŋ to Jerobuam naabʋɔsʋŋ nɛ a leŋ mɩ nɩaa Iziral tɩŋŋaa ŋaa wʋbɔŋŋɔɔ a leŋ mɩ baanɩŋ sii a tɩŋ ba wʋcheelie-la wɩaa.

WƖA YƖƖLAA 16:4

Ama nɩalɩŋ sɩɩ to vesiŋ, ba tʋɔŋ jaŋ chei kɩŋkɛŋ. Mɩ-na bɩ jaŋ kpaarɛ vesi-la koo a kɛŋ ba yɩrɩŋ tɩŋ.

AZAAYA 3:8

Jerusalɛm tinteeŋ bɩ chɩna, Juda ma titel, bɛɛ wɩaa ba wʋbʋlaa arɩ ba wʋŋaalaa kala bɩ La TƖƖNA tʋɔŋ ka tɔrɛ, ba vɩaʋ nɛ, ba bɩ kaa faʋ arɩ ʋ sɩ kɛŋ tʋla ma kala.

AZAAYA 57:6

Ma yie paa tabɩa-la sɩ ŋaa mʋla mʋla nɛ lɩɩ-libisi-la lɛ, ba ŋaa ma tɔŋŋɔɔ ma kpʋkpaarɛ. Ba teeŋ nɛ ma yie kɛŋ ma kʋnyʋalaa Wɩɩsʋlʋŋ arɩ ma mɩaa Wɩɩsʋlʋŋ kala a mʋ. Ma bɩɩna wɩaa deemba kala jaŋ tɔrɛ mɩ tʋɔŋ?

AZAAYA 65:11

Ama nɩalɩŋ kala sɩ vɩa mɩ-na ma TƖƖNA a yʋ mɩ peel-la sɩ bɩ disiniŋ kɛnɛ wɩaa, aŋ kpʋkpaarɛ vesi-la ba sɩɩ yɩrɛ ‘Nyu-sɩŋ’ arɩ ‘Wɩɩ-dagɩŋ’,

AZAAYA 65:3

Ba yie chaasa ŋaa wɩaa nɛ mɩ sɩɩŋ lɛ a leŋ mɩ baanɩŋ sisii bʋa na-kala. Ba yie kpʋkpaarɛ vʋɩyaa ŋmaŋkaanɩŋ lɛ, a nyɩnyɩgɛ kʋsʋɔrʋsʋŋ vʋɩyaa korunuŋ lɛ.

JƐRƖMAAYA 1:16

Mɩ jaŋ dii mɩ nɩaa sarɩya a tɩŋ ba wʋbɔŋŋɔɔ wɩaa. Ba vɩamɛ nɛ, aŋ nyɩgɛ kʋsʋɔrʋsʋŋ pɩpɩ vesiŋ a kpʋkpaarɛ vʋɩyaa ba tɩtɩa sɩ ŋaa.

JƐRƖMAAYA 11:17

Mɩ-na ma TƖƖNA, doluŋ kala Tɩɩna sɩ leŋe ma hɛ nɩmɛ, bʋla arɩ wʋlɔrʋŋ jaŋ jʋʋma, bɛɛ wɩaa ma Iziral arɩ ma Juda nɩaa ŋaa wʋbɔŋŋɔɔ nɛ a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a ŋaa mɩ baanɩŋ sii.”

JƐRƖMAAYA 17:2

Ba biiriŋ ma paala ka liisi ba vʋɩyaa korunu-la wɩaa nɛ arɩ vene-la ba sɩɩ yɩrɛ Asɩra daasɩŋ ba sɩ pɛ tɩɩ-lugu na-kala bʋbʋɔŋ arɩ dundolluŋ sɩ leŋie nyuŋ.

JƐRƖMAAYA 19:13

Jerusalɛm dɩɩsɩŋ arɩ Juda kuoroo dɩɩsɩŋ kala jaŋ kɛŋ disiniŋ a nagɛ Tɔfɛf. Ba dɩɩsɩ-la kala lɛ ba sɩ nyɩgɛ kʋsʋɔrʋsʋŋ lusuŋ-nyuŋ a pɩpɩ chɛnɛ arɩ chɛnwʋlaa aŋ ŋaa kʋnyʋalaa ma pɩpɩ ba vesiŋ kala jaŋ kɛŋ disiniŋ.’ ”

JƐRƖMAAYA 25:7

La TƖƖNA sɩ, “Ama ma bɩ jegile nɩɩ mɩ teeŋ, aŋ kɛŋ kɩalɩŋ ma sɩ kɛŋ ma nɩsɩŋ ŋaa, a ŋaa a leŋ mɩ baanɩŋ sii a lɛrɛ wʋbɔŋŋɔɔ kʋ hɛ ma tɩtɩa lɛ.”

JƐRƖMAAYA 32:29

Babɩlɔŋ tɩmma-la sɩɩ yuo tabalɩŋ deeŋ jaŋ kʋ jʋʋ joŋ nyiniŋ hɛʋ. Ba jaŋ nyɩgʋ dɩ ʋ dii tel, a pɛ dɩɩsɩ-la nɩaa sɩ kaa ŋaa wɩaa mɩ baanɩŋ sii lɛ. Dɩɩsɩ-la nyuŋ nɛ ba nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal, aŋ pɛ ŋaa kʋnyʋalaa Wɩɩsʋlʋŋ ma aa pɩ vesiŋ.

JƐRƖMAAYA 44:25

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Ma dɩ ma haalaa wʋŋaalaa sɛnɛ dagɛ nii-la ma sɩ hɛ nɛ a bʋl, ‘La jaŋ sɛnɛ to niiri-la la sɩ hɛ arɩ la jaŋ nyɩgɛ kʋsʋɔrʋsʋŋ, a wansɛ kʋnyʋalaa ma a pɩ wɩa-nyuŋ veŋ ha-kuoru-la. Má ŋaa wɩalɩŋ kala ma sɩ hɛ niiŋ arɩ ma jaŋ ŋaa. Má lɩɩsɛ niiri-la kala ma sɩ ta.’ ”

JƐRƖMAAYA 44:4

Mɩ tɩŋ mɩ wʋlaabʋllaa nɛ ba teeŋ bʋlɩa bʋlɩa, ba bʋla pɩba, ‘Má sɩ́ wʋkɩsɩa-la mɩ sɩ bɛrɛ ŋaa.’

JƐRƖMAAYA 7:17

Ŋ bɩ wɩalɩŋ ba sɩɩ ŋaa Juda tasɩŋ arɩ Jerusalɛm womporunuŋ lɛ naa?

JEMBIEE 5:13

Ba fʋgɛ la bapʋɔsaa hɛ nɛ ba nʋnɔŋ munuŋ nɔmʋŋ lɛ, hambolibiisiŋ chʋŋ daasɩŋ a gɩgɛrɛ.

ƐZƖKƖƐL 16:26

Ŋ ŋaa hachɔrʋŋ wɩalɩŋ nɛ a joŋ ŋ tɩtɩa pɩ Ijipiti tɩŋŋaa sɩ hɔnɔ kpagɩŋ. Nɩalɩŋ sɩ cho wʋlɩɩlɩŋ kɛnɩŋ pɩpɩŋ a leŋ mɩ baanɩŋ sii.

ƐZƖKƖƐL 20:28

Bʋa-la lɛ mɩ sɩ kɛmba kʋ jʋʋ tintee-la mɩ fa sɩ hɛ niiŋ arɩ mɩ jaŋ joŋo pɩba, dɩ ba nɛ na dundolo kala koo tɩɩ-lugu kala nɩmɛ, ba yie kpʋkpaarɛ vʋɩyaa nɩmɛ nɛ. Ba yie joŋ kɩaa pɩpɩba, a nyɩnyɩgɛ kʋsʋɔrʋsʋŋ sʋɔra sɩ sɩma a ŋaa kʋnyʋalaa pɩpɩba a ŋaa mɩ baanɩŋ sii.

ƐZƖKƖƐL 8:16

Ʋ kɛmmɛ kaa kʋ jʋʋ La TƖƖNA dɩ-bal-la kaala tʋɔŋ, mɩ na baalaa mara arɩ banɔŋ dɩ ba chɩŋ Wɩa dɩɩ-bal-la boi-baalɩŋ lɛ, zawʋra arɩ Wɩɩsʋlʋŋ koru-la pɛgɛ, ba harɩŋ jɩa Wɩa dɩɩ-bal-la ka ba sɩaa chaasɛ wɩɩpɔsʋŋ dɩɩrɩŋ a kpirime chʋchʋɔlɛ wɩɩpɔsʋŋ.

ƐZƖKƖƐL 8:17

Ŋɩɩ nɛ Wɩa pɩɛsɛmɛ, “Nuhuobiiŋ, ŋ na wɩɩŋ deeŋ nɛɛ? Ʋ bɩ wʋbie ŋaa Juda doho nɩaa sɩ ŋaa wʋkɩsaa deemba daha. Ʋ maga dɩ ba leŋ dɩ yuosuŋ su tintee-la nɛ a leŋ dɩ mɩ baanɩŋ sisii? Bee na ba sɩ paa daa-biisiŋ jɩjɩl ba mɩɩsɩŋ a chichesi vʋɩ-kpaaraa ŋɩɩ.

1 Kɔrɩntɩ Nɩaa 10:22

Koo laa chɛ dɩ la ŋaa dɩ Wɩa baanɩŋ sii nɛ? Koo la bɩɩna la nɛ dolie kɩɩ Wɩa?

MOSIS BƖRA WULLI WƖA WOMBIIŊ 32:16

Ma to vesiŋ, wɩɩ-la ʋ sɩɩ kɩsʋ a leŋ ʋ yaraa bieri ʋ na baanɩŋ ma nyuŋ.

MOSIS BƖRA WULLI WƖA WOMBIIŊ 32:21

Ba leŋe mɩ yaraa bieri ba veŋ-kpaarɩɩ-la lɛ nɛ, mɩ na baanɩŋ ba nyuŋ. Mɩ jaŋ leŋ dɩ nɩalɩŋ ba sɩ bene dɩ ba bɩ nɩa ŋaa, ma ŋaa dɩ ba yaraa bieri. Mɩ jaŋ leŋ dɩ tintee-la nɩaa sɩ bɩ wɩɩkala jɩŋ ŋaa dɩ ba baanɩŋ sii.

MOSIS BƖRA WULLI WƖA WOMBIIŊ 4:19

Má sɩ kɩaa deemba ma sɩɩ na wɩa-nyuŋ zil: Wɩɩpɔsʋŋ, chɛnɛ arɩ chɛnwʋlaa. Ba ŋaa kɩa nɛ La TƖƖNA sɩ joŋo pɩ dʋnɩa nɩaa kala.