JƐRƖMAAYA 7:17 - WƖA TENIŊ

¹⁷ Ŋ bɩ wɩalɩŋ ba sɩɩ ŋaa Juda tasɩŋ arɩ Jerusalɛm womporunuŋ lɛ naa?

JƐRƖMAAYA 7:17 ပူးပေါင်းရင်းမြစ်များ

JƐRƖMAAYA 1:16

Mɩ jaŋ dii mɩ nɩaa sarɩya a tɩŋ ba wʋbɔŋŋɔɔ wɩaa. Ba vɩamɛ nɛ, aŋ nyɩgɛ kʋsʋɔrʋsʋŋ pɩpɩ vesiŋ a kpʋkpaarɛ vʋɩyaa ba tɩtɩa sɩ ŋaa.

JƐRƖMAAYA 32:29

Babɩlɔŋ tɩmma-la sɩɩ yuo tabalɩŋ deeŋ jaŋ kʋ jʋʋ joŋ nyiniŋ hɛʋ. Ba jaŋ nyɩgʋ dɩ ʋ dii tel, a pɛ dɩɩsɩ-la nɩaa sɩ kaa ŋaa wɩaa mɩ baanɩŋ sii lɛ. Dɩɩsɩ-la nyuŋ nɛ ba nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal, aŋ pɛ ŋaa kʋnyʋalaa Wɩɩsʋlʋŋ ma aa pɩ vesiŋ.

JƐRƖMAAYA 32:32

Iziral tɩŋŋaa arɩ Juda nɩaa leŋe mɩ baanɩŋ sii nɛ a tɩŋ wʋbɔmɔ-la kala ba sɩ ŋaa wɩaa, ba dɩ ba kuoroo arɩ ba tɩntɩnnɩ-hɩasɩŋ, ba Wɩɩsʋllɩ sɩpaalaaraa arɩ ba nɩalɩŋ sɩ sɩ ba ŋaa mɩ wʋlaabʋllaa nɛ, a pɛ Juda nɩaa arɩ ba nɩalɩŋ sɩ hɛ Jerusalɛm lɛ.

JƐRƖMAAYA 44:17

La jaŋ sɛnɛ ŋaa wɩalɩŋ kala la sɩ sɩ la jaŋ ŋaa. La jaŋ nyɩgɛ kʋsʋɔrʋsʋŋ a pɩ wɩa-nyuŋ veŋ ha-kuoru-la aŋ wansɛ kʋnyʋalaa ma a pʋ, a nagɛ la dɩ la naabalɩmaba, la kuoroo arɩ la tɩntɩnnɩ-hɩasɩŋ fa sɩ ŋaa ŋɩɩ Juda tasɩŋ arɩ Jerusalɛm womporunuŋ lɛ. Bʋa-la lɛ, la fa kɛŋ kʋdiilee nɛ woruŋ a kɛŋ kɩaa, wɩɩkala bɩ laa walɩmɛ.

JƐRƖMAAYA 44:4

Mɩ tɩŋ mɩ wʋlaabʋllaa nɛ ba teeŋ bʋlɩa bʋlɩa, ba bʋla pɩba, ‘Má sɩ́ wʋkɩsɩa-la mɩ sɩ bɛrɛ ŋaa.’

JƐRƖMAAYA 44:6

Ŋɩɩ wɩaa, mɩ chaasa na baanɩŋ ba nyuŋ, a chei Juda tasɩŋ arɩ Jerusalɛm womporunuŋ, a leŋ ba cheye pɩŋ hoi arɩ ŋɩɩ ba sɩ naga jɩnɩmba.

JƐRƖMAAYA 6:27

Jɛrɩmaaya magɩsɛ mɩ nɩaa a nagɛ ŋɩɩ nɩa sɩ jaŋ magɩsɛ hɔɔnʋŋ a nɩna ŋɩɩ ba sɩ naga nɛ.

JƐRƖMAAYA 7:16

Jɛrɩmaaya, sɩ́ mɩ sʋla pɩ nɩaa deemba. Sɩ́ ba naasɩŋ lɛ chɩna sʋl Wɩɩsʋlɩɩ kala, dɩ ŋ nɛ sʋla ma, mɩ bɩ jaŋ jegile nɩɩ ŋ teeŋ.

JƐRƖMAAYA 7:18

Biiriŋ jaa daasɩŋ hɩhɛ dɔŋɔ nɛ, nyɩmmaba ma hɩhɛ nyiniŋ, haalaa ma bubuu munuŋ dɩ ba wasɛ boroboro pɩ vene-la ba sɩɩ yɩrɛ wɩa-nyuŋ ha-kuoro. Ba wansɛ kʋnyʋalaa ma aa pɩ vesiŋ nɛ. Ba ŋaa wɩaa deemba kala a chɩchɛ dɩ mɩ baanɩŋ sii nɛ.

ƐZƖKƖƐL 14:23

Dɩ ma nɛ na ba mɛlɛ arɩ wɩalɩŋ ba sɩɩ ŋaa, ma tʋɔŋ jaŋ pɩŋ dɩ-bala dɩ ma jɩŋ arɩ wɩalɩŋ mɩ fa sɩ joŋo ŋaa ba lɛ kɛŋ bʋbʋɔŋ nɛ. Mɩ-na ma TƖƖNA Wɩɩjarɩbakɔ nɛ bʋla.”