JƐRƖMAAYA 7:12 - WƖA TENIŊ

¹² Má mʋ taŋ-la ba sɩɩ yɩrɛ Sɩlɔ, lee-la mɩ fa sɩ laa sɩpaaŋ lɩɩsɛ dɩ nɩaa dɩdɛnnɛmɛ, a na wɩɩ-la mɩ sɩ ŋaa ʋ lɛ a tɩŋ wʋbɔmɔ-la mɩ nɩaa Iziral tɩŋŋaa sɩ ŋaa wɩaa.”

JƐRƖMAAYA 7:12 ပူးပေါင်းရင်းမြစ်များ

1 KUOROO 9:7

ŋɩɩ-na, mɩ jaŋ kiri ma Iziral tɩŋŋaa ta tintee-la mɩ sɩ joŋo pɩma lɛ, aŋ vɩa mɩ dɩɩ-balɩŋ deeŋ mɩ sɩ lɩɩsa ʋ ŋaa mɩ kʋŋ dɩ ba dɩdɛnnɛmɛ nɩmɛ ta. Dɩ ŋɩɩ nɛ ŋaa, ma Iziral tɩŋŋaa kala jaŋ mɩɩra ŋaa nɩtɔɔnɩ dɩ nɩaa kala mʋmɔmma.

JƐRƖMAAYA 26:6

ŋɩɩ-na mɩ jaŋ leŋ dɩ mɩ dɩɩ-balɩŋ deeŋ ma nagɛ taŋ-la ba sɩɩ yɩrɛ Sɩlɔ, dɩ dʋnɩa tinteyee nɩaa kala kɛŋ tabalɩŋ deeŋ yɩrɩŋ ŋmɩɛsa hɩhɛ nɩaa lɛ.’ ”

JƐRƖMAAYA 7:14

Ŋɩɩ wɩaa, wɩɩ-la mɩ sɩ joŋo ŋaa Sɩlɔ lɛ, ʋ tɩtɩa nɛ mɩ jaŋ joŋo ŋaa dɩɩ-balɩŋ deeŋ mɩ yɩrɩŋ sɩ hɛ lɛ, mɩ-na Wɩa dɩɩ-bal-la ma sɩ joŋ ma yɩɛlaa hɛ, lee-la mɩ sɩ joŋo pɩ ma dɩ ma naabalɩmaba.

MOSIS BƖRA WULLI WƖA WOMBIIŊ 12:11

Dɩ ma nɛ jʋʋ tintee-la dɩ ma TƖƖNA Wɩa lɩɩsɛ lee-la ʋ sɩɩ chɛ dɩ ma zizilu, nɩmɛ nɛ ma jaŋ kɛŋ Wɩɩsʋlʋŋ kɩalɩŋ kala mɩ sɩ dagɛma kaa mʋ. Ma kʋnyɩgaa Wɩɩsʋlʋŋ arɩ ma Wɩɩsʋlʋŋ kɩaa dɔnsʋŋ arɩ ma kpaalɩŋ fii-la sɩ ŋaa La TƖƖNA kʋa arɩ Wɩɩsʋlɩɩ-la ma sɩ yie kaa je a zaarɛ La TƖƖNA sɩpaaŋ arɩ ma Wɩɩsʋlʋŋ kɩalɩŋ ma sɩ yie hɛ niiŋ dɩ ma joŋo pɩ La TƖƖNA.

MOSIS BƖRA WULLI WƖA WOMBIIŊ 12:5

Ama ʋ maga dɩ ma-na mʋ lee-la ma TƖƖNA Wɩa sɩ jaŋ lɩɩsɛ ma doho doho kala tʋɔŋ, dɩ ma zizilu nɩmɛ.

JOSUA 18:1

Iziral tɩŋŋaa fa sɩ yuo laa tintee-la, ba kala kʋ hilimi taŋ-la ba sɩɩ yɩrɛ Sɩlɔ lɛ, a pɛ lɛbɩ-la lɛ La TƖƖNA sɩ yie kɔ Iziral tɩŋŋaa teeŋ nɩmɛ.

JOSUA 18:10

Ŋɩɩ nɛ Josua tɔnsɛ Sɩlɔ lɛ a pɩba La TƖƖNA sɩpaaŋ, a kɛŋ tintee-la a kpaa pɩ Iziral tɩmma-la doho doho.

SƖPAALAARAA 18:31

Tɔmɔ-la Mɩka fa sɩ mɛ nɛ ba kpʋkpaarɛ, bʋa-la lɛ dɩ lɛbɩ-la lɛ ba sɩɩ dɛnnɛ Wɩa fa hɛ Sɩlɔ lɛ.

1 SAMƲƐL 1:3

Jɩna na-kala, Ɛlɩkaana yie lɩɩ ʋ jaŋ Rama a mʋ taŋ-la ba sɩɩ yɩrɛ Sɩlɔ dɩ ʋ zil La TƖƖNA doluŋ kala Tɩɩna aŋ pɛ kpʋ pʋsʋŋ a ŋaa Wɩɩsʋlʋŋ. Sɩlɔ lɛ baal kʋbala nɛ fa hɛ nɩmɛ baa yɩrɛ Eli. Ʋ fa ŋaa La TƖƖNA Wɩɩsʋllɩ sɩpaalaarʋ nɛ. Ʋ fa kɛŋ hambolibiisiŋ balɩa nɛ, baa yɩrɛ Hofini arɩ Finihas, ba ma fa ŋaa La TƖƖNA Wɩɩsʋllɩ sɩpaalaaraa nɛ.

1 SAMƲƐL 4:22

Ŋɩɩ nɛ ʋ bʋl, “Iziral tʋla lɩa, bɛɛ wɩaa ba yuo laa Wɩa niiriŋ daga-la nɛ.”