11 Ma bɩɩna dɩɩ-balɩŋ deeŋ mɩ sɩ joŋ mɩ yɩrɩŋ hɛ pa jaŋ mɩɩra bɩrɩmɛ gaarɩ dɩa a pɩmaa? Mɩɩ na wɩalɩŋ kala ma sɩɩ ŋaa nɛ. Mɩ-na ma TƖƖNA nɛ bʋla.
ŋ hɛ ŋ jaŋ lɛ nɛ, jegile nɩɩ nʋhʋɔrʋ-la sʋla a ŋaa wɩɩ-la kala ʋ sɩɩ chɛ pʋ. Ŋɩɩ nɛ dʋnɩa nɩaa kala jaŋ jɩmɩŋ a fɩfáŋ arɩ ŋ nɩaa Iziral tɩŋŋaa sɩɩ ŋaa ŋɩɩ, aŋ bɩra jɩŋ arɩ mɩ saa ŋ dɩɩ-balɩŋ deeŋ a pɩŋ nɛ dɩ ba chʋchʋɔlʋŋ nɩmɛ.
Ma sɩ yie kɔ mɩ sɩpaaŋ mɩ dɩɩ-bal-la lɛ, kʋbɛɛ nɛ yie pɩɛsɛ ma kɩaa deemba wɩaa, wʋgɩrɩga gɩrɩga deemba ma sɩ yie ŋɩŋaa mɩ kaalɩsɩŋ lɛ?
Mɩ jaŋ kɛmba mʋ mɩ peel-zɔŋ-la sɩ bɩ disiniŋ kɛnɛ nyuŋ, a leŋ ba kɛŋ tʋɔtɔrʋŋ mɩ dɩɩ-bal-la lɛ ba sɩɩ chʋɔlɛmɛ. Dɩ ba nɛ kɛŋ Wɩɩsʋlʋŋ kɩaa kɔ mɩ Wɩɩsʋllɩ koruŋ, mɩ jaŋ laa ba sʋla. Mɩ dɩa nɛ jaŋ ŋaa tinteyee kala Wɩa dɩ-chʋɔlʋŋ.”
Ma gɛnnɩŋ kala nɛ suo arɩ summo-la sɩ bɩ wɩɩkala cheye chalɩŋ, ka ma bɩ ba na dɩ ba bori ma dɩɩsɩŋ jʋjʋʋ.
Nʋʋkala bɩ jaŋ wuo faa lee dɩ mɩ sɩ́ ʋ na. Mɩ hɛ tinteeŋ arɩ Wɩa-jaŋ kala lɛ nɛ. Mɩ-na ma TƖƖNA nɛ bʋla.
Ba ŋaa wɩalɩŋ sɩ bɩ bana kɛnɛ nɛ Iziral tinteeŋ lɛ. Ba kɛŋ ba dɔnsʋŋ tɩŋŋaa haalaa pɩŋ nɛ, aŋ nyɩɛ wɩaa ma mɩ yɩrɩŋ lɛ, ka mɩ bɩ wɩɩ bʋla pɩba. Mɩ jɩŋ wɩɩ-la ba sɩ ŋaa nɛ, aŋ ŋaa nʋʋ sɩ pɛ na wɩɩ-la. Mɩ-na ma TƖƖNA nɛ bʋla.”
aŋ kʋ chɩŋ mɩ sɩpaaŋ mɩ dɩɩ-balɩŋ deeŋ mɩ sɩ joŋ mɩ yɩrɩŋ hɛ lɛ a bʋl, ‘La-na hɔnɔ nɛ, wɩɩ bɩ la ka walɩmɛ.’ Ma jaŋ wuo ŋaa wʋkɩsaa deemba kala, ka dɩ wɩɩ sɩ́ ma walɩmʋʋ?
Ma bigisi ma tɩtɩa lɛ nɛ mɩ teeŋ, a bʋl wɩalɩŋ sɩ bɩ maga mɩ lɛ. Mɩ nɩɩ ba kala nɛ.
Wɩa, kpil dɩgɩlɩŋ a jegile nɩɩ, suri ŋ sɩaa a na ŋ tabalɩŋ sɩ kɛŋ ŋ yɩrɩŋ sɩ pɩŋ jikpeeŋ. La bɩ tʋɔpʋl tɩmma nɛ ŋaa a sʋsʋlʋŋ, ama a tɩŋ ŋ sɩɩ fá nɩaa nenige kɩŋkɛŋ wɩaa nɛ.
Ŋɩɩ nɛ Yesu bʋla pɩba, “Ba ŋmʋnsa Wɩa teniŋ tʋɔŋ arɩ Wɩa sɩ ʋ dɩa jaŋ ŋaa lee-la nɩaa sɩ jaŋ chʋchʋɔlʋ, aŋ ka ma-na mɩɩra kaa bɩrɩmɛ gaarɩ-dɩa.”
Ŋɩɩ nɛ Yesu dagɛba a bʋl, “Ba ŋmʋnsɛ Wɩa teniŋ tʋɔŋ arɩ Wɩa sɩ, ‘Mɩ dɩa jaŋ ŋaa lee tinteyee nɩaa kala sɩ jaŋ chʋchʋɔlɛmɛ, aŋ ka ma-na mɩɩra kaa bɩrɩmɛ gaarɩ-dɩa.’ ”
Ŋɩɩ nɛ ka ʋ bʋla pɩ nɩalɩŋ ma sɩɩ yallɛ kokosuŋ, “Má kaa lɩɩ dɩa-la tʋɔŋ. Má sɩ́ mɩ Nyɩmma dɩa kaa bɩrɩmɛ yɔbɔ.”
Kʋŋkala tuo sɩ jaŋ wuo kɛŋ ʋ tɩtɩa faa Wɩa teeŋ. Wɩa na kʋŋkala nɛ, ʋ teeŋ ba kala hɛ pʋlʋmʋŋ tʋɔŋ nɛ. Ʋ jaŋ leŋ dɩ la dagɛ la wʋŋaalaa kala a pʋ.