JƐRƖMAAYA 6:8 - WƖA TENIŊ

⁸ Jerusalɛm tɩmma, má jegile nɩɩ ŋɩɩ mɩ sɩɩ chagɩlɛma, dɩ ŋɩɩ dee, mɩ jaŋ lɩɩ ma harɩŋ, a leŋ dɩ ma tinteeŋ pɩŋ hoi dɩ nʋʋkala sɩ́ wuo hɔŋ nɩmɛ.”

JƐRƖMAAYA 6:8 ပူးပေါင်းရင်းမြစ်များ

WƖA YƖƖLAA 2:10

Ŋɩɩ wɩaa, ma dʋnɩa kuoru-balaa arɩ kuoru-biisiŋ, má kɛŋ wʋjɩmɩŋ a jegile nɩɩ ŋɩɩ mɩ sɩɩ chagɩlɛma.

WƖA YƖƖLAA 50:17

Ma bɛrɛ wɩalɩŋ mɩ sɩ daga dɩ ma ŋɩŋaa nɛ, aŋ joŋ harɩŋ yɩa mɩ niiŋ wɩaa.

WƖA YƖƖLAA 94:12

La Tɩɩna, nɩalɩŋ kala ŋ sɩ daga a kɛmba tʋraa kɩɩ ŋ wombie-la ŋ sɩ bile dɩ la tuto lɛ, jaŋ kɛŋ tʋɔtɔrʋŋ.

NAMAGABA 19:20

Jegilee nɩɩ chagɩlɩŋ, a sɛɩ dɩ ba dagɩŋ, ŋ jaŋ kʋ jɩŋ wɩaa.

NAMAGABA 4:13

Kɛŋ wɩalɩŋ mɩ sɩ dagɩŋ woruŋ, sɩ́ leŋe dɩ ba fori ŋ nɩsɩŋ lɛ. Kɛmba woruŋ, bɛɛ wɩaa ŋ mɩɩsɩŋ nɛ ŋɩɩ.

JƐRƖMAAYA 17:23

Ama ba fa bɩ jegile nɩɩ a kaa tɩŋ. Ba fa kɛŋ nyuduoŋ nɛ a bɩ chɛ ba jegile nɩɩ koo a sɛɩ dagɩŋ.

JƐRƖMAAYA 2:15

Ma dʋndɔŋŋɔɔ ŋaa goŋ nɛ ma nyuŋ a nagɛ naachigee sɩ yele, ba chei ma tinteeŋ nɛ. Ma tasɩŋ kala nɛ nyiniŋ dii, ba lɩɩ vɩa ta.

JƐRƖMAAYA 31:19

Mɩ sɩ ŋaa wɩaa a yeŋŋi, mɩ bɩrɩma lɩɩ nɛ. Mɩ sɩ kʋ jɩŋ wɩalɩŋ sɩaa, mɩ gʋrɛ nyuŋ nɛ. Hɩɩsɩŋ fa kɛmmɛ mɩ muuri, bɛɛ wɩaa hɩɩsɩ-la diimi a tɩŋ wɩalɩŋ kala mɩ sɩ ŋaa mɩ hambiriŋ kala lɛ nɛ.’

JƐRƖMAAYA 32:33

Ba joŋ harɩŋ nɛ yɩamɛ, ba sɩpaaŋ tuo mɩ lɛ. Mɩ sɩ dagɛba bʋlɩa bʋlɩa ma kala, ba bɩ jegile nɩɩ, koo a sɛɩ dɩ mɩ kɛmba tʋra kɩɩ.

JƐRƖMAAYA 4:14

Jerusalɛm nɩaa, má chɛsɛ wʋbɔmɔ-la sɩ hɛ ma tʋɔŋ lɛ ta, ka dɩ La TƖƖNA laama ta. Ɛɛ nɛ maa chɛ dɩ ma laa wʋbɔŋŋɔɔ hɛ ma tʋɔŋ lɛ a diene magɛ?

JƐRƖMAAYA 7:20

Ŋɩɩ wɩaa, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ na baanɩŋ ba nyuŋ kɩŋkɛŋ nɛ, mɩ jaŋ joŋ mɩ baaŋ-la sɩ faasa sii fɩɩsɛ Juda nɩaa lɛ, ba pʋsʋŋ arɩ ba tɩɩsɩŋ arɩ ba kʋpɛrɛɛ lɛ. Mɩ baaŋ-la jaŋ nagɛ nyiŋ-la sɩ bɩ dɩsɛ a diiba.

JƐRƖMAAYA 7:28

Ŋɩɩ wɩaa bʋla pɩba, ‘Tintee-la nɩaa sɩ vɩa dɩ ba to mɩ-na ba TƖƖNA Wɩa niiŋ, a bɩ sɛyɛ dɩ mɩ kɛmba tʋra kɩɩ nɛ ŋɩɩ. Wʋtɩtɩɩ lɛlɛ nɛ, ʋ lɛl ba niiree lɛ nɛ.’ ”

JƐRƖMAAYA 7:34

Mɩ jaŋ leŋ dɩ tʋɔtɔrɛ goŋ-la ha-falaa arɩ ba balaba sɩɩ ŋaa dɛrɛ Juda tasɩŋ arɩ Jerusalɛm womporunuŋ lɛ, bɛɛ wɩaa ba tinteeŋ jaŋ pɩŋ hoi.”

JƐRƖMAAYA 9:11

La TƖƖNA sɩ, “Mɩ jaŋ leŋ dɩ Jerusalɛm pɩŋ jikpeeŋ, a ŋaa jolluŋ dɩjʋʋlʋŋ. Mɩ jaŋ leŋ dɩ Juda tasɩŋ pɩŋ hoi, dɩ nʋʋkala sɩ́ wuo hɔŋ lee-la.”

ƐZƖKƖƐL 23:18

Ʋ fa sɩ joŋ hachɔrʋŋ wɩalɩŋ chʋŋ ʋ nyuŋ lɛ ŋɩɩ, nɩaa kala jɩŋ ʋ bʋbʋɔŋ. Mɩ mɩɩsɩŋ fɩɩ mɩ joŋ harɩŋ yɩaʋ a nagɛ mɩ fa sɩ joŋ harɩŋ yɩa ʋ malɩma ŋɩɩ.

HOSIA 2:5

Ba naaŋ ŋaa hachɔrʋŋ nɛ a ŋaa hɩɩsɛ wɩaa a kɛŋ ba luoruŋ. Ʋ sɩ, “Mɩ jaŋ kire to mɩ hɩɩlaba harɩŋ, nɩalɩŋ sɩɩ pɩmɛ mɩ kʋdiilee arɩ lɩɩŋ, pie-pʋnaa gɛnnɩŋ arɩ gɛrɩ-fʋfʋlʋŋ, nʋʋŋ arɩ girep nɛnɛɛ sɩnɩŋ.

HOSIA 9:12

Dɩ ba nɛ paala dɩɛsɛ ba biiriŋ ma, mɩ jaŋ leŋ dɩ ba sʋʋ, ba kʋŋ bɩ jaŋ ka. Hɛɛŋ jaŋ jʋʋba dɩ mɩ nɛ mɩɩrɛ ba harɩŋ.

LEVI DOHO NƖAA 26:34

Bʋa-la kala lɛ tintee-la sɩ jaŋ pɩŋ jikpeeŋ, ʋ jaŋ wiesi jɩsɩ-la kala ʋ fa sɩ maga dɩ ʋ wiesi, ka ʋ bɩ wiese, ka dɩ ma hɛ yoŋ-baga lɛ ma dʋndɔŋŋɔɔ tinteyee lɛ.

ZEFANAAYA 3:7

Mɩ fa bɩɩna mɩ nɩaa jaŋ fámɛ, a sɛɩ mɩ dagɩŋ, dɩ mɩ bɩra sɩ́ ba taŋ chei a dɔgɩsɛba. Ama ba haa ŋaa wʋbɔmɔ-la ba fa sɩɩ ŋaa nɛ.”

MOSIS BƖRA WULLI WƖA WOMBIIŊ 32:29

Dɩ ba nɛ fa kɛŋ wʋjɩmɩŋ, a jɩŋ wɩaa deemba bʋbʋɔŋ, ba fa jaŋ wuo jɩŋ ŋɩɩ ba dɩdɛrɩŋ sɩ jaŋ nagɛ.