JƐRƖMAAYA 6:6 - WƖA TENIŊ

⁶ Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Má keri Jerusalɛm tɩɩsɩŋ lo, a saa lusuŋ-choluŋ yelli ʋ kɛrɩsɩŋ. Ʋ maga mɩ dɔgɩsɛ tabalɩŋ deeŋ nɩaa nɛ, bɛɛ wɩaa ba wʋrɩgɛ nɩaa nɛ kɩŋkɛŋ ʋ lɛ.

JƐRƖMAAYA 6:6 ပူးပေါင်းရင်းမြစ်များ

AZAAYA 37:33

Ŋɩɩ wɩaa ŋ-la nɛ La TƖƖNA bʋl a mʋ tɩgɛ Asiiria kuoro lɛ: ‘Ʋ bɩ jaŋ wuo kʋ jʋʋ taŋ deeŋ koo a yuo hɛmɩŋ ʋ lɛ. Ʋ laalɩyuoroo bɩ jaŋ wuo golli taŋ deeŋ chu a yuou, ba bɩ jaŋ wuo saa lusuŋ-choluŋ a to nɩmɛ jʋʋ.

JƐRƖMAAYA 20:8

Dɩ mɩ nɛ bʋl wɩaa bʋa na-kala, mɩ yie yel nɛ a heele bʋbʋl doluŋ sɩ diila arɩ cheeriŋ sɩ puula. La TƖƖNA niiŋ wɩaa joŋ joŋŋoo arɩ hɩɩsɩŋ nɛ a hɩhɛ mɩ lɛ tapʋlɩɩ kala.

JƐRƖMAAYA 22:17

Ama ŋ sɩaa arɩ ŋ tʋɔŋ kala hɛ gɩrɩma dii lɛ nɛ, a kpʋkpʋ nɩaa sɩ bɩ wɩɩ cheye a dʋdɔgɩsɛ nɩaa, aŋ pɛ kɛŋ nɩaa kɩaa lɩlaa.”

JƐRƖMAAYA 32:24

Bee na ŋɩɩ ba sɩ saa vaŋkumba dɩ ba yuo dii tabal-la. A tɩŋ laalɩŋ, losuŋ arɩ nyanyalɩŋ wɩaa, tabal-la jaŋ jʋʋ Babɩlɔŋ tɩmma-la sɩɩ yuou nɩsɩŋ. Wɩɩ-la ŋ sɩ bʋla sɛnɛ ŋaa nɛ, ʋ nɛ ŋ nɩna ŋɩɩ lɛɛlɛ.

JƐRƖMAAYA 32:31

A chɩŋ tapʋlɩɩ-la ba sɩ saa tabalɩŋ deeŋ a kaa kɔ jɩnɩŋ, ba leŋe mɩ baanɩŋ chaasa sii nɛ. Mɩ baanɩŋ sie nɛ a magɛ mɩ leŋ dɩ tabal-la nyɩɩgɛ mɩ sɩaa lɛ.

JƐRƖMAAYA 33:4

Wɩɩ-la mɩ-na ma TƖƖNA, Iziral tɩŋŋaa Wɩa sɩ bʋla tɩgɛ dɩɩsɩ-la sɩ hɛ tabalɩŋ deeŋ lɛ arɩ Juda kuoroo dɩɩsɩ-la ba sɩ saa vaŋkumba yelli a yuo laalɩŋ yige lo

JƐRƖMAAYA 39:1

Ŋ-la nɛ ba to a yuo dii Jerusalɛm: Zedikaaya sɩ dii Juda tinteeŋ kuoruŋ, ʋ jɩsɩŋ nibi tʋɔŋ chɛŋ fii lɛ nɛ, Babɩlɔŋ kuoro Nebukadineza arɩ ʋ laalɩyuoroo kala sii mʋ yuo Jerusalɛm a gollu chu.

JƐRƖMAAYA 5:29

La TƖƖNA pɩɛsa, “Bɛɛ nɛ tɩɩ mɩ bɩ jaŋ dɔgɩsɛba a tɩŋ wɩɩŋ deeŋ wɩaa? Bɛɛ nɛ jaŋ tɩɩ mɩ bɩ jaŋ joŋ mɩ baanɩŋ fɩɩsɛ tintee doho deeŋ nɩaa lɛ?

JƐRƖMAAYA 5:9

Bɛɛ nɛ tɩɩ mɩ bɩ jaŋ dɔgɩsɛba a tɩŋ wɩɩŋ deeŋ wɩaa? Mɩ-na ma TƖƖNA nɛ pɩɛsa. Bɛɛ nɛ jaŋ tɩɩ mɩ bɩ jaŋ joŋ mɩ baanɩŋ fɩɩsɛ tintee doho deeŋ nɩaa lɛ?

ƐZƖKƖƐL 4:2

Saa lusuŋ-chol sɩaa a tɩgɛ tiebii-la lɛ, a ŋaa leree a nagɛ laalɩyuoroo nɛ ŋmoo bugoo a gollu, a ŋaa doloo ma ba sɩ jaŋ kaa ŋmobu lo a golli ʋ kala.

ƐZƖKƖƐL 5:5

Wɩɩ-la La TƖƖNA Wɩɩjarɩbakɔ sɩ bʋla nɛ ŋ-la: “Má bee na Jerusalɛm, mɩ joŋu a kɩɩ dʋnɩa kala tʋtʋɔbaanɩŋ nɛ tinteyee chɩna gollu.

DANƖƐL 11:15

Ŋɩɩ nɛ Siiria kuoro jaŋ kɔ a saa vaŋkumba dɩ ba to ba lɛ a jʋʋ yuo dii tabal-la ba sɩ saa kɛrɛ golli. Ijipiti tinteeŋ kuoro laalɩyuoroo bɩ jaŋ kɛŋ doluŋ a wuo chemba. Ba nɩalɩŋ ma sɩ paala jɩŋ laalɩŋ yuonuŋ woruŋ bɩ jaŋ wuo yuoba.

ZEFANAAYA 3:1

Wɩaa puu Jerusalɛm, ʋ nyagɛ nɩaa bil nɛ, a vɩa dagɩŋ aŋ ŋaa wɩaa a kɛŋ disiniŋ.

Luuk 19:43

Tapʋlɩɩ jaŋ yi dɩ ma dʋndɔŋŋɔɔ saa kɛrɛ gollima, dɩ ma sɩ́ wuo lɩɩ.