JƐRƖMAAYA 6:4 - WƖA TENIŊ

⁴ Ba jaŋ bʋl, “Má kɛŋ ma tɩtɩaba dɩ la yuo Jerusalɛm. Má sii dɩ la yuou wɩɩhɛyɛ. Ama leriŋ ka biri nɛ, dɩdaanɩŋ yie nɛ, daaliimee duomo pɩpɛ nɛ.

JƐRƖMAAYA 6:4 ပူးပေါင်းရင်းမြစ်များ

JOB 7:2

Ʋ nagɛ yomo sɩ yie cho dɩ wɩa jʋʋ lɩma nɛ, koo pa-chɩŋ-diire sɩ gbɛrɛ a chichel dɩ ʋ laa ʋ time.

SOLOMOŊ YƖƖL-SƖMƖŊ 2:17

Ʋ yie hɛ ba tʋɔŋ halɩɩ taŋ pʋl daaliimee lɛl. Mɩ hɩɩla, mɩɩra kɔ, fá a nagɛ tɛhɩɩ koo aaŋ-bel-pɔrʋŋ peele-la sɩ bɩ dɔŋɔ maga nyuŋ.

JƐRƖMAAYA 15:8

Mɩ jaŋ leŋ dɩ ba yo-haalaa faasa pʋrɩgɛ, a kɩɩ mʋgʋ-balɩŋ niiŋ hagɩlɩ-bumbugulo. Mɩ jaŋ kɛŋ nɩalɩŋ sɩɩ chei leriŋ kʋ hɛ ba lɛ wɩɩhɛɩ-siesee, dɩ ba kpʋ ba bapʋɔsɛ-biisiŋ, ka dɩ ba naamba bibeŋ. Mɩ jaŋ guu lɛrɛ tʋɔ-cheeŋ arɩ wɩaa sɩ faasa kɛŋ fawʋllʋŋ kɩŋkɛŋ a kʋ hɛ ba lɛ.

JƐRƖMAAYA 15:9

Naaŋ-la sɩ kɛŋ biiriŋ balɩpɛ jaŋ yiegi, a wiese lʋlɔl. Ʋ wɩɩ-muluŋ jaŋ jʋʋ, ka ʋ ha ŋaa wɩɩhɛyɛ. Ba jaŋ hɩɩsʋ a jolimu. Mɩ jaŋ kpʋ nɩalɩŋ sɩ ka a bɩ sʋba ba dʋndɔŋŋɔɔ sɩpaaŋ. Mɩ-na ma TƖƖNA nɛ bʋla.”

JƐRƖMAAYA 5:10

Má gɔllɛ ʋ girep tɩɩsɩŋ bagɩsɩŋ a cheiba, ama má sɩ́ ba kala chei gbelem gbelem. Má keri ba naakelee ta, bɛɛ wɩaa nɩaa deemba bɩ mɩ-na ma TƖƖNA nɩaa ŋaa.

JƐRƖMAAYA 6:23

Ba nyɩgɩla nɛ a kori tosuŋ arɩ ba tiŋŋee, ba ŋaa laalɩyuori tʋɔhɛɩ tɩmma nɛ, a bɩ nɩaa nenige ka fá. Ba sɩ jɩl ba janɩŋ, ba dɔmɔ nagɛ mʋgʋ-balɩŋ sɩɩ huuru nɛ. Ba ŋaa nɩaa sɩ nyɩgɩla dɩ ba yuo laalɩŋ nɛ a kɔ dɩ ba yuo ŋ-na Jerusalɛm.”

JƐRƖMAAYA 8:20

Jɛrɩmaaya bɩra bʋl, “Baga kɩaa ŋaanɩŋ bala nɛ, lɩmbaŋa dɛrɛ nɛ, ka nʋʋkala bɩ la laata.

JOWƐL 3:9

Má heele bʋl wɩɩŋ deeŋ tinteyee tʋɔŋ: Má kɛŋ ma tɩtɩa hɛ dɔŋɔ a yuo laalɩŋ. Má leŋ dɩ bayuoroo nyɩgɩlɛ. Má leŋ dɩ bayuoro-la kala kʋ kpagɛ a yuo.

OBADAAYA 1:1

Obadaaya sɩ na wɩalɩŋ duosoo tʋɔŋ. La TƖƖNA Wɩɩjarɩbakɔ bʋl wɩaa tɩgɛ Ɛdɔm nɩaa lɛ. La nɩɩ tɩndaarɩŋ nɛ, ʋ lɩɩ la TƖƖNA teeŋ nɛ. Ʋ tɩŋ ʋ tɩndaara dɩ ʋ bʋla pɩ tinteyee nɩaa, “Má sii dɩ la mʋ yuo Ɛdɔm nɩaa.”

MƖKA 3:5

Wɩɩ-la La TƖƖNA sɩ bʋla nɛ ŋ-la: “Ma nɩalɩŋ sɩ sɩ ma ŋaa mɩ wʋlaabʋllaa nɛ aa nyɩsɛ mɩ nɩaa. Dɩ ba nɛ pɩma kʋdiilee, ma yie bʋl, ‘Wɩa jaŋ leŋ dɩ ma hɔŋ arɩ fɩɛlɩŋ.’ Dɩ ba nɛ bɩ ma kʋŋ pa, ma bʋl arɩ laalɩŋ jaŋ kʋ jʋʋba.

ZEFANAAYA 2:4

Ba jaŋ vɩa tabal-la ba sɩɩ yɩrɛ Gaza ta, aŋ ka dɩ taŋ-la ma ba sɩɩ yɩrɛ Asɩkɛlɔŋ pɩŋ jikpeeŋ. Ba jaŋ kiri taŋ-la ba sɩɩ yɩrɛ Asɩdɔd nɩaa ta wɩɩhɛɛ siesee ka dɩ ʋ pɩŋ hoi, a kiri taŋ-la ba sɩɩ yɩrɛ Ɛkʋrɔŋ nɩaa ma ta.