JƐRƖMAAYA 6:24 - WƖA TENIŊ

²⁴ La nɩɩ la dʋndɔmɔ-la wɩaa nɛ, ŋɩɩ leŋ la nandaasɩŋ yʋɔrɛ. Hɛɛŋ chaasa jʋʋla nɛ, a nagɛ haala sɩɩ chɛ dɩ ʋ lʋl ʋ luoruŋ wʋwɩɩ.

JƐRƖMAAYA 6:24 ပူးပေါင်းရင်းမြစ်များ

WƖA YƖƖLAA 48:6

Nɩmɛ nɛ fawʋllʋŋ kɛmba, ba na hɛɛŋ a nagɛ haala sɩɩ chɛ dɩ ʋ lʋl ʋ luoruŋ wʋwɩɩ.

AZAAYA 21:3

Wɩɩ-la mɩ sɩ na arɩ wɩɩ-la mɩ sɩ nɩa leŋe fawʋllʋŋ kɛmmɛ nɛ, hɛɛŋ jʋʋmɛ nɛ, a nagɛ haala sɩɩ chɛ ʋ lʋl ʋ luoruŋ wʋwɩɩ ŋɩɩ.

AZAAYA 28:19

Bʋa-la kala lɛ ʋ sɩ jaŋ kɔ, ʋ jaŋ cheima, chʋchʋɔŋ, wɩɩhɛyɛ arɩ tɩtaŋɩŋ kala, ʋ jaŋ tii paama. Fawʋllʋŋ jaŋ kɛmma dɩ ma nɛ jɩŋ wɩɩŋ deeŋ bʋbʋɔŋ.

JƐRƖMAAYA 13:21

Wʋbɛɛ nɛ ma jaŋ bʋl dɩ La TƖƖNA nɛ leŋe nɩalɩŋ ma sɩ joŋo arɩ ba dɩ ma niiŋ chaasa ŋaa kʋbala nɛ mɩɩra kɛŋ doluŋ ma nyuŋ? Hɛɛŋ bɩ jaŋ jʋʋma a nagɛ haala sɩɩ chɛ ʋ lʋl ʋ luoruŋ wʋwɩɩ ŋɩɩ?

JƐRƖMAAYA 22:23

Ma Jerusalɛm nɩalɩŋ sɩ hɔnɔ ta jɩa, aa jʋʋ Lɛbanɔŋ kuolo daasɩŋ dɩɩsɩŋ, dɩ hɛɛŋ nɛ jʋʋma, ma jaŋ huuni. Hɛɛ-la jaŋ nagɛ haala sɩɩ chɛ ʋ lʋl, ʋ luoruŋ wʋwɩɩ.”

JƐRƖMAAYA 30:6

Pɩɛsa na: Baala jaŋ wuo lʋl biiriŋ? Bɛɛ nɛ saa tɩɩ mɩ na baduo na-kala dɩ ʋ paa nɩsaa vɔɔ ʋ kawule bʋbʋɔŋ a nagɛ haala sɩɩ chɛ ʋ lʋl, ʋ luoruŋ wʋwɩɩ ŋɩɩ, nʋʋkala nyal sɩaa?

JƐRƖMAAYA 4:31

Mɩ nɩa dɩ baa ŋmoo niiŋ a nagɛ haala sɩɩ chɛ dɩ ʋ lʋl ʋ luoruŋ wʋwɩɩ nɛ, a huunoo nagɛ haala sɩɩ chɛ dɩ ʋ lʋl ʋ ha-toli bie. Zaayɔŋ nɩaa nɛ ŋmoo niiŋ ŋɩɩ a wiesee puri, a tɩɛnɛ nɩsaa a bʋl, “Ou, mɩ sʋba. Ba jommi hɛ nɩkpʋʋraa nɩsɩŋ lɛ nɛ.”

JƐRƖMAAYA 48:41

Ba jaŋ yuo dii tabala-la a laa ba dɩ-duoruŋ. Tapʋlɩɩ-la, Mʋab bayuoroo tʋɔŋ jaŋ wʋwɩɩ a nagɛ haala sɩɩ chɛ ʋ lʋl ʋ luoruŋ wʋwɩɩ ŋɩɩ.

JƐRƖMAAYA 49:24

Damasɩkʋs pʋgʋma nɛ, ʋ mɩɩra dɩ ʋ fá nɛ. Fawʋllʋŋ kɛnʋ nɛ. Tʋɔ-cheeŋ arɩ hɛɛŋ jʋʋ-ʋ nɛ, a wʋwɩɩ ʋ lɛ a nagɛ haala sɩɩ chɛ ʋ lʋl ʋ luoruŋ wʋwɩɩ.

JƐRƖMAAYA 50:43

Babɩlɔŋ kuoro nɩɩ ba wɩaa nɛ, ʋ nɩsaa sʋʋ mɛrɛ. Hɛɛŋ jʋʋ-ʋ nɛ ʋ nɩna hɛɛŋ a nagɛ haala sɩɩ chɛ ʋ lʋl ʋ luoruŋ wʋwɩɩ.

ƐZƖKƖƐL 7:17

Ba nɩsaa jaŋ ŋaa gbɛlɛɛ, dɩ ba naadʋsʋŋ kala chichel.

DANƖƐL 5:9

Fawʋllʋŋ faasa kɛŋ kuoro Bɛlɩsaza, ʋ sɩaa wasa biri. Ʋ nɩhɩasɩ-la ma bɩ jɩŋ wɩɩ-la ba sɩ jaŋ ŋaa.

HABAKU 3:16

Mɩ nɩɩ wɩaa deemba kala nɛ a chichel, mɩ niipinee ŋmuŋmoo dɔŋɔ, mɩ yaraa kala sʋʋ, mɩ naasɩŋ chichel. Ama mɩ jaŋ dii kenyiri aŋ gbɛrɛ tapʋlɩɩ-la wʋbɔŋŋɔɔ sɩ jaŋ jʋʋ tinteye-la sɩ kʋ tɔla hɩhɛ.

1 Tɛsalonaaka Nɩaa 5:3

Bʋa-la lɛ nɩaa sɩ jaŋ bɩɩnɛ arɩ leriŋ fɩɛla nɛ wɩɩkala tuo, cheeriŋ jaŋ guu jʋʋba. Nʋʋkala bɩ jaŋ wuo fá lɛl. Ʋ jaŋ nagɛ arɩ haala sɩ kɛŋ luoruŋ, ʋ luoruŋ sii a wʋwɩɩ ʋ lɛ dɩ ʋ lʋl.