JƐRƖMAAYA 6:22 - WƖA TENIŊ

²² Wɩɩ-la La TƖƖNA sɩ bʋla nɛ ŋ-la: “Má bee na laalɩyuoroo nɛ lɩɩ wɩɩpɔsʋŋ nagʋa dɩɩrɩŋ tinteeŋ kʋkɔ. Tintee-la nɩaa sɩ faasa kɛŋ doluŋ nɛ ba koso kʋkɔ ba hɛ ma lɛ, ba lɩɩ dɩ-bolii kʋkɔ.

JƐRƖMAAYA 6:22 ပူးပေါင်းရင်းမြစ်များ

NƐHƖMAAYA 1:9

Ama dɩ ma nɛ bɩra mɩɩra kɔ mɩ teeŋ a ŋɩŋaa wɩalɩŋ mɩ sɩ dagɛma, dɩ ma nɩalɩŋ ba sɩ kɛsɛ mʋ yoŋ-baga nɛ paala hɛ dɩ-bolii ma, mɩ jaŋ kɛmba lɩɩ nɩmɛ a kaa kɔ lee-la mɩ sɩ lɩɩsa dɩ ba chʋɔlɛmɛ nɩmɛ.’

JƐRƖMAAYA 10:22

Má jegile nɩɩ goŋ-la ba sɩ ŋaa kʋkɔ. Yuo-bal nɛ sii wɩɩpɔsʋŋ nagʋa tinteeŋ a kʋkɔ. Ʋ jaŋ ŋaa dɩ Juda tinteeŋ tasɩŋ pɩŋ hoi, a bɩrɩmɛ jolluŋ dɩjʋʋlʋŋ.

JƐRƖMAAYA 13:20

Má kɛŋ ma sɩaa je a na nɩalɩŋ sɩ lɩɩ wɩɩpɔsʋŋ nagʋa dɩɩrɩŋ kʋkɔ. Nɩɩ nɛ nɩalɩŋ ba sɩ joŋo hɛ ma nɩsɩŋ lɛ hɛ, nɩalɩŋ ma fa sɩ kaa ŋmoo bɔyɛ?

JƐRƖMAAYA 25:32

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Má bee na, wʋlɔrʋnʋŋ ka pusi nɛ, a lɩɩ tinteeŋ a mʋ jʋʋ dɔŋɔ. Pel-duoŋ ka sii nɛ a lɩɩ dʋnɩa dɩdɛrɩŋ.”

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 30:5

“Mɩ nɩɩ nɩaa sɩɩ yel fawʋllʋ yele nɛ, yele-la chaasa kɛŋ fawʋllʋŋ nɛ, ba fɩɛla dee.

JƐRƖMAAYA 4:16

Má bʋl wɩɩŋ deeŋ pɩ tinteyee nɩaa, má heele bʋla pɩ Jerusalɛm nɩaa. Laalɩyuoroo sɩ golli tasɩŋ chu a yuyuo nɛ lɩɩ tintee bolii a kʋkɔ, a ŋɩŋaa laalɩyuori goŋ dɩ ba yuo Juda tabalaa.

JƐRƖMAAYA 4:6

Má hɛ duoso pɩ nɩaa dɩ ba fá mʋ Jerusalɛm. Má fá a laa ma tɩtɩa, má sɩ́ dienu. Mɩ kɛŋ wʋlɔrʋŋ nɛ lɩɩ wɩɩpɔsʋŋ nagʋa dɩɩrɩŋ kʋkɔ, ʋ ŋaa wʋlɔrʋ sɩ bɩ bana kɛnɛ.”

JƐRƖMAAYA 47:2

Wɩɩ-la La TƖƖNA sɩ bʋla nɛ ŋ-la: “Bee na ŋɩɩ lɩɩŋ sɩɩ sii wɩa-nyuŋ wɩɩpɔsʋŋ nagʋa dɩɩrɩŋ. Ba jaŋ pɩpɛllɛ a nagɛ fuoŋ sɩ suo a pɛllɛ lɩlɩɩ. Ba jaŋ pɛllɛ tɔ tinteeŋ arɩ kʋŋ na-kala sɩ hɛ ʋ lɛ, tasɩŋ arɩ nɩalɩŋ sɩ hɛ ba lɛ. Nɩalɩŋ jaŋ ŋmoo niiŋ, nɩalɩŋ kala sɩ hɛ tintee-la lɛ jaŋ ŋmoo niiŋ,

JƐRƖMAAYA 5:15

La TƖƖNA bɩra sɩ, “Ou, Iziral tɩmma, Mɩ kɛŋ tintee dɔŋ nɩaa nɛ a lɩɩ dɩ-bolii a kʋkɔ dɩ mɩ hɛ ma lɛ. Tintee-la nɩaa hɛ nɩmɛ faafaa kala nɛ a kɛŋ doluŋ woruŋ. Ma bɩ ba yikoro jɩŋ. Ma bɩ ba wʋbʋlʋŋ ma ka nɩɩ.

JƐRƖMAAYA 5:16

Ba bayuori kɩaa kɛŋ huoŋ nɛ woruŋ, ba kala ŋaa laalɩyuori wajɩaba nɛ a kɛŋ doluŋ.

JƐRƖMAAYA 6:1

“Bɛnjamɩŋ doho nɩaa, má fá a laa ma tɩtɩa. Má fá lɩɩ Jerusalɛm lɛ. Má ŋmʋʋ banyile taŋ-la ba sɩɩ yɩrɛ Tɛkʋa lɛ! Má hɛ nyiniŋ dɩ ʋ ŋaa magɩl lee-la ba sɩɩ yɩrɛ Bɛf Hakerem lɛ, bɛɛ wɩaa wʋlɔrʋŋ nɛ lɩɩ wɩɩpɔsʋŋ nagʋa dɩɩrɩŋ a kʋkɔ. Ʋ ŋaa wɩɩ sɩ chaasa lɔrɛ nɛ.

ƐZƖKƖƐL 21:31

Mɩ jaŋ na baanɩŋ ma nyuŋ, mɩ baanɩŋ jaŋ sii ma nyuŋ a nagɛ nyiniŋ. Mɩ jaŋ jomma hɛ ma dʋndɔmɔ-la sɩ bɔmɔ kɩŋkɛŋ nɩsɩŋ lɛ, nɩalɩŋ sɩ kɛŋ nɩaa kpʋnʋŋ jɩma.

ƐZƖKƖƐL 23:22

Ŋɩɩ wɩaa Oholiba, wɩɩ-la mɩ-na ŋ TƖƖNA Wɩɩjarɩbakɔ sɩ bʋla nɛ ŋ-la: Mɩ jaŋ lɛrɛ ŋ hɩɩlaba kʋ hɛ ŋ lɛ, nɩalɩŋ ŋ mɩɩsɩŋ sɩ fɩa ŋ mɩɩrɛ ba harɩŋ. Mɩ jaŋ kɛmma lɩɩ lee-kala kʋ hɛ ŋ lɛ.

HABAKU 1:6

Mɩ jaŋ leŋ dɩ Babɩlɔŋ tɩŋŋaa bɩra kɛŋ doluŋ, nɩalɩŋ sɩ kɛŋ tʋɔhɛɛŋ a chaasa bɔŋ woruŋ, a wuo vɛnɛ mʋmʋ dʋnɩa sɛmɛ na-kala dɩ ba yuo laa tinteye-la sɩ bɩ ba kɩaa ŋaa.

MOSIS BƖRA WULLI WƖA WOMBIIŊ 28:49

La TƖƖNA jaŋ kɛŋ tinteeŋ nɩaa yikoro ma sɩ bɩ nɩɩ a lɩɩ dʋnɩa lee sɩ bolie a kʋ hɛ ma lɛ dɩ ba yuoma a nagɛ kachuuŋ sɩ yie kʋ tuu jiŋŋee lɛ ŋɩɩ.