JƐRƖMAAYA 6:21 - WƖA TENIŊ

²¹ Ŋɩɩ wɩaa, wɩɩ-la La TƖƖNA bɩra sɩ bʋla nɛ ŋ-la: “Mɩ jaŋ joŋ baŋkɛŋ wɩaa kɛrɛ nɩaa deemba. Bii-lʋllaa arɩ ba biiriŋ jaŋ gɛrɛba tel. Pɛ-jʋʋraa arɩ ba nandɔnsʋŋ ma jaŋ sʋʋ.”

JƐRƖMAAYA 6:21 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 36:17

Ŋɩɩ nɛ ʋ lɛrɛ Babɩlɔŋ kuoro kʋ hɛ ba lɛ, ʋ kpʋ ba baalaa arɩ haalaa, hambiisiŋ arɩ nɩhɩasɩŋ kala, a kpʋ ba bapʋɔsaa ma sɩ paala hɛ Wɩa dɩɩ-bal-la lɛ. Wɩa fa joŋ ba kala hɛ Nebukadineza nɩsɩŋ lɛ nɛ.

AZAAYA 8:14

Mɩ jaŋ hɛ ma tʋɔŋ a pʋpɔma, ama mɩ jaŋ nagɛ tabɩɩŋ dɩ nɩalɩŋ sɩ bɩ ʋ laa dii gɛrɛ titel, aŋ nagɛ bɛrɛ a kɩkɛsɛ Iziral tɩŋŋaa a pɛ Jerusalɛm tɩŋŋaa lɛ.

AZAAYA 8:15

Ba nɩaa jaŋ yʋgɛ a gɛrɛ tel a nyʋgʋsɛ, bɛrɩsɩŋ jaŋ kɛsɛba.”

JƐRƖMAAYA 13:14

Mɩ jaŋ paaba yagɛ a daŋ dɔŋɔ lɛ, nyɩmmaba arɩ biiriŋ kala. Mɩ-na ma TƖƖNA nɛ bʋla. Mɩ bɩ jaŋ lemba, mɩ bɩ jaŋ fá ba nenige koo ba nisusuŋ, mɩ jaŋ kpʋba.’ ”

JƐRƖMAAYA 13:16

Má zil ma TƖƖNA Wɩa, ka dɩ ʋ-na leŋ dɩ leriŋ biri, dɩ ma gɛrɛ dundollu-la sɩ kɛŋ birimiŋ lɛ. Maa chɛ dɩ ma na pʋlʋmʋŋ nɛ, ama ʋ jaŋ kɛŋ pʋlʋŋ-la bɩrɩmɛ birimiŋ lim, a ŋaa dɩ leriŋ faasa biri woruŋ.

JƐRƖMAAYA 18:21

Ŋɩɩ wɩaa, La Tɩɩna, leŋ dɩ losuŋ kpʋ ba biiriŋ dɩ ba sʋʋ. Leŋ dɩ ba sʋʋ laalɩŋ lɛ, dɩ ba haalaa sɩ́ biiriŋ kɛŋ aŋ ŋaa yo-haalaa. Leŋ dɩ ba kpʋ ba baalaa arɩ bapʋɔsaa kala laalɩŋ lɛ.

JƐRƖMAAYA 18:23

La TƖƖNA, ŋ jɩŋ ŋɩɩ kala ba sɩ vʋʋra dɩ ba kpʋmɛ nɛ. Sɩ́ ba wʋbɔŋŋɔɔ joŋo chɛba, sɩ́ ŋ sɩaa lɩɩsɛ ba wʋbɔŋŋɔɔ lɛ. Leŋ dɩ ba tele bilimi ŋ sɩpaaŋ. Na baanɩŋ a dɔgɩsɛba.

JƐRƖMAAYA 21:7

La TƖƖNA sɩ, “Ŋɩɩ harɩŋ, mɩ jaŋ joŋ Juda kuoro Zedikaaya, ʋ tɩntɩnnɩ-hɩasɩŋ arɩ nɩalɩŋ sɩ hɛ tabalɩŋ deeŋ lɛ, nɩalɩŋ nyanyal-bɔŋ-la, laalɩŋ arɩ losuŋ sɩ bɩ kpʋa a hɛ Babɩlɔŋ kuoro Nebukadineza nɩsɩŋ lɛ, arɩ ba dʋndɔmɔ-la sɩɩ chɛ dɩ ba lɩɩsɛ ba mɩɩsɩŋ. Ʋ jaŋ kpʋba. Ʋ bɩ jaŋ fá ba nisusuŋ koo ba nenige, ʋ tʋɔŋ bɩ jaŋ wɩɩ ba lɛ.

JƐRƖMAAYA 8:12

Wʋkɩsɩa-la ba sɩɩ ŋaa, hɩɩsɩŋ kɛmba nɛɛ? Aɩ, ba paala bɩ hɩɩsɩŋ ka fá. Ba paala bɩ jɩŋ ŋɩɩ ba sɩ jaŋ kɛŋ sɩaa chei. Ŋɩɩ wɩaa ba jaŋ sʋʋ, a pɛ nɩalɩŋ sɩ sʋba lɛ. Mɩ jaŋ dɔgɩsɛba a kɛmba muuri. Mɩ-na ma TƖƖNA nɛ bʋla.

ƐZƖKƖƐL 3:20

Dɩ tʋɔpʋl tɩɩna nɛ suomo ŋɩŋaa wʋbɔŋŋɔɔ, dɩ mɩ joŋ wɩaa kɛrɛ ʋ wombiiŋ, dɩ ŋ nɛ bɩ ʋ dɩgɩlaa kpʋrɩsa dɩ ʋ bɩrɩma lɩɩ, ʋ jaŋ sʋʋ. Ʋ jaŋ sʋʋ a tɩŋ ʋ wʋbɔmɔ-la wɩaa, mɩ bɩ jaŋ liisi ʋ wʋzɔmɔ-la ʋ sɩ ŋaa wɩaa. Dɩ ʋ nɛ saa sʋba, mɩ jaŋ tɩŋ ʋ sʋʋŋ wɩaa a kɛŋ ŋ baŋŋaa lɛ.

ƐZƖKƖƐL 5:10

Jerusalɛm, ŋ lɛ nyɩmmaba jaŋ chaŋ ba biiriŋ, dɩ biiriŋ ma chɩchaŋ ba nyɩmmaba. Mɩ jaŋ dɔgʋsʋŋ, aŋ kɛŋ ŋ nɩalɩŋ sɩ ka kaa pɩsa hɛ lee-kala.

LEVI DOHO NƖAA 26:37

Ma jaŋ fá a yigi dɔŋɔ lulo arɩ laalɩŋ nɩɩ kirima, ka nʋʋkala bɩ maa kiri. Ŋɩɩ jaŋ leŋ dɩ ma sɩ́ wuo yuo ma dʋndɔŋŋɔɔ.

Rom Tɩŋŋaa 11:9

Devit ma fa bʋla, “Leŋ dɩ ba gbiele kʋdiile-la bɩrɩmɛ bɛrɛ́ a kɛsɛba, leŋ dɩ ʋ bɩrɩmɛ kʋŋ sɩ jaŋ ŋaa dɩ ba gɛrɛ tel a na hɛɛŋ.

Rom Tɩŋŋaa 9:33

Ba ŋmʋnsɛ Wɩa teniŋ tʋɔŋ a tɩgɛ tabɩɩ-la lɛ nɛ a bʋl, “Bee na, mɩ joŋ tabɩɩ-la sɩ jaŋ leŋ dɩ nɩaa gɛrɛ a bil lee-la ba sɩɩ yɩrɛ Zaayɔŋ nɛ. Tabɩɩ-la ŋaa bʋŋ nɛ. Ʋ jaŋ leŋ dɩ nɩaa gɛrɛ titel. Ama nʋʋ na-kala sɩ laa nɩɩ-la la sɩɩ yɩrɛ bʋŋ-la wɩaa dii, ʋ bɩ jaŋ dii hɩɩsɩŋ.”

1 Pɩɩta 2:8

Ba bɩra ŋmʋnsa Wɩa teniŋ tʋɔŋ a bʋl, “Ʋ jaŋ nagɛ tabɩɩŋ nɩaa sɩ jaŋ gɛrɛ tel. Tabɩɩ-la ŋaa bʋŋ nɛ, ʋ jaŋ leŋ dɩ ba tel.” Ba jaŋ tel, bɛɛ wɩaa ba vɩa Wɩa niiŋ wɩalɩŋ nɛ. Wɩa bʋl faafaa nɛ arɩ ba jaŋ ŋaa ŋɩɩ.