JƐRƖMAAYA 6:20 - WƖA TENIŊ

²⁰ Kʋsʋɔrʋsʋ-la ba sɩ kaa lɩɩ taŋ-la ba sɩɩ yɩrɛ Sɩɩba arɩ tegisi-la dɔnsʋŋ sʋɔra sɩ sɩma ba kaa lɩɩ tintee-la sɩ bolie kʋʋ pɩmɛ, ba bɩ bʋbʋɔ kala kɛnɛ mɩ teeŋ. Mɩ bɩ ma kʋnyɩgaa Wɩɩsʋlʋŋ kɩaa ka laa. Mɩ tʋɔŋ bɩ pʋsʋ-la ma sɩ yie kpʋ pɩmɛ nyuŋ ka tɔrɛ.”

JƐRƖMAAYA 6:20 ပူးပေါင်းရင်းမြစ်များ

2 SAMƲƐL 15:12

Bʋa-la lɛ Abɩsalɔm sɩ kpʋ pʋsʋŋ a sʋsʋl Wɩɩsʋlʋŋ ŋɩɩ, ʋ tɩma yɩrɛ Gilo tɩɩna kʋbala baa yɩrɛ Ahitofɛl, ʋ lɩɩ ʋ jaŋ Gilo kɔ. Baala deeŋ fa ŋaa nɩalɩŋ sɩ bʋl wɩaa chɩchagɩlɛ kuoro Devit dɔŋɔ nɛ. Ŋɩɩ nɛ Abɩsalɔm tʋɔbɩɩna-la wasa dol, ʋ harɩ-tooroo ma pʋŋa pɩpɛ.

1 KUOROO 10:10

Ŋɩɩ nɛ haal-la sɩ ŋaa Sɩɩba kuoro joŋ sɛlɩmɛ yuŋuŋ sɩ kɩɩ kilo bʋɩ banɛsɛ a pɩ Solomoŋ, arɩ tegisiŋ sʋɔra sɩ sɩma a yʋgɛ woruŋ arɩ tabɩɩ-tʋlaa. Nʋʋkala ha bɩ tegisi-la doho kaa kʋ pɩ kuoro Solomoŋ a magɛ kɩalɩŋ Sɩɩba kuoro sɩ joŋo pʋ.

WƖA YƖƖLAA 40:6

Ŋ bɩ pʋsʋ-la ba sɩ yie kpʋ ŋaa Wɩɩsʋlʋŋ arɩ Wɩɩsʋlʋŋ kɩalɩŋ nɛ cho. Ŋ bɩra bɩ kʋnyɩgaa Wɩɩsʋlʋŋ arɩ wʋbɔŋŋɔɔ joŋo chɛnɩŋ Wɩɩsʋlʋŋ kɩaa ma nɩɩ chɛ. Ama ŋŋ chɛ dɩ mɩ jegile nɩɩ ŋ niiŋ wɩaa nɛ a toba.

WƖA YƖƖLAA 66:3

Má bʋla pɩ Wɩa, “Wɩɩkala ŋ sɩ ŋaa kɛŋ fawʋllʋŋ nɛ. Ŋ doluŋ yʋga, ŋɩɩ leŋ ŋ dʋndɔŋŋɔɔ gbigbieni ŋ sɩpaaŋ.

MOSIS KƐŊ IZIRAL TƖŊŊAA LƖƖ 30:23

“Joŋ tegisiŋ deemba: tɩɩ-kel-zɔŋ-la ba sɩɩ yɩrɛ ‘Mɛɛ’ lɩɩŋ yuŋuŋ sɩ ŋaa kilo balɩdʋ arɩ tʋlaalɩɩ-la ba sɩɩ yɩrɛ ‘Sɩnamɔŋ’ yuŋuŋ sɩ ŋaa kilo batori, arɩ suori daaŋ ma yuŋuŋ sɩ ŋaa kilo batori,

NAMAGABA 15:8

La Tɩɩna bɛrɛ nɩbɔmʋŋ sɩ kpʋ pʋna a ŋaa Wɩɩsʋlʋŋ nɛ, ama ʋ tʋɔŋ ka tɔrɛ tʋɔpʋl tɩɩna-na Wɩɩsʋlʋŋ nyuŋ nɛ.

NAMAGABA 21:27

La Tɩɩna bɛrɛ nɩbɔmʋŋ Wɩɩsʋlʋŋ kɩaa nɛ, a saa bibeŋ dɩ ʋ kɛŋ kɩalɩŋ kɔ arɩ tʋɔbɩɩŋ bɔmʋŋ.

AZAAYA 1:11

La TƖƖNA sɩ, “Ma pʋŋ daŋ-la ma sɩ yie kpʋ pɩpɩmɛ bɩ bʋbʋɔŋ kɛnɛ mɩ teeŋ. Mɩ mɩɩsɩŋ fɩɩ ma kʋnyɩgaa Wɩɩsʋlʋŋ kɩaa nɛ, ma pie-belliŋ, arɩ ma pʋŋ-zɔmɔ-la ma sɩ yie kpʋ a nyɩgɛ ba nʋʋraa pɩmɛ. Mɩ bɩ ma nɛ-belliŋ, pie-pɔrɔɔ arɩ bʋʋnaa chalɩŋ ka chɛ.

AZAAYA 60:6

Bʋntaŋɩ-laalɩŋ jaŋ lɩɩ Midia arɩ Ɛfa tinteeŋ a kʋ su ŋ tinteeŋ kala. Ba jaŋ chʋŋ sɛlɩmɛ arɩ kʋsʋɔrʋsʋŋ a lɩɩ Sɛba tinteeŋ a kɔ, a dɩdɛnnɛ mɩ-na ma TƖƖNA.

AZAAYA 66:3

Ama nɩalɩŋ sɩɩ to ba tʋɔtɔrɛ wɩaa harɩŋ, a cho wɩalɩŋ sɩɩ kɩsʋ mɩ teeŋ, dɩ ba kʋŋ nɛ kpʋ nɛ-bele a ŋaa Wɩɩsʋlʋŋ, ʋ nagɛ nʋʋ sɩ kpʋ nuhuobiine nɛ. Koo dɩ ʋ nɛ kpʋ pie-pɔrʋŋ a ŋaa Wɩɩsʋlʋŋ, ʋ nagɛ vaha baŋŋaa ʋ sɩ boro nɛ. Ba kʋŋ nɛ ŋaa mɩaa Wɩɩsʋlʋŋ ma, ʋ nagɛ nʋʋ sɩ kɛŋ tooŋ chalɩŋ ŋaa Wɩɩsʋlʋŋ nɛ. Dɩ ʋ nɛ nyɩgɛ kʋsʋɔrʋsʋŋ ma, ʋ nagɛ nʋʋ sɩ kpaarɛ vʋɩŋ nɛ.

JƐRƖMAAYA 14:10

Wɩɩ-la La TƖƖNA sɩ bʋla tɩgɛ nɩaa deemba lɛ nɛ ŋ-la: “Ba chaasa cho dɩ ba gɔllɔɔ baarɛ nɛ. Ba naasɩŋ bɩ lee-kala buo. Ŋɩɩ wɩaa mɩ-na ma TƖƖNA bɩ ba laa. Lɛɛlɛ nɛ mɩ jaŋ liisi ba tʋɔhɛɛ wɩalɩŋ ba sɩ ŋaa, a dɔgɩsɛba a tɩŋ ba wʋbɔŋŋɔɔ wɩaa.”

JƐRƖMAAYA 14:12

Arɩ ba sɩɩ vɔɔ niiŋ ma kala, mɩ bɩ jaŋ jegile nɩɩ ba yele. Ba ŋaa kʋnyɩgaa Wɩɩsʋlʋŋ arɩ mɩaa Wɩɩsʋlʋŋ pɩpɩmɛ ma nɛ, ama mɩ bɩ jaŋ laaba. Mɩ jaŋ mɩɩra joŋ laalɩŋ, losuŋ arɩ nyanyalɩŋ a hɛ ba lɛ dɩ ba sʋʋ.”

ƐZƖKƖƐL 20:39

Ma-na Iziral tɩmma, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Má-na kʋŋkala mʋ a kpʋkpaarɛ ma tɔŋŋɔɔ. Ama mɩ bʋlaa pɩma, ʋ ŋɩɩ harɩŋ ma jaŋ to mɩ niiŋ, ma bɩra bɩ jaŋ joŋ kɩaa kpʋkpaarɛ vʋɩyaa a chei mɩ yɩrɩ-zɔŋ-la.

ƐZƖKƖƐL 27:22

Ŋ dɩ bayalɩa-la sɩ lɩɩ Sɛɛba arɩ Rama ma dii yɔbɔ nɛ. Ba joŋ tegisi doho kala sɩ zɔmɔ arɩ tabɩɩ-tʋlaa arɩ sɛlɩmɛ a lenni ŋ bayal kɩaa.

HOSIA 8:13

Ba yie kpʋ pʋsʋŋ a ŋaa Wɩɩsʋlʋŋ pɩmɛ, aŋ joŋ nammɩa-la chaŋ, ama mɩ-na ba TƖƖNA tʋɔŋ bɩ ba Wɩɩsʋlʋŋ-la nyuŋ tɔrɔ. Lɛɛlɛ mɩ jaŋ liise yi ba nɩbɔŋ wɩalɩŋ lɛ a dɔgɩsɛba a tɩŋ ba wʋbɔŋŋɔɔ wɩaa. Ba jaŋ mɩɩra mʋ Ijipiti tinteeŋ.

HOSIA 9:4

Ba bɩ jaŋ na wombiiŋ nɩmɛ a kɛŋ sɩnɩŋ ŋaa kʋnyʋalaa Wɩɩsʋlʋŋ a pɩ La TƖƖNA. Pʋsʋ-la ba sɩ jaŋ kpʋ a ŋaa Wɩɩsʋlʋŋ ma bɩ jaŋ tɔrɛ ʋ tʋɔŋ. Ba Wɩɩsʋlʋŋ kɩaa jaŋ nagɛ nɩalɩŋ sɩɩ yel yoho kʋdiilee, nɩalɩŋ kala sɩ diiba jaŋ kɛŋ disiniŋ. Kʋdiilee deemba jaŋ ŋaa ba tɩtɩa kɩaa, ba bɩ jaŋ wuo kɛmba jʋʋ La TƖƖNA dɩɩ-balɩŋ.

MALAKAƖ 1:10

Mɩ fa cho dɩ ma dɔŋɔ kɛŋ mɩ dɩɩ-bal-la borusuŋ kaa yagɛ nɛ, dɩ ŋɩɩ leŋ dɩ ma sɩ́ kɩaa sɩ bɩ bʋbʋɔ kɛnɛ nyɩgʋ mɩ koruŋ nyuŋ. Mɩ tʋɔŋ bɩ ma Wɩɩsʋllɩ sɩpaalaaraa nyuŋ tɔrɔ, ŋɩɩ wɩaa mɩ bɩ jaŋ laa ma Wɩɩsʋlʋŋ. Mɩ-na ma TƖƖNA doluŋ kala Tɩɩna nɛ bʋla.