2 Jerusalɛm zɔmɔ nɛ woruŋ, ama mɩ jaŋ cheyu.
Jerusalɛm dʋndʋŋa nɛ ka a nagɛ lɛbɩŋ sɩ chɩŋ tɩɩnɛnɛɛ baga lɛ, a nagɛ lɛbɩŋ sɩ chɩŋ kaŋkɩɛsɩŋ baga lɛ, a nagɛ taŋ dʋndɔŋŋɔɔ sɩ gollo chu.
Mɩ nɩa dɩ baa ŋmoo niiŋ a nagɛ haala sɩɩ chɛ dɩ ʋ lʋl ʋ luoruŋ wʋwɩɩ nɛ, a huunoo nagɛ haala sɩɩ chɛ dɩ ʋ lʋl ʋ ha-toli bie. Zaayɔŋ nɩaa nɛ ŋmoo niiŋ ŋɩɩ a wiesee puri, a tɩɛnɛ nɩsaa a bʋl, “Ou, mɩ sʋba. Ba jommi hɛ nɩkpʋʋraa nɩsɩŋ lɛ nɛ.”
La TƖƖNA sɩ na baanɩŋ, ʋ joŋ birimiŋ nɛ a tɔ Zaayɔŋ kala. Ʋ yigi Iziral tɩŋŋaa tʋla lo tinteeŋ nɛ ʋ birisi. Tapʋlɩɩ-la ʋ sɩ na baanɩŋ, ʋ bɩ liise yi ʋ tɩtɩa dɩɩ-balɩŋ lɛ.
Jerusalɛm nɩaa, wʋbɛɛ nɛ mɩ jaŋ wuo bʋla pɩma? Bɛɛ kʋŋ nɛ mɩ jaŋ kɛmma kaa magɩsɛ? Ɛɛ nɛ mɩ jaŋ ŋaa nyagɛ ma bɔyɛ dɩ ma tʋɔŋ pɩŋ dɩ-bala? Ma naawɩɩlɩŋ luŋie a nagɛ mʋga nɛ. Kʋbɛɛ nɛ jaŋ wuo vaarɛma?
Nɩalɩŋ fa sɩɩ dii kʋdii sɩŋŋaa sʋsʋʋ losuŋ womporunuŋ lɛ. Nɩalɩŋ fa sɩ kɛŋ kɩaa a lɩlaalɛ gɛrɩ-vachalɩŋ lɛɛlɛ pɩŋ pupuloo nyuŋ nɛ.
Ma tʋɔŋ haal-la sɩaa sɩ fɩɛla a bɩ ʋ nɩaa ka gbesi, a bɩ chɛ dɩ ʋ jʋʋ nʋʋ wɩɩ lɛ, ʋ jaŋ ŋaa wɩalɩŋ tɩtɩa ʋ bala sɩ ŋaa,
