JƐRƖMAAYA 6:19 - WƖA TENIŊ

¹⁹ Tinteeŋ nɩaa, má jegile nɩɩ. Mɩ kɛŋ wʋlɔrʋ nɛ a kʋkɔ dɩ mɩ hɛ nɩaa deemba lɛ, a tɩŋ ba wʋŋaalaa wɩaa. Ba bɩ jegile nɩɩ mɩ niiŋ wɩaa, aŋ vɩa mɩ wombie-la mɩ sɩ bile dɩ ba tuto.

JƐRƖMAAYA 6:19 ပူးပေါင်းရင်းမြစ်များ

NAMAGABA 15:26

La Tɩɩna bɛrɛ nɩbɔŋŋɔɔ tʋɔbɩɩnaa nɛ, ama ʋ tʋɔŋ yie tɔrɛ nɩalɩŋ sɩ kɛŋ tʋɔpʋla nyuŋ nɛ.

NAMAGABA 28:9

Dɩ nʋʋ nɛ bɩ chɛ ʋ jegili Wɩa wombiiŋ wɩaa, ʋ Wɩɩsʋlʋŋ paala sʋɔrɛ nɛ.

AZAAYA 1:2

La TƖƖNA sɩ, “Wɩa-nyuŋ arɩ tinteeŋ kala, má jegile nɩɩ, mɩ dɩɛsɛ mɩ biiriŋ nɛ ba waa, ama ba vɩa mɩ niiŋ nɛ.

AZAAYA 5:24

Ŋɩɩ wɩaa, a nagɛ nyiniŋ sɩ yie wuo joŋ sekelee arɩ ya-hɩlɩŋ a dii ŋɩɩ buru, ŋɩɩ tɩtɩa nɛ Wɩa jaŋ chei nɩalɩŋ. Ba nagɛ tɩɩsɩŋ naapoloo sɩ pʋa ba fɩɩlaa yuori nɛ, dɩ peliŋ lu a paaba a nagɛ kʋŋkɔlʋŋ, bɛɛ wɩaa ba vɩa dɩ ba to La TƖƖNA doluŋ kala Tɩɩna wombii-la ʋ sɩ bile dɩ la tuto nɛ, aŋ joŋ harɩŋ yɩa wɩalɩŋ Iziral tɩŋŋaa Wɩa sɩ bɩ disiniŋ kɛnɛ sɩ dagɛba.

AZAAYA 59:7

Maa ŋaa wʋbɔŋŋɔɔ nɛ bʋa na-kala lɛ, a kpʋkpʋ nɩaa sɩ bɩ wɩɩkala cheye. Ma tʋɔbɩɩnaa kala ŋaa kʋbɔmɔ nɛ. Dɩ ma nɛ mʋ lee-kala, ma yie chei nɩmɛ kala nɛ ʋ pɩŋ jikpeeŋ.

AZAAYA 66:18

Mɩ jɩŋ ba tʋɔbɩɩnaa arɩ ba wɩɩkala nɛ. Bʋa-la yie nɛ mɩ sɩ jaŋ kɛŋ tinteyee sɩɩ bʋl yikori doho na-kala kʋ hɛ dɔŋɔ dɩ ba na mɩ tʋla.

JƐRƖMAAYA 11:11

Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: ‘Mɩ jaŋ kɛŋ wʋlɔrʋŋ ba sɩ́ bɩ jaŋ wuo fá kagɛ a kʋ hɛ ba lɛ. Ba jaŋ ŋmoo niiŋ mɩ teeŋ, ama mɩ bɩ jaŋ jegile nɩɩ ba teeŋ.

JƐRƖMAAYA 15:6

Ma vɩamɛ nɛ. Mɩ-na ma TƖƖNA nɛ bʋla. Ma joŋ harɩŋ yɩyɩamɛ nɛ. Ŋɩɩ wɩaa mɩ jaŋ joŋ nɩsɩŋ daŋ ma lɛ a cheima. Mɩ bɩra bɩ jaŋ wuo fá ma nisusuŋ.

JƐRƖMAAYA 17:10

Mɩ-na ma TƖƖNA nɛ yie beŋ nɩa tʋɔŋ a magɩsʋ na wɩalɩŋ sɩ hɛ ʋ nyuŋ lɛ aŋ timu a mʋ tɩgɛ ʋ mɛlɛ, arɩ ʋ wʋŋaalaa sɩ nagɛ ŋɩɩ lɛ.”

JƐRƖMAAYA 19:15

“Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Má jegile nɩɩ, mɩ jaŋ kɛŋ wʋlɔrʋnʋ-la mɩ sɩ daga a kʋ hɛ tabalɩŋ deeŋ arɩ tabiisi-la kala sɩ gollu lɛ, bɛɛ wɩaa ba kɛŋ nyuduoŋ nɛ a bɩ chɛ ba jegile nɩɩ mɩ niiŋ wɩaa.’ ”

JƐRƖMAAYA 19:3

Bʋl, ‘Juda kuoroo arɩ Jerusalɛm nɩaa, má jegile nɩɩ mɩ-na ma TƖƖNA wɩaa.’ Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Má jegile nɩɩ, mɩ jaŋ kɛŋ wʋlɔrʋŋ kʋ hɛ leriŋ deeŋ nɩaa lɛ. Dɩ nʋʋkala nɛ nɩɩʋ ʋ dɩgɩlaa jaŋ chɩɩmɛ.

JƐRƖMAAYA 21:14

Mɩ jaŋ dɔgɩsɛma arɩ ma wʋŋaalaa sɩ dagɛ ŋɩɩ. Mɩ-na ma TƖƖNA nɛ bʋla. Mɩ jaŋ joŋ nyiniŋ hɛ ma duuŋ lɛ, dɩ ʋ dii kʋŋkala sɩ gollima. Mɩ-na ma TƖƖNA nɛ bʋla.”

JƐRƖMAAYA 22:29

Tintee, tintee, tintee, jegile nɩɩ La TƖƖNA wɩaa.

JƐRƖMAAYA 29:19

Mɩ jaŋ dɔgɩsɛba ŋɩɩ a tɩŋ ba sɩ bɩ jegile nɩɩ mɩ niiŋ wɩaa, wɩalɩŋ mɩ sɩ to mɩ wʋlaabʋllaa lɛ a bʋla pɩba bʋlɩa bʋlɩa. Ma nɩalɩŋ ma sɩ hɛ yoŋ-baga lɛ, ma ma bɩ jegile nɩɩ. Mɩ-na ma TƖƖNA nɛ bʋla.

JƐRƖMAAYA 4:14

Jerusalɛm nɩaa, má chɛsɛ wʋbɔmɔ-la sɩ hɛ ma tʋɔŋ lɛ ta, ka dɩ La TƖƖNA laama ta. Ɛɛ nɛ maa chɛ dɩ ma laa wʋbɔŋŋɔɔ hɛ ma tʋɔŋ lɛ a diene magɛ?

JƐRƖMAAYA 4:16

Má bʋl wɩɩŋ deeŋ pɩ tinteyee nɩaa, má heele bʋla pɩ Jerusalɛm nɩaa. Laalɩyuoroo sɩ golli tasɩŋ chu a yuyuo nɛ lɩɩ tintee bolii a kʋkɔ, a ŋɩŋaa laalɩyuori goŋ dɩ ba yuo Juda tabalaa.

JƐRƖMAAYA 4:4

Má joŋ ma tɩtɩa hɛ mɩ-na ma TƖƖNA nɩsɩŋ lɛ. Má Juda arɩ Jerusalɛm nɩaa, má pʋllɛ ma tʋɔŋ, dɩ ŋɩɩ dee, mɩ baanɩŋ jaŋ sii ma nyuŋ a nagɛ nyiniŋ a diima a tɩŋ wʋbɔmɔ-la ma sɩ ŋaa wɩaa. Dɩ nyiŋ-la nɩɩ diima, nʋʋkala bɩ jaŋ wuo dɩsʋ.

JƐRƖMAAYA 49:37

Mɩ jaŋ leŋ dɩ fawʋllʋŋ kɛŋ Ɛlam nɩaa ba dʋndɔŋŋɔɔ sɩpaaŋ, nɩalɩŋ sɩɩ chɛ ba lɩɩsɛ ba mɩɩsɩŋ. Mɩ jaŋ chaasa na baanɩŋ a kɛŋ wʋlɔrʋŋ kʋ hɛ ba lɛ. Mɩ jaŋ joŋ laalɩŋ kire to ba harɩŋ, see dɩ mɩ dɛrɛ ba kala. Mɩ-na ma TƖƖNA nɛ bʋla.

JƐRƖMAAYA 6:10

Kʋbɛɛ nɛ mɩ jaŋ wuo bʋl wɩaa chagɩlɛ? Kʋbɛɛ nɛ jaŋ jegile nɩɩ mɩ teeŋ? Ba dɩgɩlaa tɔ nɛ, ba bɩ wɩaa wuo nɩɩ. La TƖƖNA niiŋ wɩaa ŋaa jomo nɛ ba teeŋ. Ba tʋɔŋ bɩ wɩalɩŋ lɛ tɔrɔ.

JƐRƖMAAYA 6:18

Ŋɩɩ wɩaa tinteyee nɩaa, má jegile nɩɩ, máa beŋ, a na wɩɩ-la mɩ sɩ jaŋ ŋaa mɩ nɩaa lɛ.

JƐRƖMAAYA 8:5

Bɛɛ nɛ saa tɩɩ nɩaa deemba vɩa dɩ ba mɩɩra kɔ mɩ teeŋ? Bɛɛ nɛ tɩɩ Jerusalɛm nɩaa yie mɩɩrɛ mɩ harɩŋ? Ba nyʋa mɛrɛ vʋɩyaa sɩɩ nyɩsɛba lɛ nɛ, aŋ vɩa dɩ ba mɩɩra kɔ mɩ teeŋ.

JƐRƖMAAYA 8:9

Hɩɩsɩŋ jaŋ kɛŋ wʋjɩnnaa, ba niiŋ jaŋ maa dɩ ba bɛrɛ kɛmba, ba sɩ vɩa mɩ-na ma TƖƖNA niiŋ wɩaa, wʋjɩŋ bɛɛ nɛ ba kɛŋ?

DANƖƐL 9:11

Iziral tɩŋŋaa kala chei wombii-la ŋ sɩ bile dɩ ba tuto nɛ a joŋ harɩŋ yɩaŋ a vɩa dɩ ba to ŋ niiŋ. Ŋɩɩ wɩaa kalɩbɩna-la arɩ ŋmɩaŋ-la ŋ-na Wɩa tɩntɩnna Mosis sɩ ŋmʋnsa bil ŋ wombiiŋ teniŋ tʋɔŋ mɩɩra wurisila nɛ, bɛɛ wɩaa la ŋaa wʋbɔŋ nɛ ŋ teeŋ.

HOSIA 10:13

Ama ma kɛŋ tʋɔhɛɛŋ nɛ duu kɩaa, a kɛŋ tʋɔbɔmʋŋ kʋŋ kɩalɩŋ. Ma dii wʋnyɩɛrɩ kɩaa nɛ, bɛɛ wɩaa ma joŋ ma yɩɛlaa hɛ ma tɩtɩa doluŋ arɩ ma laalɩyuori wajɩaba-la sɩ yʋga lɛ nɛ.

HOSIA 4:6

Wɩaa jaŋ chei mɩ nɩaa a tɩŋ ba sɩ bɩ mɩ jɩŋ. Ma sɩ vɩa dɩ ma jɩmmɛ ŋɩɩ, mɩ ma vɩama nɛ arɩ ma ŋaa Wɩɩsʋllɩ sɩpaalaaraa. Ma sɩ vɩa mɩ wombii-la mɩ sɩ bile dɩ ma tuto ŋɩɩ, mɩ ma jaŋ vɩa ma biiriŋ.

AMƆS 2:4

Wɩɩ-la La Tɩɩna sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Juda nɩaa a tɩŋ ba wʋbɔŋ dandaŋ-la wɩaa. Ba vɩa wɩalɩŋ mɩ-na ba TƖƖNA sɩ dagɛba nɛ, ba bɩ mɩ niiŋ sɛyɛ. Ba leŋe wʋnyɩɛrɩ vesi-la ba naabalɩmaba fa sɩɩ kpaarʋ kɛmba yeŋŋi nɛ.

MƖKA 1:2

Tinteyee nɩaa kala, má jegile nɩɩ. Dʋnɩa arɩ kɩalɩŋ kala sɩ hɛ ʋ lɛ, má nɩɩ woruŋ. La TƖƖNA Wɩɩjarɩbakɔ na ma wʋbɔŋŋɔɔ nɛ, ʋ jaŋ chɩŋ kporoo a bʋlba. La TƖƖNA hɛ ʋ dɩɩ-balɩŋ sɩ bɩ disiniŋ kɛnɛ lɛ nɛ.

MƖKA 6:2

Peelee, má jegile nɩɩ wɩɩ-la La TƖƖNA sɩ kɛnɛ arɩ Iziral tɩŋŋaa. Tinteeŋ gentine sɩ hɛ nɩmɛ deeŋ deeŋ, ŋ má jegile nɩɩ. La TƖƖNA kɛŋ wɩɩ nɛ arɩ ʋ nɩaa. Ʋ dɩ Iziral tɩŋŋaa kɛŋ wɩɩ nɛ.”

Jɔɔŋ 12:48

Wɩalɩŋ mɩ sɩ bʋla pɩma nɛ jaŋ dii tɩɩna sɩ bɩ mɩ wɩaa laa dii sarɩya chɛɛ-la dʋnɩa sɩ jaŋ dɛrɛ.

Tɩntɩŋŋaa 8:22

Bɩrɩma lɩɩ wʋbɔmʋŋ deeŋ lɛ, aŋ sʋl La Tɩɩna Wɩa dɩ ʋ joŋ ŋ tʋɔbɩɩnaa deemba ŋ sɩ kɛnɛ ŋ tʋɔŋ lɛ a chɛŋ.

MOSIS BƖRA WULLI WƖA WOMBIIŊ 30:19

Jɩnɩŋ mɩ yɩrɛ wɩa-nyuŋ arɩ tinteeŋ ba pɛ na nɛ arɩ mɩ joŋ mɩɩsɩŋ arɩ sʋʋŋ nɛ a bil ma sɩpaaŋ, a bɩra joŋ wɩalɩŋ ma sɩ jaŋ ŋaa dɩ La TƖƖNA pɛ ma lɛ arɩ wɩalɩŋ ma sɩ jaŋ ŋaa dɩ ʋ ŋmɩɛsa hɛ ma lɛ a bil ma sɩpaaŋ dɩ ma bagɩsa lɩɩsɛ. Ŋɩɩ wɩaa má lɩɩsɛ mɩɩsɩŋ, dɩ ma dɩ ma biiriŋ kala kɛŋ mɩɩsɩŋ.

MOSIS BƖRA WULLI WƖA WOMBIIŊ 32:1

Wɩa-nyuŋ arɩ tinteeŋ, má nɩɩ wɩalɩŋ mɩ sɩɩ chɛ dɩ mɩ bʋl, má jegile woruŋ a nɩɩ mɩ wʋbʋlaa.

MOSIS BƖRA WULLI WƖA WOMBIIŊ 4:26

Jɩnɩŋ, wɩa-nyuŋ arɩ tinteeŋ pɛ na nɛ, dɩ ma nɛ ŋaa wɩaa deemba kʋŋkala ma sɩɩ chol Jɔdaŋ fuo-la dɩ ma laa tintee-la a tɩɩ lɛ, La TƖƖNA jaŋ guu cheima. Ma bɩ jaŋ hɔŋ nɩmɛ dieni ka dɩ ʋ cheima.

1 SAMƲƐL 15:23

Dɩ ŋ nɛ vɩa ʋ niiŋ, ŋɩɩ ŋaa wʋbɔŋ nɛ a nagɛ nʋʋ sɩɩ vʋgʋ. Dɩ ŋ nɛ kɛŋ sɩɩ-duoŋ, ŋɩɩ ma ŋaa wʋbɔŋ nɛ ʋ teeŋ a nagɛ nʋʋ sɩɩ kpaarɛ vʋɩyaa. Ŋ sɩ bɩ La TƖƖNA niiŋ lɛ to ŋɩɩ, ʋ ma kiriŋ kuoruŋ lɛ nɛ.”

1 SAMƲƐL 15:26

Ama Samʋɛl bʋla pʋ, “Mɩ bɩ jaŋ to ŋ harɩŋ mʋ. Ŋ vɩa La TƖƖNA niiŋ nɛ, ʋ ma kiriŋ nɛ, ŋ bɩra bɩ Iziral tɩŋŋaa kuoru ŋaa.”