JƐRƖMAAYA 6:17 - WƖA TENIŊ

¹⁷ Mɩ fa lɩɩsɛ nɩaa nɛ dɩ ba pɔma aŋ bʋl, ‘Má jegile nɩɩ banyile-la ba sɩ ŋmʋa aa kɛŋ ma tɩtɩa.’ Ama ma sɩ, ‘La bɩ jaŋ jegile nɩɩ.’

JƐRƖMAAYA 6:17 ပူးပေါင်းရင်းမြစ်များ

AZAAYA 21:11

Wɩalɩŋ Wɩa sɩ bʋla pɩmɛ a mʋ tɩgɛ Ɛdɔm lɛ nɛ ŋ-la: Nʋʋ nɛ yɩrɛmɛ Ɛdɔm lɛ a pɩɛsɛ, “Nɩɩ-la sɩ pɔ a bibeŋ leriŋ, ɛɛ nɛ taŋ jaŋ diene maga aŋ pʋl ɛɛ nɛ ʋ jaŋ diene magɛ?”

AZAAYA 56:10

Nɩalɩŋ kala sɩ maga dɩ ba bibeŋ Iziral tɩŋŋaa, ba nyʋlɩma nɛ. Ba bɩ wɩɩkala jɩŋ, ba nagɛ vasɩŋ sɩɩ pɔ leriŋ aŋ bɩ huosi nɛ. Ba yie pɩŋ nɛ a duduosi. Ba cho doŋ-pɩnɩŋ kɩŋkɛŋ.

AZAAYA 58:1

La TƖƖNA sɩ, “Chaasa suri ŋ yikoro dɩ ʋ sii wɩa-nyuŋ a nagɛ banyile a bʋla pɩ mɩ nɩaa Iziral tɩŋŋaa arɩ ba ŋaa wʋbɔŋ nɛ, a leŋ ba jɩŋ arɩ ba vɩa mɩ niiŋ nɛ.

AZAAYA 62:6

Jerusalɛm, mɩ leŋe nɩaa nɛ sagɛ ŋ je-kɛrɩsɩŋ nyuŋ a pʋpɔŋ. Ba bɩ maga dɩ ba tɔrɛ ba niiŋ wɩɩhɛyɛ koo tɩtaŋɩŋ. Ma nɩalɩŋ sɩɩ yɩrɛ La TƖƖNA yɩrɩŋ, má sɩ́ wiesu.

JƐRƖMAAYA 18:12

Ama ba jaŋ bʋl, ‘Ŋɩɩ bɩ bʋbʋa kala kɛnɛ. La jaŋ tuto la wombie-la la tɩtɩa sɩ vʋʋra bil. La kʋŋkala jaŋ kɛŋ nyuduoŋ a to ʋ tʋɔbɔmʋŋ harɩŋ.’ ”

JƐRƖMAAYA 25:4

La TƖƖNA tɩŋ ʋ wʋlaabʋllaa sɩ ŋaa ʋ tɩntɩnnaa ba kɔ ma teeŋ bʋlɩa bʋlɩa nɛ, ama ma bɩ jegile nɩɩ ba teeŋ koo a kɛŋ wɩalɩŋ ba sɩ bʋla tɩŋ.

JƐRƖMAAYA 6:18

Ŋɩɩ wɩaa tinteyee nɩaa, má jegile nɩɩ, máa beŋ, a na wɩɩ-la mɩ sɩ jaŋ ŋaa mɩ nɩaa lɛ.

JƐRƖMAAYA 7:28

Ŋɩɩ wɩaa bʋla pɩba, ‘Tintee-la nɩaa sɩ vɩa dɩ ba to mɩ-na ba TƖƖNA Wɩa niiŋ, a bɩ sɛyɛ dɩ mɩ kɛmba tʋra kɩɩ nɛ ŋɩɩ. Wʋtɩtɩɩ lɛlɛ nɛ, ʋ lɛl ba niiree lɛ nɛ.’ ”

JƐRƖMAAYA 8:5

Bɛɛ nɛ saa tɩɩ nɩaa deemba vɩa dɩ ba mɩɩra kɔ mɩ teeŋ? Bɛɛ nɛ tɩɩ Jerusalɛm nɩaa yie mɩɩrɛ mɩ harɩŋ? Ba nyʋa mɛrɛ vʋɩyaa sɩɩ nyɩsɛba lɛ nɛ, aŋ vɩa dɩ ba mɩɩra kɔ mɩ teeŋ.

ƐZƖKƖƐL 3:7

Ama Iziral tɩŋŋaa bɩ jaŋ jegile nɩɩ ŋ teeŋ, bɛɛ wɩaa ba bɩ chɛ dɩ ba jegile nɩɩ mɩ teeŋ. Iziral tɩŋŋaa kala ŋaa nyu-duo tɩmma arɩ tʋɔ-dol tɩmma nɛ.

HOSIA 8:1

La TƖƖNA sɩ, “Má ŋmʋʋ banyile, dʋndɔŋŋɔɔ nagɛ kachuuŋ nɛ aa zaarɛ mɩ-na ma TƖƖNA dɩa nyuŋ, bɛɛ wɩaa mɩ nɩaa chei nii-la sɩ hɛ mɩ dɩ ba pɛgɛ nɛ, a vɩa wombii-la ma mɩ sɩ bile dɩ ba tuto.

HABAKU 2:1

Mɩ jaŋ chɩŋ a bibeŋ, mɩ jaŋ chɩŋ dɩɩ-leŋiŋ nyuŋ a bibeŋ. Mɩ jaŋ bibeŋ a na wɩɩ-la ʋ sɩ jaŋ bʋla pɩmɛ, dɩ mɩ ma wuo bʋl wɩɩ a tɩgɛ wɩalɩŋ mɩ fa sɩ gʋrʋma lɛ.”

ZƐKARƖYA 1:4

Má sɩ́ ma naabalɩmaba nagʋ, ba nɛ mɩ wʋlaabʋlla-la laa sɩpaaŋ kʋ bʋla pa ŋɩɩ: Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ: ‘Má bɩrɩma lɩɩ ma wombii-bɔŋŋɔɔ arɩ wʋbɔmɔ-la ma sɩɩ ŋaa lɛ.’ Ama ba bɩ jegile nɩɩ mɩ teeŋ koo a kaa tɩŋ. Mɩ-na ma TƖƖNA nɛ bʋla.

ZƐKARƖYA 7:11

Ama ba vɩa dɩ ba jegile nɩɩ nɛ. Ba kɛŋ nyuduoŋ nɛ a joŋ harɩŋ yɩa wɩalɩŋ a bɩ chɛ ba jʋʋ ba dɩgɩlaa.

Hiburu TƖŊŊAA 13:17

Má tuto ma sɩpaalaaraa niiŋ a joŋ ma tɩtɩa a pɩba. Má ŋaa ŋɩɩ, bɛɛ wɩaa ba nɩɩ bemma. Maachie ba nɛ jaŋ dagɛ ŋɩɩ ma sɩ tɩŋ ma tɩntɩŋŋaa a pɩ Wɩa. Dɩ ma nɛ to ba niiŋ lɛ, ba jaŋ tɩŋ ba tɩntɩŋŋaa woruŋ arɩ tʋɔtɔrʋŋ. Ama dɩ ma nɛ bɩ ba niiŋ to, ba tʋɔŋ jaŋ chei ma nyuŋ. Ʋ ŋɩɩ saa bɩ jaŋ pɛ ma lɛ.