JƐRƖMAAYA 6:16 - WƖA TENIŊ

¹⁶ Wɩɩ-la La TƖƖNA sɩ bʋla nɛ ŋ-la: “Má chɩŋ wɛŋ-chɛŋŋɛɛ lɛ aŋ beŋ, má pɩɛsa chɛ a jɩŋ wombii-bɩnɩa-la, má pɩɛsa na lee-la wombii-zɔŋ-la sɩ hɛ, a tou, dɩ ma dɩnsɩŋ na wiese. Ama ma sɩ, ‘La bɩ jaŋ tou.’

JƐRƖMAAYA 6:16 ပူးပေါင်းရင်းမြစ်များ

1 KUOROO 8:36

ŋ hɛ ŋ jaŋ lɛ nɛ, jegile nɩɩ a joŋo chɛba. Iziral tɩŋŋaa ŋaa ŋ tɩntɩnnaa nɛ, ŋɩɩ wɩaa dagɛba dɩ ba ŋɩŋaa wɩaa ba bʋa lɛ, aŋ leŋ dɩ duonuŋ bɩra nɩɩ tintee-la lɛ ŋ sɩ joŋo pɩba ʋ ŋaa ba kʋŋ.

2 IZIRAL TƖŊŊAA NAABARƖŊ 19:11

Wɩɩsʋllɩ sɩpaalaaraa nɩhɩaŋ Amarɩa nɛ jaŋ ŋaa ma nɩhɩaŋ wɩɩ na-kala sɩ mʋ tɩgɛ La TƖƖNA lɛ. Ka dɩ Ɩsɩmɛl nanʋala Zebadia sɩ ŋaa Juda doho nɩaa sɩpaalaara ma nɛ ŋaa ma nɩhɩaŋ wɩɩ na-kala sɩ mʋ tɩgɛ kuoro lɛ. Levi doho nɩaa ma nɛ jaŋ pɛ ma lɛ dɩ wʋtɩtɩɩ chɩŋ. Má kɛŋ bɔɩ-duoŋ a tɩŋ ma tɩntɩŋŋaa, La TƖƖNA jaŋ chɩŋ ma nɩalɩŋ sɩɩ ŋaa woruŋ harɩŋ.”

WƖA YƖƖLAA 116:7

Mɩ jaŋ bɩra ta jɩa, bɛɛ wɩaa La Tɩɩna kɛmmɛ woruŋ nɛ.

AZAAYA 2:5

Ou, Jekɔb doho nɩaa, má kɔ dɩ la vɛŋ La TƖƖNA pʋlʋmʋŋ lɛ.

AZAAYA 28:12

Wɩa fa bʋla pa ʋ nɩaa: “Má na dɩ-wiesiŋ, má leŋ dɩ nɩalɩŋ sɩ lɔlɔ kʋ hɔnɔ wiesi, daha ŋaa dɩ-wiesii nɛ.” Ama ma bɩ jaŋ jegile nɩɩ ʋ teeŋ.

AZAAYA 30:21

Dɩ ma nɛ yeŋŋi wombiiŋ a mʋ nadiiŋ koo nagʋa, ma jaŋ nɩɩ ʋ yikoro ma harɩŋ dɩ ʋ sɩ, “Má na wombiiŋ, má kʋ lɩɩ to.”

AZAAYA 46:9

Má liliisi wɩalɩŋ sɩ ŋaa faafaa kala, a jɩŋ arɩ mɩ dʋndʋŋa nɛ Wɩa, Wɩa dɔŋ tuo a nagɛmɛ.

AZAAYA 57:2

Dɩ nɩalɩŋ sɩɩ ŋaa wʋzɔŋŋɔɔ nɛ sʋba, ba yie na fɩɛlɩŋ nɛ, ba yie na wiese nɛ sʋʋŋ bʋa lɛ.

AZAAYA 8:20

Dɩ wɩalɩŋ ba sɩ bʋla nɛ bɩ wombii-la La TƖƖNA sɩ daga lɛ to, ŋɩɩ-na ba bɩ wʋtɩtɩɩ kɛnɛ.

JƐRƖMAAYA 12:16

Dɩ tintee-la nɩalɩŋ nɛ gʋnnɛ mɩ nɩaa wombiee woruŋ, a kɛŋ mɩ yɩrɩŋ tɩtɩŋ, a bʋbʋl, ‘La ŋmɩɛsɛ La TƖƖNA sɩ weye,’ arɩ ba fa sɩ leŋe mɩ nɩaa ŋmɩŋmɩɛsɛ vene-la ba sɩɩ yɩrɛ Baal yɩrɩŋ lɛ ŋɩɩ, ŋɩɩ-na ba jaŋ hɔŋ mɩ nɩaa tʋɔŋ.

JƐRƖMAAYA 18:12

Ama ba jaŋ bʋl, ‘Ŋɩɩ bɩ bʋbʋa kala kɛnɛ. La jaŋ tuto la wombie-la la tɩtɩa sɩ vʋʋra bil. La kʋŋkala jaŋ kɛŋ nyuduoŋ a to ʋ tʋɔbɔmʋŋ harɩŋ.’ ”

JƐRƖMAAYA 18:15

Ama mɩ nɩaa yʋ mɩ wɩaa nɛ. Ba nyɩgɛ kʋsʋɔrʋsʋŋ a pɩpɩ tɔŋŋɔɔ sɩ ŋaa kʋpɛɩba nɛ. Tɔmɔ-la nɛ leŋe ba titel ba wʋŋaalaa lɛ, a bɩ wombii-bɩnɩa-la ka to. Tɔmɔ-la leŋe ba vɩvɛŋ wombiee ba sɩ vɩa ta lɛ nɛ, wombiee ba sɩ bɩ wasa.

JƐRƖMAAYA 2:25

Má sɩ́ fá dɩ ma naasɩŋ dii dɛrɛ, dɩ ma yikorusuŋ ma hɩl. Ama, ma fa sɩ, ‘La bɩ jaŋ wuo mɩɩrɛ harɩŋ, la cho tintee-wogusuŋ vesiŋ nɛ. La jaŋ to ba harɩŋ.’

JƐRƖMAAYA 22:21

Mɩ chagɩlɛma nɛ bʋa-la lɛ wɩaa fa sɩ vɛŋ woruŋ aa pɩma, ama ma sɩ, ‘La bɩ jaŋ jegile nɩɩ.’ Ŋɩɩ nɛ ma nagɛ ma hambiriŋ kala lɛ, ma bɩ mɩ niiŋ sɛyɛ.

JƐRƖMAAYA 31:21

Má bil magɩlaa wombiee lɛ, má bil magɩla-la sɩ jaŋ dagɛma wombiiŋ. Má jɩŋ wombii-jalɩɩ-la wɩaa, wɛŋ-la ma fa sɩ to mʋ. Iziral tɩmma, má mɩɩra kɔ, má mɩɩra kɔ ma tasɩŋ.

JƐRƖMAAYA 42:3

Sʋl ŋ TƖƖNA Wɩa dɩ ʋ dagɛla lee-la la sɩ jaŋ mʋ arɩ wɩɩ-la la sɩ jaŋ ŋaa.”

JƐRƖMAAYA 44:16

“La bɩ jaŋ jegile nɩɩ tɩndaarɩ-la ŋ sɩ bʋla pɩla La TƖƖNA yɩrɩŋ lɛ.

JƐRƖMAAYA 50:5

Ba jaŋ pɩɛsa chɛ Zaayɔŋ wombiiŋ, a bɩrɩma joŋ ba sɩaa chaasɛ nɩmɛ. Ba jaŋ joŋ ba tɩtɩa mɛrɛ La TƖƖNA lɛ, a hɛ niiŋ sɩ bɩ dɩdɛrɩŋ kɛnɛ ba sɩ bɩ jaŋ yʋ ʋ wɩaa.

JƐRƖMAAYA 7:23

Ama mɩ fa joŋ wɩɩŋ deeŋ ma a dagɛba nɛ: Má sɛɩ mɩ niiŋ, dɩ mɩ ŋaa ma Wɩa, dɩ ma ma ŋaa mɩ nɩaa. Má to wɩalɩŋ kala mɩ sɩ dagɛma, dɩ wɩaa wuo vɛŋ woruŋ a pɩma.

JƐRƖMAAYA 7:24

Ama ba fa bɩ jegile nɩɩ koo a kaa tɩŋ. Ba fa mɩɩra to ba nyuduoŋ arɩ ba tʋɔbɩɩŋ bɔŋŋɔɔ harɩŋ nɛ. Ba fa mɩɩra mʋ harɩŋ nɛ, ba bɩ sɩpaaŋ mʋa.

JƐRƖMAAYA 7:3

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa bɩra sɩ bʋla nɛ ŋ-la: Má bɩrɩma lɩɩ ŋɩɩ ma sɩ naga lɛ a joŋ wɩalɩŋ ma sɩɩ ŋaa ta, ka dɩ mɩ leŋ dɩ ma hɔŋ daha.

MALAKAƖ 4:4

Má pʋpɔ ma sɩ́ wombie-la arɩ niiri-la mɩ tɩntɩnna Mosis sɩ dagɛma yʋ. Ba nɛ mɩ joŋo dagʋ peel-la ba sɩɩ yɩrɛ Sɩnaɩ nyuŋ ŋɩɩ, dɩ ʋ joŋo dagɛ Iziral tɩŋŋaa kala dɩ ba tuto.

Luuk 16:29

Ŋɩɩ nɛ Abɩraham bʋla pʋ, ‘Wɩalɩŋ Mosis arɩ Wɩa wʋlaabʋllaa sɩ ŋmʋnsa, ba hɛ ŋ naambiiriŋ teeŋ. Leŋ dɩ ba jegile nɩɩ ba wɩalɩŋ.’

Jɔɔŋ 12:35

Ŋɩɩ nɛ Yesu bʋla pɩ nɩalɩŋ, “Pʋlʋŋ-la sɩ hɛ ma teeŋ, ʋ bɩ jaŋ dieni. Pʋlʋŋ-la ha sɩ hɛ nɩmɛ ŋɩɩ, má vɛŋ pʋlʋŋ-la lɛ, dɩ birimiŋ sí ma tɔ. Nɩɩ-la sɩɩ vɛŋ birimiŋ tʋɔŋ bɩ jɩŋ lee-la ʋ sɩɩ mʋ.

Jɔɔŋ 13:17

Ma lɛɛlɛ sɩ jɩŋ wɩaa deemba ŋɩɩ, dɩ ma nɩɩ ŋaaba, ma jaŋ kɛŋ tʋɔtɔrʋŋ.

Jɔɔŋ 5:39

Ma yie fɩɛsɛ sɩɩŋ a kɩkarɩmɛ Wɩa teniŋ. Ma bɩɩna arɩ ma nɩɩ ŋaa ŋɩɩ, ma jaŋ wuo kɛŋ mɩɩsɩ-la sɩ bɩ dɛrɛ. Wɩa teŋ-la ma sɩɩ karɩmʋ ma paala bʋl mɩ wɩaa nɛ.

Tɩntɩŋŋaa 17:11

Juu tɩmma-la sɩ hɛ Biriya lɛ nɛ kɛŋ mɛlɛ a kɩɩ Juu tɩmma-la fa sɩ hɛ Tɛsalonaaka lɛ. Ba chaga laa Wɩa niiŋ wɩalɩŋ arɩ na-kparɩba nɛ, a kɩkarɩmɛ Wɩa teniŋ arɩ sɩɩfɩɛsɩŋ tapʋlɩɩ-na kala, dɩ ba na wɩalɩŋ Pɔɔl sɩ bʋla ŋaa wʋtɩtɩɩba nɛ.

Rom Tɩŋŋaa 4:12

Ʋ nɛ ŋaa nɩalɩŋ sɩ keri ba penee ma nyɩmma. Ama ʋ bɩ naga ba sɩ keri ba penee dʋndʋŋa wɩaa nɛ tɩɩ ʋ ŋaa ba nyɩmma. Ba laa Wɩa dii nɛ a pɛ ba penee keriŋ lɛ, a nagɛ Abɩraham ma fa sɩ laa Wɩa dii ŋɩɩ, aŋ-na keri ʋ peniŋ.

MOSIS BƖRA WULLI WƖA WOMBIIŊ 32:7

Má liisi wɩalɩŋ sɩ ŋaa faafaa, a pɩɛsɛ ma nyɩmmaba dɩ ba bʋl wɩalɩŋ sɩ ŋaa a pɩma, má pɩɛsɛ ma nɩhɩasɩŋ ma, dɩ ba dagɛ wɩalɩŋ pɩma.

Koloosi Nɩaa 2:6

Ma sɩ sɛyɛ arɩ Yesu Kirisito nɛ ŋaa ma Tɩɩna, má leŋ dɩ wɩɩ na-kala ma sɩɩ ŋaa lɛ, dɩ ʋ nagɛ ma dɩ ʋ ŋaa kʋbala nɛ.

Hiburu TƖŊŊAA 11:2

Bumbuŋ nɩalɩŋ fa laa Wɩa wɩaa dii nɛ, ŋɩɩ nɛ Wɩa tʋɔŋ tɔrɛ ba nyuŋ.

Hiburu TƖŊŊAA 6:12

La bɩ chɛ dɩ ma kɛŋ yarɩwɩɩŋ. Laa chɛ dɩ ma to nɩalɩŋ sɩ laa Wɩa wɩaa dii faafaa naabʋɔsʋŋ nɛ. Nɩaa deemba chɩŋ wɩalɩŋ ba sɩ laa dii lɛ nɛ a nyalɩma ŋɩɩ halɩɩ, a wuo na kɩalɩŋ Wɩa fa sɩ bʋla pɩba arɩ ba jaŋ na.

SƖPAALAARAA 2:17

Ama Iziral tɩŋŋaa vɩa dɩ ba to sɩpaalaara-la niiŋ, aŋ ha joŋ ba tɩtɩa a hɛ vesiŋ lɛ a kpʋkpaarɛba. Doho deeŋ nɩaa-na fa bɩ ba nyɩmmaba naga, ba nyɩmmaba fa sɩɩ to La TƖƖNA niiŋ wɩaa ŋɩɩ. Ba-na guu vɩa ba kala nɛ.