JƐRƖMAAYA 6:15 - WƖA TENIŊ

¹⁵ Wʋkɩsɩa-la ba sɩɩ ŋaa, hɩɩsɩŋ kɛmba nɛɛ? Aɩ, ba paala bɩ hɩɩsɩŋ ka fá. Ba paala bɩ jɩŋ ŋɩɩ ba sɩ jaŋ kɛŋ sɩaa chei. Ŋɩɩ wɩaa ba jaŋ sʋʋ, a pɛ nɩalɩŋ sɩ sʋba lɛ. Mɩ jaŋ dɔgɩsɛba a kɛmba muuri. Mɩ-na ma TƖƖNA nɛ bʋla.”

JƐRƖMAAYA 6:15 ပူးပေါင်းရင်းမြစ်များ

WƖAA DƖ-SUOMUŊ 19:34

Ʋ taŋ sɩ pʋla, ŋɩɩ nɛ tol-hɩaŋ-la bʋla pɩ ʋ ŋaana arɩ ʋ dɩ ʋ nyɩmma dɩa pɛ bɔsɔ nɛ. Ʋ sɩ, “Leŋ dɩ la bɩra pʋ sɩnɩŋ jɩnɩŋ tɩtaŋɩŋ dɩ ʋ nyʋa bugi dɩ ŋ ma jʋʋ dɩ ŋ dɩ ʋ pɩŋ. Ŋɩɩ lɛ nɛ la jaŋ to ʋ lɛ a lʋl biiriŋ dɩ la doho sɩ́ dɛrʋ.”

MOSIS KƐŊ IZIRAL TƖŊŊAA LƖƖ 32:34

Ŋɩɩ wɩaa, mʋ a kɛŋ nɩalɩŋ mʋ lee-la wɩaa mɩ sɩ bʋla pɩŋ, mɩ tɩndaara jaŋ laa ma sɩpaaŋ. Ama dɩ bʋa-la nɛ kʋ yi a magɛ dɩ mɩ dɔgɩsɛba a tɩŋ ba wʋbɔŋ-la wɩaa, mɩ jaŋ dɔgɩsɛba.”

NAMAGABA 29:1

Dɩ ŋ nyuŋ nɛ dolie, dɩ ba tʋrʋŋ tʋrʋŋ lɔl, ŋ jaŋ kʋʋ jɩŋ dɩ ba guu chei ŋ kala. Wɩɩkala tuo sɩ jaŋ laaŋ ta.

AZAAYA 10:4

Wɩɩkala bɩ jaŋ laama, ba jaŋ kpʋma koo a kɛsɛma dɩ ma ŋaa nɩa ba sɩ kaa tɔ bɩnɩŋ dɩa. Wɩaa deemba kala jaŋ ŋaa ma lɛ, ama La TƖƖNA baanɩŋ ha bɩ jaŋ fɩɛlɛ. Ʋ ha jaŋ dɔgɩsɛma a pɛ.

AZAAYA 3:9

Dɩ ŋ nɛ beŋ ba sɩaa lɛ, ŋ jaŋ jɩŋ arɩ ba ŋaa wʋbɔŋ ŋaara nɛ. Ba yie ŋaa wʋbɔmʋŋ pʋlʋmʋŋ tʋɔŋ a nagɛ Sodom tɩŋŋaa fa sɩɩ ŋaa ŋɩɩ nɛ, ba bɩ kaa fɩfaa. Ba jaŋ na hɛɛŋ, ba tɩtɩa nɛ lɛrɛ wʋlɔrʋŋ deeŋ kʋʋ hɛ ba tɩtɩa lɛ.

JƐRƖMAAYA 14:15

Ŋɩɩ wɩaa, wɩɩ-la mɩ-na ma TƖƖNA sɩ bʋla tɩgɛ nɩalɩŋ sɩɩ bʋl wɩaa mɩ yɩrɩŋ lɛ nɛ ŋ-la: Mɩ dee bɩ ba hɛ, ka ba bʋbʋl, ‘Laalɩŋ koo losuŋ bɩ jaŋ jʋʋ tinteeŋ deeŋ.’ Laalɩŋ jaŋ kpʋ wʋlaabʋllaa deemba tɩtɩa, dɩ losuŋ ma kɛŋ dɔnsʋŋ dɩ ba sʋʋ.

JƐRƖMAAYA 18:23

La TƖƖNA, ŋ jɩŋ ŋɩɩ kala ba sɩ vʋʋra dɩ ba kpʋmɛ nɛ. Sɩ́ ba wʋbɔŋŋɔɔ joŋo chɛba, sɩ́ ŋ sɩaa lɩɩsɛ ba wʋbɔŋŋɔɔ lɛ. Leŋ dɩ ba tele bilimi ŋ sɩpaaŋ. Na baanɩŋ a dɔgɩsɛba.

JƐRƖMAAYA 23:12

Ŋɩɩ wɩaa, ba wombiiŋ jaŋ sɩsɩɛrɛ, mɩ jaŋ kiriba hɛ birimiŋ lɛ, dɩ ba tel nɩmɛ. Mɩ jaŋ kɛŋ wʋlɔrʋŋ kʋ hɛ ba lɛ jɩna-la lɛ mɩ sɩ jaŋ dɔgɩsɛba. Mɩ-na ma TƖƖNA nɛ bʋla.

JƐRƖMAAYA 3:3

Ŋɩɩ nɛ tɩɩ mɩ kɛrɛ duonuŋ ŋɩɩ, a pɔ dɩ duoŋ-puso sɩ́ nɩɩ. Ama ma paala nagɛ hachɔrʋŋ nɛ, a bɩ hɩɩsɩŋ ka fá.

JƐRƖMAAYA 44:10

Arɩ jɩnɩŋ kala ba ha bɩ ba tɩtɩa kaa muuri koo a zilmi, koo a to wombii-la mɩ sɩ bile dɩ ba tuto, arɩ mɩ wʋdagaa mɩ sɩ bile pɩ ma dɩ ma naabalɩmaba.

JƐRƖMAAYA 5:29

La TƖƖNA pɩɛsa, “Bɛɛ nɛ tɩɩ mɩ bɩ jaŋ dɔgɩsɛba a tɩŋ wɩɩŋ deeŋ wɩaa? Bɛɛ nɛ jaŋ tɩɩ mɩ bɩ jaŋ joŋ mɩ baanɩŋ fɩɩsɛ tintee doho deeŋ nɩaa lɛ?

JƐRƖMAAYA 5:9

Bɛɛ nɛ tɩɩ mɩ bɩ jaŋ dɔgɩsɛba a tɩŋ wɩɩŋ deeŋ wɩaa? Mɩ-na ma TƖƖNA nɛ pɩɛsa. Bɛɛ nɛ jaŋ tɩɩ mɩ bɩ jaŋ joŋ mɩ baanɩŋ fɩɩsɛ tintee doho deeŋ nɩaa lɛ?

JƐRƖMAAYA 8:12

Wʋkɩsɩa-la ba sɩɩ ŋaa, hɩɩsɩŋ kɛmba nɛɛ? Aɩ, ba paala bɩ hɩɩsɩŋ ka fá. Ba paala bɩ jɩŋ ŋɩɩ ba sɩ jaŋ kɛŋ sɩaa chei. Ŋɩɩ wɩaa ba jaŋ sʋʋ, a pɛ nɩalɩŋ sɩ sʋba lɛ. Mɩ jaŋ dɔgɩsɛba a kɛmba muuri. Mɩ-na ma TƖƖNA nɛ bʋla.

JƐRƖMAAYA 8:9

Hɩɩsɩŋ jaŋ kɛŋ wʋjɩnnaa, ba niiŋ jaŋ maa dɩ ba bɛrɛ kɛmba, ba sɩ vɩa mɩ-na ma TƖƖNA niiŋ wɩaa, wʋjɩŋ bɛɛ nɛ ba kɛŋ?

ƐZƖKƖƐL 13:14

Mɩ jaŋ yigi jee-la ma sɩ joŋ tʋɔrʋŋ bʋgɛ a lo, a yɛrɛ ʋ kala muno muno ka dɩ ʋ gentine nyɩɩsɛ, dɩ jee-la nɛ tele, ʋ jaŋ kpʋ ma kala. Ŋɩɩ lɛ nɛ ma jaŋ jɩŋ arɩ mɩ nɛ ma TƖƖNA.

ƐZƖKƖƐL 2:4

Nɩalɩŋ teeŋ mɩ sɩɩ tɩmɩŋ ŋaa tʋɔ-dol tɩmma nɛ, a kɛŋ nyuduoŋ woruŋ. Bʋla pɩba, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la.’

ƐZƖKƖƐL 24:7

Jerusalɛm nɩaa sɩ kpʋ nɩalɩŋ chalɩŋ jaasɛ ba tabalɩŋ lɛ nɛ. Chal-la jaasɛ bʋ-taala nyuŋ nɛ, ʋ bɩ tinteeŋ jaasa, lee-la hagɩla sɩ bɩ jaŋ wuo tɔ.

HOSIA 4:5

Ma-na Wɩɩsʋllɩ sɩpaalaaraa yie ŋmoo naaŋ nɛ wɩɩhɛyɛ arɩ tɩtaŋɩŋ kala, mɩ wʋlaabʋllaa maa ŋaa ŋɩɩ tɩtɩa. Ŋɩɩ wɩaa mɩ jaŋ chei ma naaŋ Iziral.

HOSIA 9:7

Bʋa-la lɛ Wɩa sɩ jaŋ dɔgɩsɛ Iziral tɩŋŋaa ka kɔ nɛ, tapʋlɩɩ-la ba sɩ jaŋ na hɛɛŋ kpaga nɛ. Ma Iziral tɩŋŋaa jɩŋ wɩɩŋ deeŋ nɛ. Ma wʋbɔŋŋɔɔ yʋga nɛ kɩŋkɛŋ, ma chaasa tɛrɛ nɛ woruŋ, a joŋ Wɩa wʋlaabʋlla arɩ ʋ ŋaa nɩyaarɩ nɛ, nɩɩ-la Wɩa dɩma-la sɩ hɛ ʋ lɛ arɩ ʋ ŋaa nyɩnyɛ tɩɩna nɛ.

MƖKA 3:6

Ŋɩɩ wɩaa ma nɩalɩŋ sɩ sɩ ma ŋaa mɩ wʋlaabʋllaa nɛ, ma wɩa jaŋ jʋʋ, dɩ ma taŋ biri. Tɩtaŋɩŋ ma bɩ jaŋ na wɩɩkala arɩ duosoo tʋɔŋ, leriŋ jaŋ biri, ka mɩ bɩ jaŋ joŋ wɩɩkala dagɛma.

MƖKA 7:4

Ba tʋɔŋ kʋ-la sɩ kpɩa nagɛ sɔgɩrɩgalɩa nɛ ba tʋɔpʋl tɩɩna wɩɩŋ bɔmɔ kɩɩ sɔ-gbuŋgbeŋe sɔsʋŋ. Nɩalɩŋ sɩɩ pɔma sɩ bʋl tapʋlɩɩ-la wɩaa yie nɛ, tapʋlɩɩ-la Wɩa sɩ jaŋ dɔgɩsɛma. Bʋa deeŋ lɛ nɛ ma wɩaa jaŋ vʋgʋmɛ.

ZEFANAAYA 2:1

Ma tintee-la nɩaa hɩɩsɩŋ sɩ die, má bɩɩnɛ wɩaa pɩ ma tɩtɩa, ma bɩɩnɛ wɩaa pɩ ma tɩtɩa

ZEFANAAYA 3:5

La TƖƖNA ŋaa tʋɔpʋl Tɩɩna nɛ a hɛ tabal-la lɛ, ʋ bɩ wʋbɔŋ kala ka ŋaa. Tapʋlɩɩ na-kala ʋ yie dagɛ ŋɩɩ ʋ sɩ kɛŋ wʋtɩtɩɩ nɛ, ʋ bɩ giri, ka nɩalɩŋ sɩ kɛŋ tʋɔbɔmʋŋ ha bɩ hɩɩsɩŋ jɩŋ.

ZƐKARƖYA 13:4

Tapʋlɩɩ-la, hɩɩsɩŋ jaŋ kɛŋ wʋnyɩɛrɩ wʋlaabʋllʋ kala a mʋ tɩgɛ wɩalɩŋ ʋ sɩɩ na arɩ duosoo tʋɔŋ lɛ. Ʋ bɩ jaŋ laalɛ ʋ wʋnyɩɛrɩ wʋlaabʋllʋ gɛrɩŋ sɩ kɛŋ pʋnaa aa nyɩsɛ nɩaa.

Matiu 15:14

Má sɩ́ leŋe dɩ ba wɩaa walɩmɛma, ba ŋaa nyʋlɩma nɛ a laa nyʋlɩmaa sɩpaaŋ. Dɩ nyʋlɩma nɛ saa kɛŋ ʋ nyʋlʋŋ dɔŋɔ daaŋ lɛ, ba kala balɩa jaŋ tuu buotuoŋ.”

Fɩlɩpa Nɩaa 3:19

Ba dɩdɛrɩŋ, ba jaŋ jʋʋ Wɩa nyiniŋ. Ba tʋɔtɔrɛ wʋŋaalaa lɛ nɛ baa to. Ba sɩɩŋ yie fɩɛsɛ hɩɩsɩ wɩaa lɛ nɛ. Ba yie bɩbɩɩnɛ dʋnɩa kɩaa dʋndʋŋa wɩaa nɛ.