JƐRƖMAAYA 6:13 - WƖA TENIŊ

¹³ “Ba nɩbiisiŋ arɩ ba nɩbalaa kala kɛŋ yarɩ-bieriŋ nɛ a chɩchɛ kɩaa. Mɩ wʋlaabʋllaa arɩ Wɩɩsʋllɩ sɩpaalaaraa ma nagɛ ŋɩɩ tɩtɩa nɛ, a kala nyɩnyɩsɛ nɩaa.

JƐRƖMAAYA 6:13 ပူးပေါင်းရင်းမြစ်များ

AZAAYA 28:7

Wɩɩsʋllɩ sɩpaalaaraa arɩ Wɩa wʋlaabʋlla-la ma yie nyʋa tɩɩnɛnɛɛ sɩnɩŋ a bugi nɛ a gɩgɛrɛ a bɩ ba tɩtɩa jɩŋ. Dɩ Wɩa wʋlaabʋlla-la nɛ na wɩaa arɩ duosoo tʋɔŋ ma, ba bɩ ba bʋbʋɔŋ ka jɩŋ. Wɩɩsʋllɩ sɩpaalaaraa ma bɩ wɩaa ka bʋl ba bʋɔsʋŋ lɛ.

AZAAYA 57:17

Ma wʋbɔŋŋɔɔ arɩ ma tʋɔ-luŋuŋ wɩaa nɛ tɩɩ mɩ fa na baanɩŋ ma nyuŋ a dɔgɩsɛma, aŋ joŋ harɩŋ yɩama. Ka ma ha kɛŋ nyu-duo a tuto ma tʋɔtɔrɛ wombiee.

JƐRƖMAAYA 14:18

Dɩ mɩ nɛ jɩl pɔkɔŋ nyuŋ, mɩ yie na nɩalɩŋ ba sɩ kpʋa laalɩŋ lɛ nɛ. Dɩ mɩ nɛ jʋʋ tabal-la tʋɔŋ ma, mɩ yie na nɩaa losuŋ sɩ kɛnɛ ba sʋʋ nɛ. Wɩa wʋlaabʋllaa arɩ Wɩɩsʋllɩ sɩpaalaaraa kala mʋ tintee-la ba sɩ bɩ jɩŋ nɛ.”

JƐRƖMAAYA 17:11

A nagɛ yoho sɩ bɩ halaa lo, aŋ pɛŋ hala-la nyuŋ a tiesi, ŋɩɩ tɩtɩa nɛ nɩɩ-la sɩ ŋmʋrɛ nɩaa a dʋa kɩaa nagɛ. Dɩ ʋ nɛ yi ʋ jɩsɩŋ kpaa magɛ dɔŋɔ, ʋ dʋa-la jaŋ lɛl. Dɩdɛrɩŋ kala, ʋ jaŋ jɩŋ arɩ ʋ ŋaa nɩyaarɩ nɛ.

JƐRƖMAAYA 2:26

A nagɛ ba sɩ yie kɛŋ gaara hɩɩsɩŋ kɛnʋ ŋɩɩ, ŋɩɩ nɛ hɩɩsɩŋ jaŋ kɛŋ Iziral tɩŋŋaa, ba kuoru-balaa, ba tɩntɩnnɩ-hɩasɩŋ, ba Wɩɩsʋllɩ sɩpaalaaraa arɩ ba Wɩa wʋlaabʋllaa kala.

JƐRƖMAAYA 2:29

Wʋbɛɛ nɛ ma kɛŋ dɩ ma bʋl mɩ teeŋ? Ma kala vɩamɛ nɛ. Mɩ-na ma TƖƖNA nɛ bʋla.

JƐRƖMAAYA 2:8

Wɩɩsʋllɩ sɩpaalaaraa bɩ pɩɛsaa chɛmɛ, a bʋl, ‘Nɩɩ nɛ La TƖƖNA hɛ?’ Nɩalɩŋ sɩ maga dɩ ba dagɛ nɩaa wombii-la mɩ sɩ bile dɩ ba tuto, bɩ mɩ jɩŋ. Sɩpaalaaraa ma vɩa mɩ niiŋ nɛ. Mɩ wʋlaabʋllaa ma mɩɩra bʋbʋl wɩaa vene-la ba sɩɩ yɩrɛ Baal yɩrɩŋ lɛ, aa to vʋɩyaa sɩ ŋaa kʋpɛɩba.

JƐRƖMAAYA 22:17

Ama ŋ sɩaa arɩ ŋ tʋɔŋ kala hɛ gɩrɩma dii lɛ nɛ, a kpʋkpʋ nɩaa sɩ bɩ wɩɩ cheye a dʋdɔgɩsɛ nɩaa, aŋ pɛ kɛŋ nɩaa kɩaa lɩlaa.”

JƐRƖMAAYA 23:10

Tintee-la kala nɛ suo arɩ hachɔrʋmɔɔ, bɛɛ wɩaa ŋmɩaŋ dii nɩalɩŋ nɛ, tintee-la kala hɩl. Yaŋ-la sɩ hɛ tintee-hɩlɩŋ lɛ kala nɛ hɩla. Wɩa wʋlaabʋlla-la ka to nɩbɔŋ wombiee nɛ, a dɩdagɛ ba doluŋ ŋɩɩ sɩ bɩ maga.

JƐRƖMAAYA 23:11

La TƖƖNA bɩra sɩ, “Mɩ wʋlaabʋllaa arɩ Wɩɩsʋllɩ sɩpaalaaraa bɩ mɩ ka fá. Mɩ dɩɩ-bal-la ma tɩtɩa lɛ, baa ŋaa wʋbɔŋŋɔɔ nɛ.

JƐRƖMAAYA 27:15

La TƖƖNA sɩ, ‘Mɩ dee bɩ ba tɩma. Baa nyɩɛ wɩaa nɛ mɩ yɩrɩŋ lɛ. Ŋɩɩ wɩaa mɩ jaŋ kirima ta dɩ ma sʋʋ, ma dɩ nɩalɩŋ sɩ sɩ ba ŋaa mɩ wʋlaabʋllaa kala a bʋl wɩaa pɩpɩma.’ ”

JƐRƖMAAYA 32:32

Iziral tɩŋŋaa arɩ Juda nɩaa leŋe mɩ baanɩŋ sii nɛ a tɩŋ wʋbɔmɔ-la kala ba sɩ ŋaa wɩaa, ba dɩ ba kuoroo arɩ ba tɩntɩnnɩ-hɩasɩŋ, ba Wɩɩsʋllɩ sɩpaalaaraa arɩ ba nɩalɩŋ sɩ sɩ ba ŋaa mɩ wʋlaabʋllaa nɛ, a pɛ Juda nɩaa arɩ ba nɩalɩŋ sɩ hɛ Jerusalɛm lɛ.

JƐRƖMAAYA 42:1

Ŋɩɩ nɛ laalɩyuori-hɩasɩ-la kala a pɛ Karɩa nanʋala Johanaŋ lɛ arɩ Hosaaya nanʋala Jezania arɩ nɩalɩŋ kala a chɩŋ ba nɩbiisiŋ lɛ a kaa jɩl ba nɩbalaa

JƐRƖMAAYA 5:31

Mɩ wʋlaabʋllaa sɩ nyɩɛ wɩaa arɩ baa bʋl wɩaa Wɩa doluŋ lɛ nɛ. Ka Wɩɩsʋllɩ sɩpaalaaraa ma mɩɩra ŋɩŋaa wɩaa ba tɩtɩaba doluŋ lɛ. Mɩ nɩaa ma cho ŋɩɩ ba sɩɩ ŋaa. Ama wʋbɛɛ nɛ ma jaŋ ŋaa wɩaa deemba dɩdɛrɩŋ?”

JƐRƖMAAYA 8:10

Ŋɩɩ wɩaa mɩ jaŋ laa ba haalaa pɩ ba-wogusuŋ, ka dɩ nɩtanɩa ma laa ba bagɩsɩŋ tɩɩ. Ba nɩbiisiŋ arɩ ba nɩbalaa kala kɛŋ yarɩ-bieriŋ nɛ a chɩchɛ kɩaa. Mɩ wʋlaabʋllaa arɩ Wɩɩsʋllɩ sɩpaalaaraa ma nagɛ ŋɩɩ tɩtɩa nɛ a kala nyɩnyɩsɛ nɩaa.

JEMBIEE 4:13

Ama ŋɩɩ ŋaa nɛ, a tɩŋ Wɩa wʋlaabʋllaa arɩ Wɩɩsʋllɩ sɩpaalaaraa sɩ ŋaa wʋbɔŋŋɔɔ wɩaa, ba kpʋ tʋɔpʋl tɩmma-la sɩ hɛ Jerusalɛm lɛ nɛ.

ƐZƖKƖƐL 22:12

Nɩalɩŋ sɩ hɛ ŋ lɛ yie laa kpalaa aŋ kpʋ nɩaa. Ba yie joŋ kɩaa chɩŋ nɩaa aŋ chɩchɛ nyʋʋrʋŋ yʋgɛ, aŋ gʋrɛ ma Iziral tɩŋŋaa dɔnsʋŋ a kuori. Ma yʋ mɩ wɩaa nɛ. Mɩ-na ma TƖƖNA Wɩɩjarɩbakɔ nɛ bʋla.

ƐZƖKƖƐL 33:31

Mɩ nɩaa jaŋ yʋgɛ a kɔ ŋ teeŋ dɩ ba jegile nɩɩ ŋ niiŋ wɩaa, ama ba bɩ jaŋ kɛmba tɩŋ. Ba niiree yie bʋbʋl wʋzɔŋŋɔɔ nɛ, ama ba tʋɔŋ bɔmɔ a gɩrɩma lɩlaa nɩaa kɩaa.

MƖKA 3:11

Ma sɩpaalaara-la yie laa kpalaa nɛ aŋ dii sarɩya, ma Wɩɩsʋllɩ sɩpaalaaraa yie dagɛ nɩaa Wɩa wombiiŋ aa chɛ time. Ma nɩalɩŋ sɩ sɩ ma ŋaa Wɩa wʋlaabʋllaa yie bʋl wɩalɩŋ ma sɩ na aa laa moribiee. Ka ma ha yie bʋl dɩ ma yelli La TƖƖNA nɛ. Ma yie bʋl, “La TƖƖNA hɛ la teeŋ nɛ, wʋlɔrʋ kala bɩ jaŋ jʋʋla.”

MƖKA 3:5

Wɩɩ-la La TƖƖNA sɩ bʋla nɛ ŋ-la: “Ma nɩalɩŋ sɩ sɩ ma ŋaa mɩ wʋlaabʋllaa nɛ aa nyɩsɛ mɩ nɩaa. Dɩ ba nɛ pɩma kʋdiilee, ma yie bʋl, ‘Wɩa jaŋ leŋ dɩ ma hɔŋ arɩ fɩɛlɩŋ.’ Dɩ ba nɛ bɩ ma kʋŋ pa, ma bʋl arɩ laalɩŋ jaŋ kʋ jʋʋba.

Luuk 16:14

Farisii tɩŋŋaa nɩɩ wɩɩŋ deeŋ Yesu sɩ bʋla. Ba fa cho dʋnɩa kɩaa nɛ kɩŋkɛŋ. Ŋɩɩ nɛ ba sisieri ʋ lɛ.

1 Timoti 3:3

Ʋ bɩ maga dɩ ʋ ŋaa sɩ-nyʋarʋ, a sɩ́ baaŋ tɩɩna ma ŋaa. Ama ʋ maga dɩ ʋ ŋaa nɩ-chɩm-chɩm nɛ a sɩ́ yuo-hɛɛrʋ ŋaa. Ʋ bɩ maga dɩ ʋ cho moribiee kɩŋkɛŋ.

2 Pɩɩta 2:1

Bumbuŋ wʋnyɩɛraa fa hɛ nɩalɩŋ sɩ laa Wɩa wɩaa dii tʋɔŋ, aa fugi arɩ ba ŋaa Wɩa wʋlaabʋllaa nɛ. Ŋɩɩ tɩtɩa nɛ wʋnyɩɛrɩ kerichiba jaŋ kʋ hɛ ma tʋɔŋ a lʋara dɩdagɛma wɩalɩŋ sɩ jaŋ cheima a paala bʋl arɩ ba bɩ La Tɩɩna Kirisito jɩŋ, Nɩɩ-la sɩ laaba ta. Ŋɩɩ jaŋ leŋ dɩ Wɩa guu cheiba.

2 Pɩɩta 2:3

Wʋnyɩɛrɩ kerichi deemba jaŋ kɛŋ tʋɔ-luŋuŋ. Ba jaŋ kɛŋ nii-sɩma a nyɩnyɩsɛma a lɩlaa ma kɩaa ma. Faafaa kala nɛ Wɩa dagɛ arɩ ʋ jaŋ dii nɩaa deemba doho sarɩya. Nɩɩ-la sɩ jaŋ cheiba bɩ doŋ pɩna.