JƐRƖMAAYA 6:10 - WƖA TENIŊ

¹⁰ Kʋbɛɛ nɛ mɩ jaŋ wuo bʋl wɩaa chagɩlɛ? Kʋbɛɛ nɛ jaŋ jegile nɩɩ mɩ teeŋ? Ba dɩgɩlaa tɔ nɛ, ba bɩ wɩaa wuo nɩɩ. La TƖƖNA niiŋ wɩaa ŋaa jomo nɛ ba teeŋ. Ba tʋɔŋ bɩ wɩalɩŋ lɛ tɔrɔ.

JƐRƖMAAYA 6:10 ပူးပေါင်းရင်းမြစ်များ

WƖA YƖƖLAA 1:2

Ba-na tʋɔtɔrʋŋ nɛ dɩ ba to La Tɩɩna wombiiŋ, a kɛŋ wombii-la wɩaa chʋchɔgɩsɛ ba tʋɔŋ lɛ wɩɩhɛyɛ arɩ tɩtaŋɩŋ kala.

WƖA YƖƖLAA 119:16

Mɩ tʋɔŋ tɔrɛ wɩalɩŋ ŋ sɩ daga nyuŋ nɛ, mɩ bɩ jaŋ kɔ dɩ mɩ yʋ ŋ niiŋ wɩaa.

WƖA YƖƖLAA 119:174

La Tɩɩna, mɩɩ gbɛrɩŋ nɛ dɩ ŋ laamɛ ta, mɩ tʋɔŋ tɔrɛ wombii-la ŋ sɩ bile dɩ la tuto lɛ nɛ.

WƖA YƖƖLAA 119:24

Wɩalɩŋ ŋ sɩ daga dɩ la tuto nɛ leŋe mɩ tʋɔŋ tʋtɔrɛ, wɩalɩŋ nɩɩ dagɛmɛ.

WƖA YƖƖLAA 119:35

Leŋ dɩ mɩ to wɩalɩŋ ŋ sɩ daga, mɩ tʋɔŋ tɔrɛ ba lɛ nɛ.

WƖA YƖƖLAA 119:70

Tʋɔ-togi tɩmma nɛ nɩalɩŋ, ama mɩ-na tʋɔŋ tɔrɛ wombii-la ŋ sɩ bile dɩ la tuto lɛ nɛ.

WƖA YƖƖLAA 119:77

Fá mɩ nenige a leŋ dɩ mɩ kɛŋ mɩɩsɩŋ, bɛɛ wɩaa mɩ tʋɔŋ tɔrɛ wombii-la ŋ sɩ bile dɩ la tuto lɛ nɛ.

WƖA YƖƖLAA 40:8

Mɩ Wɩa, mɩ cho dɩ mɩ ŋaa wɩalɩŋ sɩɩ tɔrɛ ŋ tʋɔŋ nɛ. Wombii-la ŋ sɩ bile dɩ la tuto hɛ mɩ tʋɔŋ lɛ nɛ.”

MOSIS KƐŊ IZIRAL TƖŊŊAA LƖƖ 6:12

Ŋɩɩ nɛ Mosis bʋla pɩ La TƖƖNA, “Mɩ sɩ paala bʋl wɩaa Iziral tɩŋŋaa teeŋ, ba bɩ jegile nɩɩ mɩ teeŋ, ɛɛ nɛ saa Ijipiti tinteeŋ kuoro-na jaŋ jegile nɩɩ mɩ teeŋ? Mɩ paala bɩ wɩaa bʋlʋŋ jɩŋ woruŋ.”

AZAAYA 42:20

Ma Iziral tɩŋŋaa, ma na wɩaa a yʋgɛ nɛ, aŋ vɩa dɩ ma chɩna gbɛrɛ wɩalɩŋ, ma dɩgɩlaa suro nɛ, ka ma bɩ wɩɩkala ka nɩɩ.”

AZAAYA 53:1

Kʋbɛɛ nɛ hɛ nɩmɛ a laa wɩalɩŋ la sɩ bʋla a dii? Kʋbɛɛ nɛ La TƖƖNA kɛŋ ʋ doluŋ dagɛ?

JƐRƖMAAYA 35:13

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: “Mʋ pɩɛsɛ Juda baalaa arɩ Jerusalɛm nɩaa na: ‘Ma bɩ jaŋ gʋnnɛ wɩaa a to mɩ niiŋ wɩaa koo?’ Ma TƖƖNA nɛ pɩɛsa.

JƐRƖMAAYA 4:4

Má joŋ ma tɩtɩa hɛ mɩ-na ma TƖƖNA nɩsɩŋ lɛ. Má Juda arɩ Jerusalɛm nɩaa, má pʋllɛ ma tʋɔŋ, dɩ ŋɩɩ dee, mɩ baanɩŋ jaŋ sii ma nyuŋ a nagɛ nyiniŋ a diima a tɩŋ wʋbɔmɔ-la ma sɩ ŋaa wɩaa. Dɩ nyiŋ-la nɩɩ diima, nʋʋkala bɩ jaŋ wuo dɩsʋ.

JƐRƖMAAYA 5:21

Ma ŋaa nɩyaara nɛ a chʋʋlɛ, má nɩɩ wɩɩŋ deeŋ, ma kɛŋ sɩaa nɛ aŋ bɩ na, a kɛŋ dɩgɩlaa ma aŋ bɩ nɩɩ.”

JƐRƖMAAYA 7:13

La TƖƖNA bɩra sɩ, “Ma fa sɩɩ ŋaa wɩaa deemba kala, mɩ fa chagɩlɛma nɛ bʋlɩa bʋlɩa, ka ma bɩ nɩa. Mɩ fa yɩrɛma nɛ, ka ma vɩa dɩ ma sɛɩ.

JƐRƖMAAYA 7:26

Ama ba fa bɩ mɩ teeŋ jegile nɩɩ, a vɩa dɩ ba tomi. Ba fa kɛŋ nyuduoŋ nɛ a wasa ŋaa wʋbɔŋŋɔɔ a kɩɩ ba naabalɩmaba.

JƐRƖMAAYA 9:26

Nɩalɩŋ nɛ ŋaa: Ijipiti nɩaa, Ɛdɔm nɩaa, Amɔŋ nɩaa, Mʋab nɩaa arɩ nɩalɩŋ kala sɩ hɛ tintee-hɩlɩŋ lɛ dɩ-boloo. Tinteyee deemba kala nɩaa bɩ ba tʋɔŋ pʋlla. Iziral tɩŋŋaa kala ma paala bɩ ba tʋɔŋ pʋlla.”

ƐZƖKƖƐL 3:7

Ama Iziral tɩŋŋaa bɩ jaŋ jegile nɩɩ ŋ teeŋ, bɛɛ wɩaa ba bɩ chɛ dɩ ba jegile nɩɩ mɩ teeŋ. Iziral tɩŋŋaa kala ŋaa nyu-duo tɩmma arɩ tʋɔ-dol tɩmma nɛ.

ƐZƖKƖƐL 33:3

Dɩ ʋ nɛ na ba dʋndɔŋŋɔɔ ka kɔ, ʋ yie ŋmoo bunso nɛ a leŋ nʋʋkala jɩŋ.

ƐZƖKƖƐL 33:9

Ama dɩ ŋ nɛ bʋl wɩaa chagɩlɛ nɩbɔŋ-la, ka dɩ ʋ vɩa dɩ ʋ bɩrɩma lɩɩ ʋ wʋbɔŋŋɔɔ lɛ, ʋ jaŋ sʋʋ a tɩŋ ʋ wʋbɔŋŋɔɔ wɩaa, ama ŋ-na laa ŋ tɩtɩa nɛ.

AMƆS 7:10

Ŋɩɩ nɛ Wɩɩsʋllɩ sɩpaalaara sɩ hɛ Bɛtɛl lɛ baa yɩrɛ Amazɩa, tɩŋ ba mʋ bʋla pɩ Iziral tinteeŋ kuoro ba sɩɩ yɩrɛ Jerobuam, “Amɔs ka chei ŋ yɩrɩŋ nɛ Iziral nɩaa tʋɔŋ. Ʋ niiŋ wʋbʋlaa jaŋ chei la tinteeŋ.

Matiu 3:7

Jɔɔŋ na Farisii tɩŋŋaa arɩ Saduusi tɩŋŋaa dɩ ba yʋga a kʋkɔ ʋ teeŋ dɩ ʋ foba Wɩɩchʋɔlɛ lɩɩŋ. Ʋ bʋla pɩba, “Ma nɩaa deemba wʋŋaalaa nagɛ dɩŋŋaa nɛ. Ma bɩɩna ma jaŋ wuo fá lɛl chɛɛ-la Wɩa sɩ jaŋ dii nʋʋkala sarɩyaa?

Luuk 11:45

Yesu sɩ bʋl ŋɩɩ dɛrɛ, dɩ Wɩa teniŋ kerichi dɔŋɔ bʋla pʋ, “Kʋhɩaŋ, ŋ sɩ bʋl ŋ-la, ŋ tʋʋsɛla ma nɛ.”

Luuk 20:19

Ŋɩɩ nɛ Wɩa teniŋ kerichiba arɩ Wɩɩsʋllɩ sɩpaalaaraa kʋhɩasɩŋ wʋwalɩmɛ dɩ ba kɛŋ Yesu naabʋɔsʋ-la lɛ, bɛɛ wɩaa ba jɩma arɩ ʋ magɛ namaga-la a tɩgɛ ba lɛ nɛ. Ama baa fá nɩalɩŋ sɩ hɛ nɩmɛ nɛ.

Jɔɔŋ 7:7

Dʋnɩa nɩaa bɩ ma bɛrɛ, ama ba bɛrɛ mɩ-na nɛ, bɛɛ wɩaa mɩ vɛnɛ bʋla pɩpɩba arɩ baa ŋaa wʋbɔŋŋɔɔ nɛ.

Jɔɔŋ 9:40

Farisii tɩmma-la sɩ chɩŋ nɩmɛ a nɩɩ Yesu sɩ bʋl ŋɩɩ, ba pɩɛsʋ, “Ŋ bɩɩna la ma nyʋlɩma nɛɛ?”

Tɩntɩŋŋaa 7:51

Ŋɩɩ nɛ Sɩtɩɩvɩŋ bʋl, “Ma nyuŋ dolie kɩŋkɛŋ nɛ. Ma dɩgɩlaa ma kparɩmɛ. Ma tʋɔŋ ma dol arɩ nɩalɩŋ sɩ bɩ Wɩa jɩŋ. Ma ma yie vɩa ma to Wɩa Dɩŋ-zɔmʋŋ lɛ, arɩ ma naabalɩmaba fa sɩ ŋaa ŋɩɩ.

Tɩntɩŋŋaa 7:60

Ʋ tuu kpirimi a faasa ŋmoo niiŋ a bʋl, “Mɩ Tɩɩna Yesu, mɩɩ sʋlʋŋ, sɩ́ wʋbɔmʋŋ deeŋ ba sɩ ŋaa chɩmɩŋ joŋo tiŋ ba lɛ.” Ʋ fa bʋl ŋɩɩ nɛ aŋ sʋʋ.

Rom Tɩŋŋaa 7:22

Mɩ cho wɩalɩŋ Wɩa sɩ daga nɛ mɩ tʋɔŋ lɛ, a cho dɩ mɩɩ ŋaaba.

MOSIS BƖRA WULLI WƖA WOMBIIŊ 29:4

Ama arɩ jɩnɩŋ kala La TƖƖNA ha bɩ leŋe ma wuo jɩŋ wɩalɩŋ ma sɩ na bʋbʋɔŋ.

Koloosi Nɩaa 1:28

Ʋ wɩaa nɛ la bʋla pɩpɩ nɩaa. Laa kpʋrɩsɛ nʋʋkala dɩgɩlaa, aa dagɛ nʋʋ na-kala arɩ wʋjɩmɩɩ-na kala, dɩ la wuo ŋaa ba waa dɛrɛ Kirisito wɩaa lɛ.

2 Timoti 4:3

Ŋaa ŋɩɩ, bɛɛ wɩaa bʋa kʋbala jaŋ yi, nɩaa bɩ jaŋ jegili Wɩa wʋtɩtɩɩ-la ba sɩ jaŋ dagɛba. Ama ba jaŋ to ba tɩtɩa tʋɔtɔrʋŋ lɛ a chɛ kɛsɛ kerichiba yʋgɛ sɩ jaŋ dɩdagɛba wɩalɩŋ ba sɩ cho dɩ ba nɩa.

Hiburu TƖŊŊAA 11:7

Nowa ma fa laa Wɩa wɩaa dii nɛ. Ŋɩɩ nɛ Wɩa kpʋrɩsɛ ʋ dɩgɩlaa a mʋ tɩgɛ wɩɩ-la sɩ jaŋ ŋaa dʋnɩa lɛ a pʋ, ʋ bɩ wɩɩ-la na aŋ sɛɩ Wɩa niiŋ a kpaasɛ lɩɩŋ daboro dɩ ʋ laa ʋ dɩ ʋ dɩa nɩaa ta. Nowa sɩ laa Wɩa wɩaa dii nɛ tɩɩ ʋ kʋ ŋaa tʋɔpʋl tɩɩna aŋ joŋ cheeriŋ a pɩ nɩkaana-la kala.