JƐRƖMAAYA 52:6 - WƖA TENIŊ

⁶ Chɛŋ-nɛsɛ tʋɔŋ tapʋl nibi chɛɛŋ, losuŋ faasa jʋʋ tabal-la woruŋ, kʋdiilii kala tuo dɩ ba dii.

JƐRƖMAAYA 52:6 ပူးပေါင်းရင်းမြစ်များ

2 KUOROO 25:3

Chɛŋ-nɛsɛ tʋɔŋ tapʋl nibi lɛ, losuŋ faasa jʋʋ tabal-la woruŋ, kʋdiilii kala tuo dɩ ba dii.

AZAAYA 3:1

Má bee na, La TƖƖNA doluŋ kala Tɩɩna sɩɩ pɩ Juda doho nɩaa arɩ Jerusalɛm tɩŋŋaa kʋdiilee arɩ lɩɩŋ jaŋ leŋ dɩ ma bɩra sɩ́ kɩaa deemba na.

JƐRƖMAAYA 15:2

Dɩ ba nɛ pɩɛsɩŋ, ‘Nɩɩ nɛ la jaŋ mʋ?’ bʋla pɩba, Wɩɩ-la mɩ-na ma TƖƖNA sɩ bʋla nɛ ŋ-la: ‘Nɩalɩŋ nyanyal bɔŋŋɔɔ sɩ jaŋ kpʋ, ba jaŋ kpʋ. Nɩalɩŋ sɩ jaŋ sʋʋ laalɩŋ lɛ, ba jaŋ sʋʋ. Nɩalɩŋ losuŋ sɩ jaŋ kɛŋ dɩ ba sʋʋ, ba jaŋ sʋʋ. Nɩalɩŋ ma ba sɩ jaŋ kɛsɛ mʋ yoŋ-baga, ba jaŋ kɛsɛ mʋ.’

JƐRƖMAAYA 19:9

Mɩ jaŋ leŋ dɩ ba gʋra chaŋ ba hambolibiisiŋ arɩ hantolibiisiŋ nammɩa. Bʋa-la lɛ ba dʋndɔŋŋɔɔ sɩ jaŋ faasa tɔba hɛ, ba jaŋ gʋra chɩchaŋ dɔŋɔ.

JƐRƖMAAYA 21:9

Nʋʋ na-kala sɩ jaŋ hɔŋ tabalɩŋ deeŋ tʋɔŋ, laalɩŋ koo losuŋ koo nyanyal-bɔmʋŋ jaŋ kpʋʋ. Ama nʋʋ na-kala sɩ jaŋ kɛŋ ʋ tɩtɩa lɩɩ pɩ Babɩlɔŋ tɩmma-la sɩ kʋ tɔma hɛ jaŋ kɛŋ mɩɩsɩŋ, ʋ jaŋ fori a laa ʋ mɩɩsɩŋ.’ ”

JƐRƖMAAYA 25:10

Mɩ jaŋ leŋ dɩ tʋɔtɔrɛ goŋ-la ba sɩɩ ŋaa dɛrɛ, dɩ goŋ-la ha-falaa arɩ ba balaba ma sɩɩ ŋaa dɛrɛ. Nɔmʋŋ ma bɩra bɩ jaŋ dɔŋ, ba bɩ jaŋ nyɩgɛ chaanaa ma nɩmɛ.

JƐRƖMAAYA 37:21

Ŋɩɩ nɛ kuoro Zedikaaya pa wombiiŋ dɩ ba joŋ Jɛrɩmaaya hɛ laalɩyuoro-la sɩɩ pɔ kuoro kaala lɛ, aŋ pʋpʋ boroboro-la ba sɩɩ yallɛ womporuŋ lɛ see dɩ ba kala dɛrɛ tabal-la lɛ. Ŋɩɩ nɛ Jɛrɩmaaya ka laalɩyuoro-la sɩɩ pɔ kuoro kaala-la tʋɔŋ.

JƐRƖMAAYA 38:9

“Kuoro, mɩ nɩhɩaŋ, baalaa deemba ŋaa wʋbɔŋ nɛ ba sɩ ŋaa wɩalɩŋ kala Wɩa wʋlaabʋlla Jɛrɩmaaya lɛ. Ba joŋu yuo hɛ viliŋ lɛ nɛ. Ʋ jaŋ sʋʋ arɩ losuŋ nɩmɛ dɩ boroboro nɛ kʋ tuo tabal-la lɛ.”

JƐRƖMAAYA 39:2

Zedikaaya sɩ dii kuoruŋ ʋ jɩ-fii arɩ kʋbala tʋɔŋ chɛŋ nɛsɛ tapʋl nibi chɛɛŋ, ba ŋmoo tabal-la kɛrɛ sɛmɛ dɔŋɔ lo aŋ jʋʋ taŋ-la.

JEMBIEE 1:11

Ʋ nɩaa kala ka huunu nɛ a chɩchɛ kɩaa dɩ ba dii. Ba joŋ ba dʋa kala a lenni kʋdiilee nɛ, dɩ ŋɩɩ leŋ dɩ ba kɛŋ mɩɩsɩŋ. “La TƖƖNA, bee na mɩ wɩɩŋ a kaa bɩɩna na, bɛɛ wɩaa ba bee gʋʋnɛmɛ nɛ.

JEMBIEE 5:10

La yaraa lɩma nɛ a nagɛ tabʋʋŋ losuŋ kɛnla la vɩvagɩlɛ.

ƐZƖKƖƐL 14:13

“Nuhuobiiŋ, dɩ tinteeŋ nɩa nɛ ŋaa wʋbɔŋ a bɩ wʋtɩtɩɩ kɛnɛ mɩ teeŋ, mɩ jaŋ dɔgɩsɛba a leŋ dɩ ba kʋduuloo chei ka dɩ losuŋ jʋʋba, dɩ nuhuobiine arɩ pʋsʋŋ kala sʋʋ.

ƐZƖKƖƐL 14:21

Wɩɩ-la mɩ-na ma TƖƖNA Wɩɩjarɩbakɔ sɩɩ bʋl nɛ ŋ-la: Ʋ jaŋ ŋaa wʋlɔrʋ a pɩ Jerusalɛm nɩaa dɩ mɩ nɛ joŋ wɩaa deemba banɛsɛ dɔgɩsɛba: laalɩŋ, losuŋ, baga kɩaa arɩ nyanyal bɔŋŋɔɔ, dɩ ba kpʋ ʋ nɩaa arɩ ʋ pʋsʋŋ.

ƐZƖKƖƐL 31:1

La fa sɩ hɛ yoŋ-baga lɛ, jɩ-fii arɩ kʋbala tʋɔŋ chɛŋ-tori tapʋl-bumbuŋ lɛ, La TƖƖNA bʋla wɩaa pɩmɛ,

ƐZƖKƖƐL 5:16

Mɩ jaŋ joŋ losuŋ bɔmʋŋ yagɛ Jerusalɛm a nagɛ to-hɛmɩŋ, dɩ ʋ cheima. Mɩ jaŋ keri ma kʋdiilee ta dɩ losuŋ jʋjʋʋma bʋa na-kala.

ƐZƖKƖƐL 7:15

Laalɩŋ jaŋ kpʋ nɩalɩŋ sɩ hɛ jeeŋ harɩŋ, ka dɩ losuŋ arɩ nyanyal bɔŋŋɔɔ ma kpʋ nɩalɩŋ sɩ hɛ jaŋ lɛ.

LEVI DOHO NƖAA 26:26

Mɩ jaŋ leŋ dɩ kʋdiilee nyaa, dɩ ha-bala joŋ haalaa fii kʋdiilee ŋaa tabʋʋ bala lɛ. Ba jaŋ pɩɛrɛ mʋa mʋa a pɩ nʋʋkala dɩ ma dii aŋ bɩ vɔgɛ.

ZƐKARƖYA 8:19

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Ma sɩ yie vɔɔ niiŋ chɛŋ-nɛsɛ, chɛŋ-nɔŋ, chɛŋ-pɛɩ arɩ chɛŋ-fii lɛ ŋɩɩ, ba jaŋ ŋaa jʋɔsa tapʋlɩa arɩ tʋɔtɔrɛ gbielee a pɩ ma Juda nɩaa. Ŋɩɩ wɩaa má cho wʋtɩtɩɩ, a hɔŋ arɩ fɩɛlɩŋ.”

MOSIS BƖRA WULLI WƖA WOMBIIŊ 32:24

Mɩ jaŋ leŋ dɩ losuŋ-bɔŋ jʋʋba, a joŋ nyanyal bɔŋŋɔɔ ma hɛ ba lɛ dɩ ba sʋʋ. Mɩ jaŋ lɛrɛ gɩrɩŋ kʋbɔŋŋɔɔ kʋ hɛ ba lɛ a pɛ dɩma-la sɩ kɛŋ huoŋ lɛ woruŋ dɩ ba dɩmba.