JƐRƖMAAYA 52:24 - WƖA TENIŊ

²⁴ Nebuzaradaŋ fa pɛ kɛsɛ Sɛraaya sɩ ŋaa Wɩɩsʋllɩ sɩpaalaaraa kʋhɩaŋ nɛ arɩ Zefanaaya ma sɩɩ tɩgɛ ʋ lɛ, arɩ nɩalɩŋ batori sɩɩ pɔ Wɩa dɩɩ-bal-la boyee.

JƐRƖMAAYA 52:24 ပူးပေါင်းရင်းမြစ်များ

2 KUOROO 23:4

Ŋɩɩ nɛ kuoro bʋla pɩ Hɩlɩkaaya, Wɩɩsʋllɩ sɩpaalaaraa nɩhɩaŋ-la arɩ nɩalɩŋ sɩɩ tɩgɛ ʋ lɛ arɩ nɩalɩŋ sɩɩ pɔ Wɩa dɩa boiŋ niiŋ dɩ ba paa kɩalɩŋ kala sɩ hɛ Wɩa dɩɩ-bal-la lɛ ba kaa kpʋkpaarɛ vesi-la ba sɩɩ yɩrɛ Baal arɩ Asɩra arɩ chɛnwʋlaa a kaa kʋ lɩɩ. Ba paa kʋ lɩɩ, ʋ kɛmba kaa lɩɩ Jerusalɛm lɛ a kaa mʋ Kɩdɩrɔŋ fuonaaŋ sɩ hɛ ʋ harɩŋ, a nyɩgɛba nɩmɛ, a paa ba tʋɔrʋŋ kaa mʋ taŋ-la ba sɩɩ yɩrɛ Bɛtɛl.

2 KUOROO 25:18

Nebuzaradaŋ fa pɛ kɛsɛ Sɛraaya sɩ ŋaa Wɩɩsʋllɩ sɩpaalaaraa nɩhɩaŋ nɛ arɩ Zefanaaya ma sɩɩ tɩgɛ ʋ lɛ, arɩ nɩalɩŋ batori sɩɩ pɔ Wɩa dɩɩ-bal-la boyee.

1 IZIRAL TƖŊŊAA NAABARƖŊ 6:14

Azarɩa ma nanʋala nɛ Sɛraaya, Sɛraaya ma nanʋala nɛ Jehozadak.

ƐZƖRA 7:1

Wɩaa deemba kala harɩŋ, Pɛsɩa tinteeŋ kuoro Atazɛzɛs kuoruŋ bʋa lɛ, baal kʋbala nɛ fa hɛ nɩmɛ baa yɩrɛ Ɛzɩra. Ɛzɩra nyɩmma nɛ fa Sɛraaya, a ŋaa Azarɩa ma nihiŋ. Ʋ doho nɩaa dɔnsʋŋ ma nɛ: Hɩlɩkaaya,

WƖA YƖƖLAA 84:10

Dɩ nʋʋ nɛ hɛ ŋ dɩɩ-balɩŋ lɛ tapʋl bala ma, ʋ jaŋ kpɩa tapʋlaa bʋɩ leriŋ dɔŋɔ. Dɩ mɩ nɛ yaara pɔ Wɩa dɩɩ-balɩŋ boiŋ niiŋ, ʋ nɛ jaŋ kpɩa mɩ sɩ hɛ nɩbɔmʋŋ dɩa lɛ.

JƐRƖMAAYA 20:4

Wɩɩ-la La TƖƖNA sɩ bʋla nɛ ŋ-la: ‘Mɩ jaŋ leŋ dɩ fawʋllʋŋ kɛnɩŋ dɩ ŋ ma leŋ dɩ fawʋllʋŋ kɛŋ ŋ nandɔnsʋŋ. Ŋ sɩɩŋ lɛ, ŋ nandɔnsʋ-la dʋndɔŋŋɔɔ jaŋ kpʋba. Mɩ jaŋ joŋ Juda nɩaa kala hɛ Babɩlɔŋ kuoro nɩsɩŋ lɛ. Ʋ jaŋ kpʋ dɔnsʋŋ a kɛŋ dɔnsʋŋ ma mʋ Babɩlɔŋ tinteeŋ.

JƐRƖMAAYA 21:1

La TƖƖNA bʋl wɩaa a pɩ Jɛrɩmaaya, bʋa-la lɛ kuoro Zedikaaya sɩ leŋe Malɩkɩja nanʋala Pasɩhɔ arɩ Maasɛya nanʋala Zefanaaya sɩ ŋaa Wɩɩsʋllɩ sɩpaalaara kɔ ʋ teeŋ. Ba sɩ,

JƐRƖMAAYA 29:25

wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Ŋ ŋmʋnsɛ tenniŋ ŋ tɩtɩa yɩrɩŋ lɛ nɛ a kaa mʋ pɩ Jerusalɛm nɩaa kala arɩ Maasɛya nanʋala Zefanaaya, Wɩɩsʋllɩ sɩpaalaarɩ-hɩaŋ, arɩ Wɩɩsʋllɩ sɩpaalaaraa dɔnsʋŋ. Ŋ teŋ-la tʋɔŋ ŋ bʋla pɩ Zefanaaya,

JƐRƖMAAYA 29:29

Ŋɩɩ nɛ Zefanaaya sɩ ŋaa Wɩɩsʋllɩ sɩpaalaara karɩmɛ teŋ-la a pɩ Wɩa wʋlaabʋlla Jɛrɩmaaya.

JƐRƖMAAYA 34:21

Mɩ jaŋ joŋ Juda tinteeŋ kuoro Zedikaaya arɩ ʋ tɩntɩnnɩ-hɩasɩŋ a hɛ ba dʋndɔmɔ-la sɩɩ chɛ ba lɩɩsɛ ba mɩɩsɩŋ nɩsɩŋ lɛ, Babɩlɔŋ kuoro laalɩyuoro-la sɩ mɩɩrɛ harɩŋ a bɩra bɩ maa yuo.

JƐRƖMAAYA 35:4

Mɩ kɛmba kaa kɔ La TƖƖNA dɩɩ-bal-la, a kɛmba jʋʋ Ɩgɩdalɩa nanʋala Hanaŋ sɩ ŋaa Wɩa tɩntɩnnʋ hambolibiisiŋ dɩa. Dɩa-la fa tɩgɛ tɩntɩnnɩ-hɩasɩ-la dɩa lɛ nɛ, kʋ-la sɩ sugili Salum nanʋala Maasɛya sɩ ŋaa nɩɩ-la sɩɩ pɔ boi-niiŋ dɩa nyuŋ.

JƐRƖMAAYA 37:3

Ama kuoro Zedikaaya mɩɩra tɩŋ Sɛlɛmaaya nanʋala Jehukal arɩ Maasɛya nanʋala Zefanaaya sɩ ŋaa Wɩɩsʋllɩ sɩpaalaara dɩ ba kɛŋ tɩndaarɩŋ deeŋ mʋ pɩ Jɛrɩmaaya: “Laa sʋlʋŋ, sʋl La TƖƖNA Wɩa pɩla.”

JƐRƖMAAYA 52:12

Nebukadineza sɩ dii kuoruŋ, ʋ jɩsɩŋ fii arɩ nibi, chɛŋ nɔŋ, tapʋl-fii lɛ, ŋɩɩ nɛ Nebuzaradaŋ sɩ ŋaa laalɩyuoro-la sɩɩ pɔ kuoro kʋhɩaŋ, aŋ pɛ ŋaa ʋ tɩntɩnnʋ kɔ Jerusalɛm.

JƐRƖMAAYA 52:15

Nebuzaradaŋ sɩ ŋaa nɩalɩŋ sɩɩ pɔ kuoro nɩhɩaŋ kɛsɛ nɩalɩŋ dɔnsʋŋ sɩ faasa summi arɩ nɩalɩŋ kala sɩ ka Jerusalɛm lɛ, arɩ nɩalɩŋ kala sɩ jɩŋ nɩsɩŋ tɩntɩŋŋaa, a kaa mʋ yoŋ-baga a pɛ nɩalɩŋ Nebukadineza fa sɩ laa sɩpaaŋ kɛsɛ mʋ lɛ.

JEMBIEE 4:16

La TƖƖNA tɩtɩa nɛ kɛmba pɩsɛ, ʋ bɩra bɩ ba nyuŋ ka beŋ. Ʋ bɩra bɩ nɩalɩŋ sɩ kpʋ pʋsʋŋ pʋpʋ ka zil, ʋ sɩpaa tuo nɩhɩasɩŋ lɛ.

ƐZƖKƖƐL 11:7

Ŋɩɩ wɩaa wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Sʋʋnʋ-la ma sɩ joŋo yuo ta nɛ ŋaa nammɩa-la, tabal-la ma nɛ ŋaa pupoiŋ, ama mɩ jaŋ kirima ta dɩ ma lɩɩ ʋ lɛ.

ƐZƖKƖƐL 24:5

Nammɩa-la maga ʋ ŋaa pie-zɔmʋŋ ŋ sɩ lɩɩsa piesee tʋɔŋ nɛ. Hɛ daasɩŋ pupoi-la bʋbʋɔŋ dɩ lɩɩ-la kpɛrɛ dɩ haŋgbele-la arɩ nammɩa-la kala sɩ hɛ ʋ lɛ bɩɩ.

ƐZƖKƖƐL 34:10

Mɩ-na ma TƖƖNA Wɩɩjarɩbakɔ chɩŋ ma pie-daara-la lɛ nɛ. Mɩ jaŋ kɛmma a tɩŋ wɩalɩŋ ma sɩ leŋe ba ŋaa mɩ piesee lɛ. Mɩ jaŋ laa mɩ piesee ma teeŋ dɩ ma bɩra sɩ́ ba daa a kɛsɛ didii. Mɩ jaŋ lorigo laa mɩ piesee ma niiree lɛ, dɩ ba bɩra sɩ́ ma kʋdiilee ŋaa.