JƐRƖMAAYA 52:20 - WƖA TENIŊ

²⁰ Kɔlɩɩ-la Solomoŋ fa sɩ kaa libi jebie-la balɩa sɩ chɩŋ Wɩa dɩɩ-bal-la sɩpaaŋ, kɩalɩŋ sɩ nagɛ torukoba a kɛŋ naasɩŋ a vɩvɛŋ arɩ taasɩ-gbaŋ-gugulii-la ba sɩɩ yɩrɛ mʋga, arɩ kɔlɩɩŋ nɛ-belliŋ fii arɩ balɩa sɩ hɛ ʋ bʋbʋɔŋ, ba fa yʋga kɩɩ magɩsɩŋ nɛ.

JƐRƖMAAYA 52:20 ပူးပေါင်းရင်းမြစ်များ

1 KUOROO 7:25

Taasɩ-gbaŋ-bal-la sagɛ nɛ-belliŋ fii arɩ balɩa nyuŋ nɛ. Nɛ-belli-la batori sɩaa chaasɛ wɩɩpɔsʋŋ nagʋa dɩɩrɩŋ nɛ, batori ma sɩaa chaasɛ wɩɩjʋʋlʋŋ dɩɩrɩŋ, ka batori sɩaa chaasɛ wɩɩpɔsʋŋ nadiiŋ dɩɩrɩŋ, ka batori ma sɩaa chaasɛ wɩɩpɔsʋŋ dɩɩrɩŋ. Gbaŋa-la sagɛ ba nyuŋ nɛ ka ba kala bʋbʋɔŋ chaasɛ dɔŋɔ.

1 KUOROO 7:47

Solomoŋ fa bɩ leŋe ba magɩsɛ kɔlɩɩŋ kɩaa deemba kala ʋ jɩŋ ba yuŋuŋ, bɛɛ wɩaa ba fa yʋga nɛ kɩŋkɛŋ. Ʋ bɩ wuo jɩŋ kɔlɩɩ-la sɩ magɛ ŋɩɩ ba kaa ŋaaba.

2 KUOROO 25:16

Kɔlɩɩ-la Solomoŋ fa sɩ kaa libi jebie-la balɩa sɩ chɩŋ Wɩa dɩɩ-bal-la sɩpaaŋ, kɩalɩŋ sɩ nagɛ torukoba a kɛŋ naasɩŋ a vɩvɛŋ arɩ taasɩ-gbaŋ-gugulii-la ba sɩɩ yɩrɛ mʋga, ba fa yʋga kɩɩ magɩsɩŋ nɛ.

1 IZIRAL TƖŊŊAA NAABARƖŊ 22:14

Mɩ na hɛɛŋ nɛ a chɛ kɩalɩŋ kala ŋ sɩ jaŋ kaa saa La TƖƖNA dɩɩ-balɩŋ a bil. Mɩ chɛ sɛlɩmɛ yuŋuŋ sɩ ŋaa kiloba bʋɩ zɔɔ-batori arɩ mahɩŋ balɩa, hɔpʋla ma yuŋuŋ ŋaa bʋɩ bʋɩba bʋɩ batori arɩ bʋɩ zɔɔ-banɛsɛ, kɔlɩɩŋ arɩ hɔɔŋ ma fa yʋga kɩɩ magɩsɩŋ nɛ, a pɛ daasɩŋ arɩ tabɩaa lɛ. Ama ʋ maga dɩ ŋ ha chɛ dɔnsʋŋ pɛ nɛ.

2 IZIRAL TƖŊŊAA NAABARƖŊ 4:18

Kɩaa deemba kala Solomoŋ sɩ leŋe ba ŋaa fa yʋga nɛ, nʋʋkala bɩ wuo jɩŋ kɔlɩɩŋ yuŋuŋ sɩ magɛ ŋɩɩ ba kaa ŋaaba.

JƐRƖMAAYA 52:17

Babɩlɔŋ laalɩyuoro-la ŋmoo kɔlɩɩŋ jebie-la sɩ chɩŋ Wɩa dɩɩ-bal-la sɩpaaŋ giri, a yɛrɛ kɩalɩŋ ba sɩ kɛŋ kɔlɩɩŋ libi ba nagɛ torukoba a kɛŋ naasɩŋ a vɩvɛŋ, a pɛ kɔlɩɩŋ taasɩ-gbaŋ-gugulii-la ba sɩɩ yɩrɛ mʋga lɛ. Ba sɩ yɛrɛ kɩalɩŋ, ba paa kɔlɩɩ-la kala a kaa mʋ Babɩlɔŋ.