JƐRƖMAAYA 52:17 - WƖA TENIŊ

¹⁷ Babɩlɔŋ laalɩyuoro-la ŋmoo kɔlɩɩŋ jebie-la sɩ chɩŋ Wɩa dɩɩ-bal-la sɩpaaŋ giri, a yɛrɛ kɩalɩŋ ba sɩ kɛŋ kɔlɩɩŋ libi ba nagɛ torukoba a kɛŋ naasɩŋ a vɩvɛŋ, a pɛ kɔlɩɩŋ taasɩ-gbaŋ-gugulii-la ba sɩɩ yɩrɛ mʋga lɛ. Ba sɩ yɛrɛ kɩalɩŋ, ba paa kɔlɩɩ-la kala a kaa mʋ Babɩlɔŋ.

JƐRƖMAAYA 52:17 ပူးပေါင်းရင်းမြစ်များ

1 KUOROO 7:50

gbansɩŋ, kɩalɩŋ ba sɩ kaa kikeri chaaŋ ŋmɛnɩŋ, kʋmɩsɩrɩ gbansɩŋ, kʋsʋɔrʋsʋŋ hɛnsɩŋ arɩ nyiniŋ hɛntɛrɛɛ, Wɩa dɩa-la lee-la zɔmʋŋ sɩ bɩ magɩa kɛnɛ borusuŋ wenjeba, arɩ Wɩa dɩa-la dɩɩ-balɩŋ borusuŋ.

2 KUOROO 20:17

Bʋa kʋbala jaŋ yi, kɩalɩŋ kala sɩ hɛ ŋ kuoru dɩa lɛ arɩ kɩalɩŋ ŋ naabalɩmaba sɩ dʋa a kaa kɔ jɩnɩŋ, ba jaŋ chʋŋ ba kala a kaa mʋ Babɩlɔŋ. Kʋŋkala bɩ jaŋ ka. La TƖƖNA nɛ bʋla.

2 IZIRAL TƖŊŊAA NAABARƖŊ 36:18

Ʋ paa Wɩa dɩɩ-bal-la tʋɔŋ tɩntɩnnɩ kɩaa kala, kʋbalaa arɩ kʋbiisiŋ, a paa dʋa-la kala sɩ hɛ La TƖƖNA dɩɩ-bal-la tʋɔŋ, a paa kuoro arɩ ʋ tɩntɩnnɩ-hɩasɩŋ ma dʋa kala a kaa mʋ Babɩlɔŋ tinteeŋ.

JƐRƖMAAYA 52:20

Kɔlɩɩ-la Solomoŋ fa sɩ kaa libi jebie-la balɩa sɩ chɩŋ Wɩa dɩɩ-bal-la sɩpaaŋ, kɩalɩŋ sɩ nagɛ torukoba a kɛŋ naasɩŋ a vɩvɛŋ arɩ taasɩ-gbaŋ-gugulii-la ba sɩɩ yɩrɛ mʋga, arɩ kɔlɩɩŋ nɛ-belliŋ fii arɩ balɩa sɩ hɛ ʋ bʋbʋɔŋ, ba fa yʋga kɩɩ magɩsɩŋ nɛ.

JEMBIEE 1:10

Jerusalɛm dʋndɔmɔ kɛŋ ʋ dʋa kala laa nɛ. Ʋ na dɩ tinteye-la nɩaa sɩɩ kpaarɛ vʋɩyaa jʋʋ Wɩa dɩɩ-bal-la sɩ hɛ ʋ lɛ tʋɔŋ, nɩalɩŋ fa sɩɩ kɩsɛ dɩ ba jʋʋ lee-la ŋ nɩaa sɩɩ hilimu.

ƐZƖKƖƐL 40:49

Zawʋra-la tʋɔŋ jalɩŋ fa ŋaa naakieliŋ fii nɛ, ʋ duomuŋ ma ŋaa naakieliŋ bʋlɩdʋ. Lusuŋ-chol sɩaa fii nɛ ŋ jaŋ jɩl aŋ-na yiu. Jebiee balɩa nɛ fa hɛ lusuŋ-chol sɩaa-la sɛsɩŋ. Dɔŋɔ hɛ sɛmɛ dɔŋɔ, dɔŋɔ ma hɛ sɛmɛ dɔŋɔ.

DANƖƐL 1:2

La Tɩɩna joŋ Juda kuoro Jehoyakim hɛ ʋ nɩsɩŋ lɛ, ʋ pɛ paa tɩntɩnnɩ kɩalɩŋ dɔnsʋŋ sɩ hɛ Wɩa dɩɩ-balɩŋ lɛ. Ʋ paa kɩaa deemba a kaa mʋ Babɩlɔŋ nɛ a bil ʋ vene dɩa lɛ, lee-la ʋ sɩɩ bil ʋ sɩɩfɩaŋ kɩaa.