JƐRƖMAAYA 52:13 - WƖA TENIŊ

¹³ Ʋ sɩ kɔ, ʋ nyɩgɛ Wɩa dɩɩ-bal-la, kuoru dɩa arɩ Jerusalɛm dɩɩsɩŋ kala. Dɩɩ-nyuŋ kala sɩ hɛ nɩmɛ nɛ ʋ nyɩgɛ.

JƐRƖMAAYA 52:13 ပူးပေါင်းရင်းမြစ်များ

1 KUOROO 9:8

Lɛɛlɛ-na mɩ dɩɩ-balɩŋ deeŋ kɛŋ yɩrɩŋ nɛ woruŋ, ama dɩ ŋɩɩ nɛ ŋaa, nʋʋkala sɩ jaŋ to dɩa deeŋ bʋbʋɔŋ bɩbal jaŋ naʋ dɩ ʋ ŋaaʋ wʋkpuŋkpere dɩ ʋ pɩɛsɛ, ‘Bɛɛ nɛ tɩɩ La TƖƖNA ŋaa tinteeŋ deeŋ arɩ Wɩa dɩɩ-balɩŋ deeŋ ŋ-la?’

2 KUOROO 25:9

Ʋ sɩ kɔ, ʋ nyɩgɛ Wɩa dɩɩ-bal-la, kuoru dɩa arɩ Jerusalɛm dɩɩsɩŋ kala. Dɩɩ-nyuŋ kala sɩ hɛ nɩmɛ nɛ ʋ nyɩgɛ.

2 IZIRAL TƖŊŊAA NAABARƖŊ 36:19

Ŋɩɩ nɛ ba chol nyiniŋ hɛ Wɩa dɩɩ-bal-la lɛ aŋ ŋmoo jebii-la sɩ golli Jerusalɛm lo a nyɩgɛ kuoru dɩɩsɩ-la a chei kʋzɔŋ na-kala sɩ hɛ nɩmɛ.

WƖA YƖƖLAA 79:1

Wɩa, vʋɩ-kpaaraa kʋ yuo laa ŋ tinteeŋ nɛ, a ŋaa disiniŋ hɛ ŋ dɩɩ-bal-la sɩ bɩ disiniŋ kɛnɛ lɛ, a leŋ Jerusalɛm kala pɩŋ jikpeeŋ.

JƐRƖMAAYA 19:13

Jerusalɛm dɩɩsɩŋ arɩ Juda kuoroo dɩɩsɩŋ kala jaŋ kɛŋ disiniŋ a nagɛ Tɔfɛf. Ba dɩɩsɩ-la kala lɛ ba sɩ nyɩgɛ kʋsʋɔrʋsʋŋ lusuŋ-nyuŋ a pɩpɩ chɛnɛ arɩ chɛnwʋlaa aŋ ŋaa kʋnyʋalaa ma pɩpɩ ba vesiŋ kala jaŋ kɛŋ disiniŋ.’ ”

JƐRƖMAAYA 21:10

La TƖƖNA bɩra sɩ, “Mɩ chaasa kɛŋ mɩ tʋɔŋ dɩ mɩ ŋaa wʋbɔŋ nɛ tabalɩŋ deeŋ lɛ, wʋzɔŋ dee. Mɩ jaŋ joŋu hɛ Babɩlɔŋ kuoro nɩsɩŋ lɛ, dɩ ʋ cheyu arɩ nyiniŋ.”

JƐRƖMAAYA 21:14

Mɩ jaŋ dɔgɩsɛma arɩ ma wʋŋaalaa sɩ dagɛ ŋɩɩ. Mɩ-na ma TƖƖNA nɛ bʋla. Mɩ jaŋ joŋ nyiniŋ hɛ ma duuŋ lɛ, dɩ ʋ dii kʋŋkala sɩ gollima. Mɩ-na ma TƖƖNA nɛ bʋla.”

JƐRƖMAAYA 22:14

Ʋ sɩ, ‘Mɩ jaŋ saa kuori dɩɩ-bal a pɩ mɩ tɩtɩa, dɩ ʋ nyuŋ dɩɩsɩŋ jal woruŋ.’ Ŋɩɩ nɛ ʋ hɛ ʋ tokoroba ba jal a kɛŋ kuolo daasɩŋ kɩɛla tɔ a kɛŋ penti fɩaŋ mɩɛrɛ ʋ kala.

JƐRƖMAAYA 32:29

Babɩlɔŋ tɩmma-la sɩɩ yuo tabalɩŋ deeŋ jaŋ kʋ jʋʋ joŋ nyiniŋ hɛʋ. Ba jaŋ nyɩgʋ dɩ ʋ dii tel, a pɛ dɩɩsɩ-la nɩaa sɩ kaa ŋaa wɩaa mɩ baanɩŋ sii lɛ. Dɩɩsɩ-la nyuŋ nɛ ba nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal, aŋ pɛ ŋaa kʋnyʋalaa Wɩɩsʋlʋŋ ma aa pɩ vesiŋ.

JƐRƖMAAYA 34:22

Mɩ-na ma TƖƖNA nɛ bʋla, mɩ jaŋ pa wombiiŋ, a kɛmba mɩɩra kɔ tabalɩŋ deeŋ. Ba jaŋ yuo laaʋ a nyɩgʋ dɩ ʋ dii tel. Mɩ jaŋ leŋ dɩ Juda tasɩŋ chei a pɩŋ, dɩ nʋʋkala sɩ́ wuo hɔŋ nɩmɛ.”

JƐRƖMAAYA 38:23

Ba jaŋ kɛsɛ ŋ haalaa arɩ ŋ biiriŋ kala a kaa kʋ lɩɩ pɩ Babɩlɔŋ tɩmma-la. Ŋ ma tɩtɩa bɩ jaŋ fori ba nɩsɩŋ lɛ. Ama Babɩlɔŋ kuoro jaŋ yuo kɛnɩŋ, ka dɩ ba nyɩgɛ tabalɩŋ deeŋ dɩ ʋ dii tel.”

JƐRƖMAAYA 6:5

Má sii dɩ la yuou tɩtaŋɩŋ, a chei ʋ dɩɩ-duoruŋ.”

JƐRƖMAAYA 7:14

Ŋɩɩ wɩaa, wɩɩ-la mɩ sɩ joŋo ŋaa Sɩlɔ lɛ, ʋ tɩtɩa nɛ mɩ jaŋ joŋo ŋaa dɩɩ-balɩŋ deeŋ mɩ yɩrɩŋ sɩ hɛ lɛ, mɩ-na Wɩa dɩɩ-bal-la ma sɩ joŋ ma yɩɛlaa hɛ, lee-la mɩ sɩ joŋo pɩ ma dɩ ma naabalɩmaba.

JEMBIEE 2:5

La Tɩɩna nagɛ dʋndɔŋ nɛ a chei Iziral. Ʋ chei ba kuoru dɩɩsɩŋ kala nɛ arɩ ba dɩ-duoruŋ. Ʋ leŋe Juda nɩaa yele arɩ nii-ŋmobo yʋgɛ nɛ.

JEMBIEE 2:6

Wɩa chei ʋ dɩɩ-balɩŋ a nagɛ ba sɩ kɛŋ lɩga churi nɛ, ʋ chei lee-la ba sɩ yie hilimi ʋ yɩrɩŋ lɛ nɛ. La TƖƖNA leŋe Zaayɔŋ nɩaa yʋ ba gbielee tapʋlaa arɩ chɛ-wiesie-la wɩaa nɛ. Ʋ baanɩŋ sɩ faasa sii, ʋ vɩa kuoro arɩ ʋ Wɩɩsʋllɩ sɩpaalaaraa kala nɛ.

JEMBIEE 2:7

La TƖƖNA vɩa ʋ koruŋ ta nɛ a leŋ ʋ dɩɩ-balɩŋ ma ta. Ʋ joŋ Jerusalɛm kɛrɩsɩŋ hɛ ʋ dʋndɔŋŋɔɔ nɩsɩŋ lɛ nɛ ba yige lo, aŋ jʋʋ ŋɩŋaa laalɩyuori diiri goŋ La TƖƖNA dɩɩ-balɩŋ tʋɔŋ a nagɛ gbiele tapʋlʋŋ.

JEMBIEE 2:8

La TƖƖNA chaasa ŋaa siri dɩ ʋ yigi kɛrɛ-la sɩ golli Zaayɔŋ lo nɛ. Ʋ kɛŋ nɩsɩŋ tɩɛnɛ nɛ a nagɛ ŋmɛŋ-la ba sɩ kaa magɩsɛ leriŋ, ʋ bɩ ʋ nɩsɩŋ lɩɩsa leriŋ cheyiŋ lɛ. Ʋ leŋe vaŋkumba arɩ kɛrɩsɩŋ kala yel nɛ a yʋɔla dɛrɛ.

ƐZƖKƖƐL 16:41

Ba jaŋ nyɩgɛ ŋ dɩɩsɩŋ aŋ dɔgʋsʋŋ, ka dɩ haalaa yʋgɛ a bibeŋ. Mɩ jaŋ leŋ dɩ ŋ hachɔrʋŋ wɩalɩŋ dɛrɛ, ŋ bɩra bɩ jaŋ titiŋ ŋ hɩɩlaba-la.

ƐZƖKƖƐL 24:21

Bʋla pɩ Iziral tɩŋŋaa, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩɩ chɛ dɩ mɩ chei mɩ dɩɩ-bal-la nɛ, dɩ-duo-la ma sɩ kɛnɛ a kɛŋ babii-ballɩŋ ma tʋɔŋ tɔrɛ ʋ nyuŋ ma chou woruŋ. Ma hambolibiisiŋ arɩ ma hantolibiisi-la ma sɩ leŋe ta Jerusalɛm lɛ, ba jaŋ kpʋba laalɩŋ lɛ.

AMƆS 2:5

Mɩ jaŋ joŋ nyiniŋ hɛ Juda lɛ dɩ ʋ dii Jerusalɛm dɩɩ-duoruŋ.”

AMƆS 6:11

Dɩ La Tɩɩna nɛ suri ʋ niiŋ, dɩɩ-balaa arɩ dɩɩ-biisiŋ kala jaŋ tele yɛrɛ muno muno.

MƖKA 3:12

A tɩŋ ma wɩaa, ba jaŋ pɛrɛ Zaayɔŋ a nagɛ baga. Jerusalɛm jaŋ pɩŋ jikpeeŋ a nagɛ pupuluŋ. Wɩa dɩɩ-bal-la sɩ chɩŋ dundolo-la nyuŋ jaŋ lugi a nagɛ duuŋ.

ZƐKARƖYA 11:1

Lɛbanɔŋ, kɛŋ ŋ borusuŋ suri dɩ nyiniŋ wuo dii ŋ kuolu tɩɩsɩŋ.

Matiu 24:2

Ŋɩɩ nɛ Yesu sɩ, “Ma bee na ʋ sɩ zɔmɔ ŋɩɩ, ama, mɩ bʋlaa pɩma, ba jaŋ ŋmoo dɩa-la kala lo. Ba bɩ jaŋ leŋ dɩ tie-bii-bala ma ka daŋ ʋ dɔŋɔ lɛ.”