JƐRƖMAAYA 51:9 - WƖA TENIŊ

⁹ Nɩwogusu-la sɩ hɛ nɩmɛ sɩ, ‘La fa jaŋ sɛɩ a vaarɛ Babɩlɔŋ, ama ʋ bɩ jaŋ wuo duori. Má leŋ la leŋu aŋ ka dɩ la kʋŋkala mʋ la tinteeŋ, bɛɛ wɩaa ʋ wɩɩŋ jɩla tɩgɛ wɩa-nyuŋ nɛ, a yi duoŋ-bɩlɩmbaanaa.’ ”

JƐRƖMAAYA 51:9 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 28:9

Ama Wɩa wʋlaabʋllʋ nɛ fa hɛ nɩmɛ baa yɩrɛ Ɔdɛd, ʋ lɩɩ cheŋ Iziral laalɩyuoro-la dɩ ba mɩɩraa kɔ Samarɩa. Ʋ bʋla pɩba, “La TƖƖNA, ma naabalɩmaba Wɩa fa sɩ na baanɩŋ Juda nɩaa nyuŋ nɛ tɩɩ ʋ leŋ ma yuo diiba. Ama ma faasa kpʋba kɩŋkɛŋ nɛ arɩ tʋɔhɛɛŋ, Wɩa tʋɔŋ chei.

ƐZƖRA 9:6

a sʋlʋ a bʋl, “Ou mɩ Wɩa, hɩɩsɩŋ kɛmmɛ nɛ arɩ mɩ sɩ jaŋ kɛŋ mɩ sɩaa je ŋ sɩpaaŋ, bɛɛ wɩaa la wʋbɔŋŋɔɔ chʋɔra nɛ a sii kɩɩ la nyusuŋ. La wʋcheelee paala jɩla yiyi wɩa-nyuŋ nɛ.

AZAAYA 13:14

Nɩwogusu-la kala sɩ hɛ Babɩlɔŋ lɛ jaŋ fá pɩsɛ a mʋ ba jasɩŋ a nagɛ tɛhɩɩ sɩɩ fá dɩ ʋ laa ʋ mɩɩsɩŋ nambagɩla nɩsɩŋ lɛ, koo a nagɛ piesee sɩ bɩ pie-daara kɛnɛ. Nʋʋkala jaŋ fá mʋ ʋ jaŋ.

AZAAYA 47:15

Nɩalɩŋ harɩŋ ŋ sɩ to ŋ hambiiriŋ kala lɛ ba dɩdagɩŋ, wɩɩ-la kala ba sɩ jaŋ wuo ŋaa pɩŋ nɛ ŋɩɩ. Ba kala jaŋ fá aŋ vɩaŋ ta. Ba kʋŋkala bɩ jaŋ wuo laaŋ ta.”

JƐRƖMAAYA 46:16

Ba jaŋ gɛrɛ dɔŋɔ bʋlɩa bʋlɩa, a tele daŋ dɔŋɔ nyuŋ. Ba jaŋ bʋl, ‘Má sii, má leŋ dɩ la mɩɩra mʋ la tɩtɩa tinteeŋ, la nɩaa teeŋ, a kagɛ laal-la la dʋndɔŋŋɔɔ sɩ kaa pɛsɛ la lɛ.’

JƐRƖMAAYA 46:21

Ijipiti nɩaa sɩ joŋ moribiee pa aŋ laa laalɩyuoro-la nagɛ nɛ-biisiŋ sɩ nɛrɛ nɛ, ba ma jaŋ mɩɩrɛ harɩŋ a fá hɛ dɔŋɔ. Ba bɩ jaŋ wuo chɩŋ, bɛɛ wɩaa wʋlɔrʋŋ ka kɔ ba lɛ nɛ, bʋa-la lɛ sɩ maga dɩ ba dɔgɩsɛba.

JƐRƖMAAYA 50:16

Kpʋ kʋduuroo Babɩlɔŋ lɛ arɩ nɩalɩŋ sɩ kɛŋ sɩɩkɔrɔ kʋkʋŋ kɩaa. A tɩŋ nɩalɩŋ sɩɩ yuo Babɩlɔŋ wɩaa leŋ dɩ nɩwogusu-la kala mɩɩra mʋ ba nɩaa teeŋ. Leŋ dɩ nʋʋkala fá mʋ ʋ tinteeŋ.

JƐRƖMAAYA 8:20

Jɛrɩmaaya bɩra bʋl, “Baga kɩaa ŋaanɩŋ bala nɛ, lɩmbaŋa dɛrɛ nɛ, ka nʋʋkala bɩ la laata.

HOSIA 7:13

Wɩɩŋ puuba, bɛɛ wɩaa ba yeŋŋe nɛ mɩ teeŋ. Mɩ jaŋ cheiba, bɛɛ wɩaa ba vɩa mɩ niiŋ nɛ. Mɩ fa cho dɩ mɩ laaba ta nɛ, ama ba nyɩɛ wɩaa nɛ pɩpɩmɛ.

Jɔɔŋ Wʋnaalaa 18:4

Ŋɩɩ nɛ mɩ bɩra nɩɩ nʋʋ yikoro dɩ ʋ lɩɩ Wɩa-jaŋ aa bʋl, “Mɩ nɩaa, má sii Babɩlɔŋ lɛ, dɩ ŋɩɩ dee ma jaŋ pɛ ŋɩŋaa wʋbɔmɔ-la ba sɩɩ ŋaa. Dɩ ma nɛ ŋaa ŋɩɩ, mɩ jaŋ pɛ dɔgɩsɛma arɩ mɩ sɩɩ chɛ dɩ mɩ dɔgɩsɛ Babɩlɔŋ nɩaa ŋɩɩ.

Jɔɔŋ Wʋnaalaa 18:5

Ba wʋbɔŋŋɔɔ chʋara nɛ a jɩlaa tɩgɛ wɩa-nyuŋ, ŋɩɩ nɛ tɩɩ Wɩa bɩ ba wʋbɔmɔ-la wɩaa yʋa.