JƐRƖMAAYA 51:6 - WƖA TENIŊ

⁶ Má fá lɩɩ Babɩlɔŋ lɛ. Má fá a laa ma mɩɩsɩŋ. Má sɩ́ ma tɩtɩa chei a tɩŋ ʋ wʋbɔŋŋɔɔ wɩaa. Bʋa-la yie nɛ dɩ mɩ-na ma TƖƖNA joŋ mɩ baanɩŋ tiŋ ʋ lɛ, mɩ jaŋ dɔgɩsʋ ŋɩɩ sɩ maga.

JƐRƖMAAYA 51:6 ပူးပေါင်းရင်းမြစ်များ

WƖA YƖƖLAA 94:1

La Tɩɩna, ŋ nɛ Wɩa sɩ yie dɔgɩsɛ nɩalɩŋ wʋŋaalaa sɩ bɩ zɔŋ. Dagɛba ŋɩɩ ŋ baanɩŋ sɩ naga, aŋ dɔgɩsɛba.

NAMAGABA 13:20

Dɩ ŋ dɩ wʋjɩnna nɩɩ to dɔŋɔ, ŋ ma jaŋ jɩŋ wɩaa, ama dɩ ŋ dɩ nɩyaara nɩɩ to dɔŋɔ, ŋ jaŋ jʋʋ wɩaa.

AZAAYA 48:20

Má lɩɩ Babɩlɔŋ lɛ, má fá kagɛ Babɩlɔŋ tɩŋŋaa lɛ. Má heele bʋl arɩ tʋɔtɔrʋŋ: ‘La TƖƖNA laa ʋ nɩaa Iziral tɩŋŋaa ta nɛ.’ ” Má leŋ dɩ dʋnɩa sɛmɛ na-kala nɩɩ.

AZAAYA 63:4

bɛɛ wɩaa tapʋlɩɩ-la mɩ sɩ jaŋ joŋ mɩ baanɩŋ fɩɩsɛ mɩ nɩaa dʋndɔŋŋɔɔ lɛ, aŋ laa mɩ nɩaa ta jɩna-la yie nɛ.

JƐRƖMAAYA 25:14

Babɩlɔŋ tɩmma-la jaŋ ŋaa tintee daŋ nɩaa arɩ kuori duoruŋ yosi. Mɩ jaŋ timba a tɩŋ ba mɛlɛ arɩ ba wʋŋaalaa wɩaa.”

JƐRƖMAAYA 25:16

Dɩ ba nɛ nyʋaʋ, ba jaŋ gɩgɛrɛ a mʋ nyaasɛ a tɩŋ laal-la mɩ sɩ jaŋ lɔgɔ hɛ ba lɛ wɩaa.”

JƐRƖMAAYA 27:7

Tinteyee kala jaŋ tɩma pɩ ʋ dɩ ʋ nanʋala arɩ ʋ nihiŋ see dɩ bʋa-la ʋ tɩtɩa tinteeŋ sɩ jaŋ tel yie, ŋɩɩ lɛ nɛ tintee daŋ arɩ kuori-balaa jaŋ yuo diiu dɩ ʋ tɩmaa pɩba.

JƐRƖMAAYA 46:10

Ama tapʋlɩɩ-la ŋaa mɩ-na ma TƖƖNA doluŋ kala Tɩɩna kʋa nɛ, tapʋlɩɩ-la mɩ sɩ jaŋ joŋ mɩ baanɩŋ tiŋ mɩ dʋndɔŋŋɔɔ lɛ. Mɩ tokobiiŋ jaŋ dii nɩaa ŋɩɩ a vɔgɛ, a nyʋa ba chalɩŋ ma ŋɩɩ a vɔgɛ. Mɩ-na ma TƖƖNA doluŋ kala Tɩɩna jaŋ kpʋ mɩ dʋndɔŋŋɔɔ wɩɩpɔsʋŋ nagʋa dɩɩrɩŋ tintee-la lɛ a kpagɛ Yufireti fuo-la.

JƐRƖMAAYA 48:6

Má fá, má fá a laa ma mɩɩsɩŋ. Ma nagɛ tɩɩ-puguŋ sɩ hɛ tintee-hɩlɩŋ lɛ nɛ.

JƐRƖMAAYA 50:15

Má ŋaa goŋ hɛ ʋ lɛ sɛmɛ kala. Ʋ joŋ ʋ tɩtɩa pa nɛ. Ʋ dɩɩ-leŋee tele nɛ, ba yigi ʋ jebiee ma lo. Mɩ-na ma TƖƖNA joŋ mɩ baanɩŋ tiŋ Babɩlɔŋ lɛ nɛ, mɩ joŋo timu nɛ. Ŋɩɩ ʋ sɩ ŋaa nɩaa lɛ, ŋɩɩ nɛ mɩ ma joŋo ŋaa ʋ lɛ.

JƐRƖMAAYA 50:28

Má jegile nɩɩ nɩalɩŋ sɩ foro lɩɩ Babɩlɔŋ kɔ sɩɩ bʋl wɩalɩŋ Zaayɔŋ lɛ, ŋɩɩ mɩ-na ma TƖƖNA Wɩa sɩ joŋ mɩ baanɩŋ tiŋ Babɩlɔŋ nɩaa lɛ a tɩŋ ʋ dɩɩ-bal-la wɩaa.

JƐRƖMAAYA 50:31

Bee na, sɩɩ-duo tɩɩna mɩ chɩŋ ŋ lɛ nɛ. Mɩ-na ma TƖƖNA doluŋ kala Tɩɩna nɛ bʋla. Ŋ tapʋlʋŋ kɔ nɛ, bʋa-la lɛ sɩ maga ba dɔgʋsʋŋ.

JƐRƖMAAYA 50:8

Má fá lɩɩ Babɩlɔŋ lɛ. Má lɩɩ Babɩlɔŋ nɩaa tinteeŋ lɛ, a nagɛ bʋʋna sɩ laa piesee sɩpaaŋ.

JƐRƖMAAYA 51:11

Má taa ma to-hɛŋŋɛɛ, aŋ paa ma hɔɔtaalɩ-la ma sɩ kaa kɛrɛɛ laa bayuori hɛŋŋɛɛ. La TƖƖNA yigi Media tɩŋŋaa kuoroo hɛ nɛ, bɛɛ wɩaa ʋʋ chɛ ʋ chei Babɩlɔŋ nɛ. La TƖƖNA jaŋ joŋ ʋ baanɩŋ tiŋ ʋ lɛ a tɩŋ ʋ dɩɩ-bal-la wɩaa.

JƐRƖMAAYA 51:36

Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: “Mɩ jaŋ chɩŋ ma harɩŋ a joŋ ma chɩmɩŋ tiŋ ba lɛ. Mɩ jaŋ leŋ dɩ ʋ mʋgʋ-balɩŋ lɩɩŋ hʋ, aŋ leŋ dɩ ʋ lɩɩ-bul-sɩaa ma hɩl.

JƐRƖMAAYA 51:45

Mɩ nɩaa, má kʋ lɩɩ ʋ lɛ. Má fá laa ma mɩɩsɩŋ. Má fá a laa ma tɩtɩa mɩ-na ma TƖƖNA sɩ faasa na baaŋ-la lɛ.

JƐRƖMAAYA 51:50

La TƖƖNA bʋla pɩ ʋ nɩalɩŋ sɩ hɛ Babɩlɔŋ lɛ, “Ma nɩalɩŋ sɩ foro laalɩŋ lɛ, má lɩɩ, ma sɩ́ dienu. Ma hɛ dɩ-bolii nɛ, ama má liisi mɩ-na ma TƖƖNA wɩaa a bɩɩnɛ Jerusalɛm ma wɩaa.

JƐRƖMAAYA 51:56

Laalɩyuoro-la sɩɩ chei leriŋ jaŋ kɔ Babɩlɔŋ lɛ. Ʋ jaŋ yuo kɛsɛ Babɩlɔŋ laalɩyuoroo, a bori ba tosuŋ. Mɩ-na ma TƖƖNA Wɩa nɩɩ tiŋ wʋbɔŋ ŋaaraa chɩmɩŋ, mɩ jaŋ timba ŋɩɩ sɩ maga.

JƐRƖMAAYA 51:9

Nɩwogusu-la sɩ hɛ nɩmɛ sɩ, ‘La fa jaŋ sɛɩ a vaarɛ Babɩlɔŋ, ama ʋ bɩ jaŋ wuo duori. Má leŋ la leŋu aŋ ka dɩ la kʋŋkala mʋ la tinteeŋ, bɛɛ wɩaa ʋ wɩɩŋ jɩla tɩgɛ wɩa-nyuŋ nɛ, a yi duoŋ-bɩlɩmbaanaa.’ ”

JEMBIEE 3:64

La TƖƖNA, joŋ wɩɩ-la sɩ maga a tiŋ ba lɛ wɩɩ-la ba sɩ ŋaa.

NAMBABA 16:26

Ŋɩɩ nɛ Mosis chaasa bʋla pɩ nɩalɩŋ kala, “Má sʋrɩsa lɩɩ nɩbɔŋŋɔɔ deemba lɛŋŋɛɛ bʋbʋɔŋ. Má sɩ́ ba kʋŋkala digu. Dɩ ma nɛ ŋaa ŋɩɩ, ba wʋbɔŋ-la jaŋ pɛ diima.”

MOSIS BƖRA WULLI WƖA WOMBIIŊ 32:25

Laalɩŋ jaŋ diiba womporuŋ lɛ. Ba dɩɩsɩŋ ma lɛ fawʋllʋŋ jaŋ kɛmba. Ba bapʋɔsaa arɩ ba hatoloo, bii-mulluŋ arɩ banɩhɩasɩŋ kala jaŋ sʋʋ.

MOSIS BƖRA WULLI WƖA WOMBIIŊ 32:41

dɩ mɩ nɛ taa mɩ tokobiiŋ dɩ ʋ tʋtʋl palpal, dɩ mɩ kori sarɩya chɛ-diiliŋ, mɩ jaŋ joŋ mɩ baanɩŋ a fɩɩsɛ mɩ dʋndɔŋŋɔɔ lɛ aŋ dɔgɩsɛ nɩalɩŋ sɩ bɛrɩmɛ.

MOSIS BƖRA WULLI WƖA WOMBIIŊ 32:43

Tinteyee nɩaa, ma pɛ La TƖƖNA nɩaa lɛ a jʋɔsɛ, La TƖƖNA jaŋ chɩŋ ʋ nɩaa nyuŋ a laa ba yuosuŋ yuo, aŋ joŋ ʋ nɩaa wʋbɔŋŋɔɔ chɛba aŋ pɩɩsɛ ba tinteeŋ disiniŋ ta.

1 Timoti 5:22

Fɩɛlɛ ŋ sɩaa a pɔ dɩ ŋ sɩ́ pese lɩɩsɛ nʋʋ a joŋ ŋ nɩsaa daŋ ʋ lɛ dɩ ʋ tɩŋ Wɩa tɩntɩŋŋaa. Dɩ tɩɩna nɛ ŋaa wʋbɔŋ, ka ŋ lɩɩsʋ, ŋ ma jaŋ pɛ jʋʋ ʋ wʋbɔŋ-la lɛ. Sɩ́ disiŋ ŋaa wɩɩŋ deeŋ lɛ.

Jɔɔŋ Wʋnaalaa 16:19

Tinteeŋ sɩ zigili ŋɩɩ, tabal-la ba sɩɩ yɩrɛ Babɩlɔŋ kpaa leree batori, tinteyee tabalaa ma tel. Ŋɩɩ nɛ Wɩa liise mʋ yi Babɩlɔŋ lɛ, a dɔgɩsʋ woruŋ a magɛ ŋɩɩ ʋ sɩ na baanɩŋ ʋ nyuŋ.