JƐRƖMAAYA 51:58 - WƖA TENIŊ

⁵⁸ Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Babɩlɔŋ kɛrɩ-barɩŋ-la kala jaŋ pɩŋ tinteeŋ dɩ nyiniŋ dii ʋ boi-baala-la kala sɩ leŋie. Nɩalɩŋ lɔlɔ ta pɛɩ nɛ, tɩntɩmɩɩ-la kala ba sɩ tɩma nagɛ nyiŋgeliŋ sɩ belime ta nɛ.”

JƐRƖMAAYA 51:58 ပူးပေါင်းရင်းမြစ်များ

WƖA YƖƖLAA 127:1

Dɩ La Tɩɩna nɛ bɩ nʋʋ lɛ pɛ dɩ ʋ saa dɩa, ka dɩ tɩɩna tɩtɩa saa dɩa-la ʋ doluŋ lɛ, tɩɩna lɔlʋŋ jaŋ ŋaa pɛɩ. Dɩ La TƖƖNA nɛ bɩ taŋ pɔ, nɩalɩŋ sɩ pɔ bibeŋ taŋ-la ka beŋ pɛɩ nɛ.

AZAAYA 13:2

Jɩl dundolo nyuŋ kʋŋkala sɩ tuo, a kɛŋ tuuta je aŋ kpɩa laalɩyuoroo lɛ aŋ kɛŋ nɩsɩŋ dagɛba dɩ ba mʋ taŋ-la nɩaa sɩɩ dagɛ ba tɩtɩa boi-baalaa a yuoba.

AZAAYA 47:13

Wɩalɩŋ kala ba sɩ bʋla chagɩlɩŋ mɩɩra cheyiŋ nɛ. Leŋ dɩ ŋ nɩalɩŋ sɩ yie beŋ chɛnwʋlaa a dɩdagɛ wɩaa kʋ lɩɩ, nɩalɩŋ sɩ yie bʋl wɩalɩŋ maachie sɩ jaŋ ŋaa a pɩpɩŋ chɛnɛ na-kala, leŋ dɩ ba laaŋ ta wɩalɩŋ sɩ jaŋ ŋaaŋ lɛ yei.

AZAAYA 65:23

Ba bɩ jaŋ lɔlɔ tɩta pɛɩ, koo a lʋl ba biiriŋ dɩ ba cheŋ naabɔmʋŋ. Mɩ-na ma TƖƖNA tɩtɩa nɛ jaŋ pɛ ba dɩ ba doho nɩaa lɛ bʋa na-kala.

JƐRƖMAAYA 50:15

Má ŋaa goŋ hɛ ʋ lɛ sɛmɛ kala. Ʋ joŋ ʋ tɩtɩa pa nɛ. Ʋ dɩɩ-leŋee tele nɛ, ba yigi ʋ jebiee ma lo. Mɩ-na ma TƖƖNA joŋ mɩ baanɩŋ tiŋ Babɩlɔŋ lɛ nɛ, mɩ joŋo timu nɛ. Ŋɩɩ ʋ sɩ ŋaa nɩaa lɛ, ŋɩɩ nɛ mɩ ma joŋo ŋaa ʋ lɛ.

JƐRƖMAAYA 51:30

Babɩlɔŋ laalɩyuori babiibalaa leŋ yuosuŋ nɛ. Ba ka ba dɩ-duoruŋ lɛ nɛ. Ba doluŋ dɛrɛ nɛ. Ba mɩɩra nagɛ haalaa nɛ. Ba chol nyiniŋ hɛ ʋ d-jʋʋlaa kala lɛ nɛ. Ba bori ʋ boi-baalaa doloo kala nɛ.

JƐRƖMAAYA 51:44

Mɩ jaŋ dɔgɩsɛ vene-la ba sɩɩ yɩrɛ Bɛl sɩ hɛ Babɩlɔŋ lɛ, a leŋ dɩ ʋ lusi kɩalɩŋ kala ʋ sɩ liŋe. Tinteyee nɩaa bɩra bɩ jaŋ kpaarʋ, Babɩlɔŋ kɛrɛ jaŋ tel.

JƐRƖMAAYA 51:64

aŋ bʋl, ‘Ŋɩɩ nɛ Babɩlɔŋ jaŋ tuu lɩɩŋ bʋbʋɔŋ, ʋ bɩra bɩ jaŋ sii a tɩŋ wʋlɔrʋ-la La TƖƖNA sɩ jaŋ kaa kʋ hɛ ʋ lɛ wɩaa. Ʋ nɩaa kala jaŋ tel.’ ” Jɛrɩmaaya wɩaa dɩdɛrɩŋ nɛ ŋ-la.

JƐRƖMAAYA 51:9

Nɩwogusu-la sɩ hɛ nɩmɛ sɩ, ‘La fa jaŋ sɛɩ a vaarɛ Babɩlɔŋ, ama ʋ bɩ jaŋ wuo duori. Má leŋ la leŋu aŋ ka dɩ la kʋŋkala mʋ la tinteeŋ, bɛɛ wɩaa ʋ wɩɩŋ jɩla tɩgɛ wɩa-nyuŋ nɛ, a yi duoŋ-bɩlɩmbaanaa.’ ”

JƐRƖMAAYA 9:5

Nandɔŋɔ yie nyɩsɛ ʋ nandɔŋɔ. Ba kʋŋkala bɩ wʋtɩtɩɩ ka bʋl. Ba niiree mal wʋnyɩɛrɩŋ nɛ. Baa lɔl ba tɩtɩa nɛ wʋbɔŋŋɔɔ ŋaanɩŋ lɛ.

JEMBIEE 5:5

Nɩalɩŋ sɩɩ kirila paa puula nɛ, la kala bɛsɩmɛ, aŋ bɩ wuo wiesi.

HABAKU 2:13

La TƖƖNA doluŋ kala Tɩɩna nɛ fa leŋe nyiniŋ joŋ kɩalɩŋ nɩalɩŋ sɩ lɔlɔ na dii tinteyee nɩaa lɔlɔ tɩta.