JƐRƖMAAYA 51:57 - WƖA TENIŊ

⁵⁷ Mɩ jaŋ ŋaa dɩ ʋ tɩntɩnnɩ-hɩasɩŋ arɩ ʋ wʋjɩnnaa kala bugi, a pɛ ʋ tinteeŋ nɩhɩasɩŋ lɛ, ʋ tɩntɩnnaa arɩ ʋ laalɩyuoroo. Ba jaŋ pɩŋ doŋ a kaa mʋ wuu, ba bɩra bɩ jaŋ sii. Mɩ-na ma TƖƖNA doluŋ kala Tɩɩna sɩ ŋaa kuoro nɛ bʋla.”

JƐRƖMAAYA 51:57 ပူးပေါင်းရင်းမြစ်များ

AZAAYA 37:36

Ŋɩɩ nɛ La TƖƖNA Wɩa tɩndaara mʋ lee-la Asiiria tɩŋŋaa sɩ hɔnɔ, a kpʋ ba laalɩyuoroo bʋɩ zɔlɔ arɩ mahɩŋ banɛsɛ arɩ banɔŋ. Taŋ ka pʋl dɩ lee-la kala suo arɩ sʋʋnʋŋ.

AZAAYA 44:25

Mɩ nɛ pɔ dɩ nɩalɩŋ sɩ nyɩɛ wɩaa a bʋl arɩ ba ŋaa Wɩa wʋlaabʋllaa arɩ vʋgʋraa wʋmagɩlaa sɩ́ wʋtɩtɩɩba kʋ ŋaa. Mɩ nɛ leŋe wʋjɩnnaa wʋjɩmɩŋ kala ŋaa pɛɩ.

AZAAYA 6:5

Ŋɩɩ nɛ mɩ ŋmoo niiŋ a bʋl, “Wɩɩŋ jʋʋmɛ, mɩ sʋʋ dɛrɛ, bɛɛ wɩaa wɩalɩŋ sɩ to mɩ niiŋ lɩlɩɩ kɛŋ disiniŋ nɛ, nɩalɩŋ tʋɔŋ ma mɩ sɩ hɛ wʋbʋlaa kɛŋ disiniŋ nɛ, ka mɩ na La TƖƖNA doluŋ kala Tɩɩna sɩ ŋaa kuoro.”

JƐRƖMAAYA 13:13

Ŋɩɩ-na bʋla pɩba, ‘Wɩɩ-la La TƖƖNA sɩ bʋla nɛ ŋ-la: Mɩ jaŋ leŋ dɩ nɩalɩŋ kala sɩ hɛ tintee-la lɛ ŋaa sɩ-nyʋara a pɛ Devit doho nɩalɩŋ sɩɩ dii kuoruŋ: Wɩɩsʋllɩ sɩpaalaaraa, mɩ wʋlaabʋllaa, arɩ nɩalɩŋ kala sɩ hɛ Jerusalɛm lɛ.

JƐRƖMAAYA 25:27

Ŋɩɩ nɛ La TƖƖNA sɩ, “Bʋla pɩba, ‘Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Má nyʋa, má nyʋa bugi a tʋɔsɛ, a tel a bɩra sɩ́ sii, a tɩŋ laal-la mɩ sɩ jaŋ lɔgɔ hɛ ma lɛ wɩaa.’

JƐRƖMAAYA 46:18

Mɩ-na ma TƖƖNA doluŋ kala Tɩɩna yɩrɩŋ nɛ La TƖƖNA. Mɩ sɩ weye wɩaa, a nagɛ peel-la ba sɩɩ yɩrɛ Tabɔ sɩ sii kɩɩ peelee kala ŋɩɩ, peel-la ba sɩɩ yɩrɛ Kamɛl ma sii kɩɩ mʋgʋ-balɩŋ ŋɩɩ, ŋɩɩ nɛ nɩɩ-la sɩ jaŋ kʋ yuoma doluŋ jaŋ nagɛ.

JƐRƖMAAYA 48:15

Ba jaŋ chei Mʋab arɩ ʋ tasɩŋ, ba jaŋ kpʋ ʋ bapʋɔsɛ zɔŋŋɔɔ kala. Mɩ-na Kuoro nɛ bʋla, mɩ yɩrɩŋ nɛ ma TƖƖNA doluŋ kala Tɩɩna.

JƐRƖMAAYA 50:30

Ŋɩɩ wɩaa, ʋ bapʋɔsaa jaŋ sʋʋ womporunuŋ lɛ. Ba jaŋ kpʋ ʋ laalɩyuoroo kala tapʋlɩɩ-la. Mɩ-na ma TƖƖNA nɛ bʋla.

JƐRƖMAAYA 51:39

Ama ba jaŋ sisii, dɩ mɩ ŋaa kʋdiilee arɩ kʋnyʋalaa a pɩba a leŋ dɩ ba bugi, dɩ ŋɩɩ leŋ dɩ ba mɔmɔ ŋɩŋaa goŋ, a pɩŋ a kaa mʋ wuu a bɩ sii. Mɩ-na ma TƖƖNA nɛ bʋla.

ƐZƖKƖƐL 20:33

Mɩ-na ma TƖƖNA Wɩɩjarɩbakɔ ŋmɩɛsa: Mɩ jaŋ na baanɩŋ a bemma arɩ mɩ dol-balɩŋ.

NAHUM 1:10

A nagɛ nyiniŋ sɩ joŋ sɔsʋŋ sɩ vɔɔ kɛŋ dɔŋɔ arɩ ya-hɩlɩŋ dii ŋɩɩ, ŋɩɩ tɩtɩa nɛ nyiniŋ jaŋ dii Nɩnɩvɛ nɩaa sɩɩ begilu ba wʋŋaalaa lɛ a nagɛ sɩ-nyʋaraa.

NAHUM 3:18

Asiiria tinteeŋ kuoru-balɩŋ, ŋ sɩpaalaaraa ka dɩɛgɛ doŋ nɛ, ŋ nɩbalaa ma pɩŋ aa wiesi. Ŋ nɩaa pɩsa hɛ peelee nyusuŋ nɛ, ka nʋʋkala tuo dɩ ʋ kɛmba kʋ hɛ dɔŋɔ.

MALAKAƖ 1:14

Ŋmɩaŋ jaŋ dii nɩɩ-la kala sɩ ta niiŋ mɩ-na ma TƖƖNA doluŋ kala Tɩɩna teeŋ, arɩ ʋ jaŋ kɛŋ pʋŋ-bel-zɔmʋŋ pɩmɛ aŋ vɩa dɩ ʋ kɛŋ pʋŋ-zɔŋ-la lɩɩsɛ nii-la aŋ mɩɩra sii kɛŋ pʋna sɩ kɛŋ nyɔɔŋ. Mɩ ŋaa kuoru-bal nɛ, tinteyee nɩaa kala fɩfámɛ. Mɩ-na ma TƖƖNA doluŋ kala Tɩɩna nɛ bʋla.”

Jɔɔŋ Wʋnaalaa 18:9

Dɩ dʋnɩa kuorusu-la sɩ kɛnʋ ŋaa wʋlɩɩlɩŋ aŋ pɛ nɩɩ ʋ sɩma-la nɛ na nyiŋ-la sɩɩ diiu nyʋɔsʋŋ, ba tʋɔŋ jaŋ chei dɩ ba yel.