JƐRƖMAAYA 51:56 - WƖA TENIŊ

⁵⁶ Laalɩyuoro-la sɩɩ chei leriŋ jaŋ kɔ Babɩlɔŋ lɛ. Ʋ jaŋ yuo kɛsɛ Babɩlɔŋ laalɩyuoroo, a bori ba tosuŋ. Mɩ-na ma TƖƖNA Wɩa nɩɩ tiŋ wʋbɔŋ ŋaaraa chɩmɩŋ, mɩ jaŋ timba ŋɩɩ sɩ maga.

JƐRƖMAAYA 51:56 ပူးပေါင်းရင်းမြစ်များ

WƖAA DƖ-SUOMUŊ 49:24

Ama Jekɔb Wɩa sɩ ŋaa doluŋ kala TƖƖNA leŋe ʋ toŋ arɩ ʋ nɩsaa kɛŋ doluŋ nɛ, a tɩŋ Wɩa sɩ ŋaa Iziral tɩŋŋaa pʋpɔɔrɔ wɩaa.

WƖA YƖƖLAA 137:8

Babɩlɔŋ nɩaa, sʋʋŋ puuma nɛ. Nɩɩ-la kala sɩ jaŋ joŋ wɩɩ-la ma sɩ joŋo ŋaa la lɛ chɩmɩŋ a tiŋ ma lɛ, ʋ tʋɔŋ jaŋ tɔrɛ.

WƖA YƖƖLAA 37:15

Ama ba tɩtɩa tokobie-la nɛ jaŋ gʋra kpʋba, ka dɩ ba tosuŋ ma bori.

WƖA YƖƖLAA 46:9

Ʋ bori tosuŋ nɛ a chei tiŋŋee kala, ʋ nyɩgɛ hɔɔtaalɩ-la ma laalɩyuoroo sɩ kaa kɛrɛɛ laa bayuori hɛŋŋɛɛ nɛ, ʋ leŋe laalɩŋ dɛrɛ dʋnɩa kala lɛ nɛ.

WƖA YƖƖLAA 76:3

Nɩmɛ nɛ ʋ bori ʋ dʋndɔŋŋɔɔ to-hɛŋŋɛɛ, hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ, ba tokobiee arɩ kɩalɩŋ kala ba sɩ kaa yuo laalɩŋ.

AZAAYA 21:2

Wɩɩ-la mɩ sɩ na arɩ duosoo tʋɔŋ chaasa ŋaa wʋlɔrʋ nɛ. Mɩ na zɛmbɛ tɩɩna ka bɛ zɛmbɛ, a na wʋcheere ma sɩɩ chei leriŋ. Má bʋla pɩ Ɛlam tinteeŋ laalɩyuoroo arɩ Midiaŋ tinteeŋ laalɩyuoroo dɩ ba sii gollo yuo Babɩlɔŋ nɩaa. Wɩa jaŋ leŋ dɩ hɛɛ-la kala ba sɩ joŋo hɛ dʋnɩa nɩaa lɛ dɛrɛ.

AZAAYA 34:8

La TƖƖNA kɛŋ tapʋlɩɩ nɛ arɩ jɩna ʋ sɩ jaŋ joŋ ʋ baanɩŋ a fɩɩsɛ Zaayɔŋ dʋndɔŋŋɔɔ lɛ a laaba ta.

AZAAYA 35:4

Bʋla pɩ nɩalɩŋ kala sɩ bɩ bɔɩ-duoŋ kɛnɛ: Má nyɩrɛ bɔyɛ a sɩ́ leŋe dɩ fawʋllʋŋ kɛmma. Ma Wɩa jaŋ joŋ ʋ baanɩŋ a fɩɩsɛ ma dʋndɔŋŋɔɔ lɛ, ʋ jaŋ kʋ laama ta.

AZAAYA 59:18

Ba sɩ ŋaa wɩaa magɛ ŋɩɩ chɩmɩŋ nɛ ʋ jaŋ joŋo timba, ʋ jaŋ na baanɩŋ a dɔgɩsɛ ʋ dʋndɔŋŋɔɔ, Ʋ jaŋ tiŋ nɩalɩŋ ma kala sɩ hɛ tinteye-la lɩɩŋ sɩ gollo chu lɛ.

JƐRƖMAAYA 49:35

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Má bee na, mɩ jaŋ kpʋ Ɛlam to-yuoroo, nɩalɩŋ sɩ ŋaa ba doluŋ.

JƐRƖMAAYA 50:10

Ba jaŋ yuo dii Babɩlɔŋ a paa ʋ kɩaa. Nɩalɩŋ kala sɩ yuo diiu jaŋ paa kɩaa a vɔgɛ.” La TƖƖNA nɛ bʋla.

JƐRƖMAAYA 50:36

Laalɩŋ jaŋ jʋʋ ba nɩalɩŋ sɩ nyɩɛ wɩaa arɩ ba ŋaa mɩ wʋlaabʋllaa nɛ. Ba jaŋ bɩrɩmɛ nɩyaaraa. Laalɩŋ jaŋ jʋʋ ba bayuoroo. Fawʋllʋŋ jaŋ faasa jʋʋba.

JƐRƖMAAYA 51:24

La TƖƖNA sɩ, “Ma sɩɩŋ lɛ mɩ jaŋ mɩɩra tiŋ Babɩlɔŋ arɩ nɩalɩŋ kala sɩ hɛ ʋ lɛ, a tɩŋ ba sɩ ŋaa wɩalɩŋ kala sɩ bɩ zɔŋ Zaayɔŋ lɛ.

JƐRƖMAAYA 51:30

Babɩlɔŋ laalɩyuori babiibalaa leŋ yuosuŋ nɛ. Ba ka ba dɩ-duoruŋ lɛ nɛ. Ba doluŋ dɛrɛ nɛ. Ba mɩɩra nagɛ haalaa nɛ. Ba chol nyiniŋ hɛ ʋ d-jʋʋlaa kala lɛ nɛ. Ba bori ʋ boi-baalaa doloo kala nɛ.

JƐRƖMAAYA 51:48

Wɩa-nyuŋ arɩ tinteeŋ arɩ kɩalɩŋ kala sɩ hɛ ba lɛ jaŋ ŋaa goŋ arɩ tʋɔtɔrʋŋ Babɩlɔŋ nyuŋ, bɛɛ wɩaa laalɩyuoroo sɩɩ chei leriŋ jaŋ lɩɩ wɩɩpɔsʋŋ nagʋa a kʋ yuou. Mɩ-na ma TƖƖNA nɛ bʋla.

JƐRƖMAAYA 51:53

Dɩ Babɩlɔŋ nɛ paala waa a jɩlaa tɩgɛ wɩa-nyuŋ ma, a saa kɛrɛ golli ʋ dɩ-duoruŋ ma, mɩ jaŋ yigi laalɩyuoroo sɩɩ chei leriŋ a hɛ ʋ lɛ. Mɩ-na ma TƖƖNA nɛ bʋla.

JƐRƖMAAYA 51:6

Má fá lɩɩ Babɩlɔŋ lɛ. Má fá a laa ma mɩɩsɩŋ. Má sɩ́ ma tɩtɩa chei a tɩŋ ʋ wʋbɔŋŋɔɔ wɩaa. Bʋa-la yie nɛ dɩ mɩ-na ma TƖƖNA joŋ mɩ baanɩŋ tiŋ ʋ lɛ, mɩ jaŋ dɔgɩsʋ ŋɩɩ sɩ maga.

JEMBIEE 3:64

La TƖƖNA, joŋ wɩɩ-la sɩ maga a tiŋ ba lɛ wɩɩ-la ba sɩ ŋaa.

ƐZƖKƖƐL 39:3

Mɩ jaŋ ŋmoo ŋ nagʋa nɩsɩŋ lɛ dɩ ŋ toŋ foro tel, a ŋmoo ŋ nadiiŋ nɩsɩŋ ma lɛ dɩ ŋ to-hɛŋŋɛɛ foro tel.

ƐZƖKƖƐL 39:9

Nɩalɩŋ sɩ hɛ Iziral tasɩŋ lɛ jaŋ lɩɩ paa bayuori kɩalɩŋ ba sɩ vɩa ta a hɛ nyiniŋ. Ba jaŋ paa hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ, ba kʋbiisiŋ arɩ kʋjalaa, tosuŋ, to-hɛŋŋɛɛ, tiŋŋee arɩ toŋguloo a kaa hɛ nyiniŋ a mʋ yi jɩsɩŋ balɩpɛ.

AMƆS 2:15

Dɩ ma paala cho ma jɩŋ toŋ yuonuŋ a magɛ ŋɩɩ ma kala, ma jaŋ mɩɩra fá. Laalɩyuoro naaŋ sɩ lɩma bɩ jaŋ wuo fá laa ʋ tɩtɩa, ma paala cho ma jɩŋ jaaba jɩlɩŋ a magɛ ŋɩɩ ma kala, ma bɩ jaŋ wuo fá laa ma mɩɩsɩŋ.

OBADAAYA 1:15

Mɩ-na ma Tɩɩna tapʋlɩɩ-la kpaga nɛ dɩ mɩ dɔgɩsɛ tinteyee nɩaa kala. Ɛdɔm, wɩalɩŋ ŋ sɩ ŋaa ba tɩtɩa nɛ mɩ jaŋ joŋo ŋaa ŋ lɛ, ŋ wʋŋaalaa kala jaŋ gʋra nyʋa ŋ nyuŋ lɛ.

HABAKU 2:8

bɛɛ wɩaa, ma fa yuo laa ta-gentiŋ-daŋ nɩaa kɩaa nɛ. Nɩalɩŋ sɩ ka, ma jaŋ yuo laa ma kɩaa. Ma fa kpʋ nɩaa nɛ. Ma fa chei tinteyee arɩ tabalaa arɩ nɩalɩŋ sɩ hɛ ba lɛ nɛ.

MOSIS BƖRA WULLI WƖA WOMBIIŊ 32:35

Mɩ jaŋ laa yuo pɩma a tiŋ ma chɩmɩŋ bʋa-la lɛ sɩ maga. Bʋa kʋbala jaŋ yi dɩ ba sɩɛrɛ. Bʋa-la lɛ wʋlɔrʋnʋŋ sɩ jaŋ ŋaa ba lɛ kpagɛ nɛ, ba sʋʋŋ yie nɛ.”

2 Tɛsalonaaka Nɩaa 1:6

Wɩa kɛŋ wʋtɩtɩɩ, ʋ jaŋ dɔgɩsɛ nɩalɩŋ sɩ dɔgɩsɛma a magɛ ŋɩɩ kala ba sɩ dɔgɩsɛma magɛ.

Jɔɔŋ Wʋnaalaa 17:16

Nyilli-la fii ma ŋ sɩ na, ba dɩ baga kʋ-la jaŋ bɛrɛ hachɔrʋŋ-la. Ba jaŋ wuri ʋ kɩaa ta ka dɩ ʋ kɛŋ yarɩ-biree. Ba jaŋ chaŋ ʋ nammɩa aŋ nyɩgɛ ʋ haŋgbelee.

Jɔɔŋ Wʋnaalaa 18:20

Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”

Jɔɔŋ Wʋnaalaa 19:2

Ʋʋ dii nɩaa sarɩya arɩ wʋtɩtɩɩ nɛ. Ʋ dii hachɔrʋŋ-bal-la sarɩya nɛ, nɩɩ-la sɩ ŋaa wʋlɩɩlɩŋ a chei dʋnɩa kala. Wɩa dɔgɩsʋ nɛ a tɩŋ ʋ sɩ kpʋ ʋ tɩntɩnnaa.”

1 SAMƲƐL 2:4

Laalɩyuori babiibalaa tosuŋ boro nɛ, aŋ ka nɩalɩŋ sɩ bɩ doluŋ kɛnɛ mɩɩra kɛŋ doluŋ.