JƐRƖMAAYA 51:50 - WƖA TENIŊ

⁵⁰ La TƖƖNA bʋla pɩ ʋ nɩalɩŋ sɩ hɛ Babɩlɔŋ lɛ, “Ma nɩalɩŋ sɩ foro laalɩŋ lɛ, má lɩɩ, ma sɩ́ dienu. Ma hɛ dɩ-bolii nɛ, ama má liisi mɩ-na ma TƖƖNA wɩaa a bɩɩnɛ Jerusalɛm ma wɩaa.

JƐRƖMAAYA 51:50 ပူးပေါင်းရင်းမြစ်များ

WƖA YƖƖLAA 122:6

Má sʋl Wɩa ŋ-la a pɩ Jerusalɛm nɩaa dɩ ba hɔŋ sɔm, “A leŋ dɩ nɩalɩŋ sɩ choŋ dʋa.

AZAAYA 48:20

Má lɩɩ Babɩlɔŋ lɛ, má fá kagɛ Babɩlɔŋ tɩŋŋaa lɛ. Má heele bʋl arɩ tʋɔtɔrʋŋ: ‘La TƖƖNA laa ʋ nɩaa Iziral tɩŋŋaa ta nɛ.’ ” Má leŋ dɩ dʋnɩa sɛmɛ na-kala nɩɩ.

AZAAYA 51:11

Nɩalɩŋ La TƖƖNA sɩ laa ta jaŋ mɩɩra kɔ ʋ teeŋ. Ba jaŋ yɩɩ yɩɩlaa arɩ tʋɔtɔrʋŋ kʋ jʋʋ Jerusalɛm. Ba jaŋ nɩɩ sɩma a kaa mʋ wuu. Tʋɔtɔrʋŋ jaŋ faasa yʋgɛ ba teeŋ, dɩ hɛɛŋ arɩ tʋɔ-cheeŋ fa lɛl.

AZAAYA 52:2

Má pɩɩsɛ ma disiniŋ ta, aŋ hɔŋ ma kuoru kpasa nyuŋ. Ma Jerusalɛm nɩalɩŋ ba sɩ yuo kɛsɛ, má lɩɩsɛ chɔrʋmɔ-la sɩ hɛ ma baŋŋaa lɛ.

JƐRƖMAAYA 31:21

Má bil magɩlaa wombiee lɛ, má bil magɩla-la sɩ jaŋ dagɛma wombiiŋ. Má jɩŋ wombii-jalɩɩ-la wɩaa, wɛŋ-la ma fa sɩ to mʋ. Iziral tɩmma, má mɩɩra kɔ, má mɩɩra kɔ ma tasɩŋ.

JƐRƖMAAYA 44:28

Nɩalɩŋ sɩ foro laalɩŋ lɛ a mɩɩra lɩɩ Ijipiti tinteeŋ a mʋ Juda bɩ jaŋ yʋgɛ. Ŋɩɩ nɛ nɩkaana-la sɩ kʋ hɔŋ Ijipiti lɛ jaŋ jɩŋ nɩɩ-la wɩɩŋ sɩ jaŋ chɩŋ, dɩ mɩ nɛ koo ba nɛ.

JƐRƖMAAYA 50:8

Má fá lɩɩ Babɩlɔŋ lɛ. Má lɩɩ Babɩlɔŋ nɩaa tinteeŋ lɛ, a nagɛ bʋʋna sɩ laa piesee sɩpaaŋ.

JƐRƖMAAYA 51:45

Mɩ nɩaa, má kʋ lɩɩ ʋ lɛ. Má fá laa ma mɩɩsɩŋ. Má fá a laa ma tɩtɩa mɩ-na ma TƖƖNA sɩ faasa na baaŋ-la lɛ.

JƐRƖMAAYA 51:6

Má fá lɩɩ Babɩlɔŋ lɛ. Má fá a laa ma mɩɩsɩŋ. Má sɩ́ ma tɩtɩa chei a tɩŋ ʋ wʋbɔŋŋɔɔ wɩaa. Bʋa-la yie nɛ dɩ mɩ-na ma TƖƖNA joŋ mɩ baanɩŋ tiŋ ʋ lɛ, mɩ jaŋ dɔgɩsʋ ŋɩɩ sɩ maga.

ƐZƖKƖƐL 6:9

Tinteye-la lɛ ba sɩ jaŋ kɛsɛba mʋ dɩ ba hɛ yoŋ-baga lɛ, ba jaŋ liisi ŋɩɩ ba sɩ ŋaa mɩ tʋɔŋ chei a tɩŋ ba sɩ bɩ wʋtɩtɩɩ kɛnɛ a joŋ harɩŋ yɩamɛ a cho vʋɩyaa. Ba tʋɔŋ jaŋ lɩɩ ba tɩtɩa a tɩŋ wʋbɔmɔ-la arɩ wʋkɩsɩa-la kala ba sɩ ŋaa.

DANƖƐL 6:11

Ŋɩɩ nɛ nɩalɩŋ sii hɛ dɔŋɔ a mʋ, a na Danɩɛl dɩ ʋ chʋɔlɛ Wɩa a sʋsʋlʋ dɩ ʋ pɛ ʋ lɛ.

Jɔɔŋ Wʋnaalaa 18:4

Ŋɩɩ nɛ mɩ bɩra nɩɩ nʋʋ yikoro dɩ ʋ lɩɩ Wɩa-jaŋ aa bʋl, “Mɩ nɩaa, má sii Babɩlɔŋ lɛ, dɩ ŋɩɩ dee ma jaŋ pɛ ŋɩŋaa wʋbɔmɔ-la ba sɩɩ ŋaa. Dɩ ma nɛ ŋaa ŋɩɩ, mɩ jaŋ pɛ dɔgɩsɛma arɩ mɩ sɩɩ chɛ dɩ mɩ dɔgɩsɛ Babɩlɔŋ nɩaa ŋɩɩ.