JƐRƖMAAYA 51:46 - WƖA TENIŊ

⁴⁶ Má sɩ́ leŋe dɩ ma nandaasɩŋ yʋɔrɛ koo dɩ fawʋllʋŋ kɛmma, dɩ ma nɛ nɩɩ ba-sɩ tintee-la lɛ. Ma jaŋ nɩɩ ba-sɩ jɩna deeŋ, jɩna dɔŋɔ ma dɩ ma bɩra nɩɩ ba-sɩ, a mʋ tɩgɛ yuosuŋ sɩ hɛ tintee-la lɛ, arɩ sɩpaalaaraa sɩɩ yuo dɔŋɔ.

JƐRƖMAAYA 51:46 ပူးပေါင်းရင်းမြစ်များ

2 KUOROO 19:7

Mɩ-na ma Tɩɩna jaŋ joŋ dɩma kʋbala a hɛ ʋ lɛ, dɩ ʋ nɩɩ ba sɩ a mʋ tɩgɛ ʋ tɩtɩa tinteeŋ lɛ, a sii mʋ nɩmɛ dɩ ba kpʋ.’ ”

2 IZIRAL TƖŊŊAA NAABARƖŊ 20:23

Amɔŋ tɩŋŋaa arɩ Mʋab tɩŋŋaa mɩɩra gʋra yuo Ɛdɔm laalɩyuoroo a kpʋ ba kala. Ba sɩ kpʋ Ɛdɔm nɩalɩŋ dɛrɛ, ba ma tɩtɩa gʋra kpʋ dɔŋɔ.

JOB 23:16

Wɩa leŋe mɩ tʋɔbɩɩnaa lɛl nɛ. La TƖƖNA doluŋ kala Tɩɩna leŋe fawʋllʋŋ kɛmmɛ nɛ.

NAMAGABA 24:10

Dɩ wɩaa nɛ jʋʋŋ, dɩ ŋɩɩ leŋ dɩ ŋ nandaasɩŋ yʋɔrɛ, ŋɩɩ-na ŋ bɩ bɔɩ-duo tɩɩna ŋaa.

AZAAYA 19:2

La TƖƖNA sɩ, “Mɩ jaŋ yigi Ijipiti tɩŋŋaa hɛ dɩ ba gʋraa yuo dɔŋɔ nɛ. Naambie jaŋ yuyuo ʋ naambie, dɩa nɩaa jaŋ yuyuo dɔŋɔ, tasɩ-la ma sɩ ŋaa naambiiriŋ jaŋ gʋra yuyuo dɔŋɔ, tinteeŋ dɔŋɔ nɩaa ma jaŋ sii mʋ yuyuo tinteeŋ dɔŋɔ nɩaa.

AZAAYA 43:5

Má sɩ́ fawʋllʋŋ fá, mɩ hɛ ma teeŋ nɛ. Mɩ jaŋ kɛsɛ ma biiriŋ a lɩɩ wɩɩpɔsʋŋ dɩɩrɩŋ a kɛmma lɩɩ wɩɩjʋʋlʋŋ dɩɩrɩŋ kʋ hɛ dɔŋɔ.

JƐRƖMAAYA 46:27

Mɩ tɩntɩnna Jekɔb, sɩ́ fawʋllʋŋ fá. Sɩ́ leŋe dɩ ŋ yaraa yʋɔrɛ Iziral. Mɩ jaŋ laama ta dɩ-bolii-la lɛ ma sɩ hɛ, mɩ jaŋ laa ma doho nɩalɩŋ ta yoŋ-baga lɛ. Jekɔb jaŋ bɩra kɛŋ fɩɛlɩŋ a hɔŋ sɔm, nʋʋkala bɩ jaŋ leŋ dɩ fawʋllʋŋ kɛnʋ.

JƐRƖMAAYA 46:28

Mɩ tɩntɩnna Jekɔb, sɩ́ fawʋllʋŋ fá bɛɛ wɩaa mɩ hɛ ŋ teeŋ nɛ, mɩ-na ma TƖƖNA nɛ bʋla. Mɩ jaŋ chei tinteye-la kala mɩ sɩ kɛmma pɩsa hɛ gbelem gbelem, ama, mɩ bɩ jaŋ chei ma kala gbelem gbelem. Mɩ jaŋ lɛrɛ ma dɩgɩlɩŋ arɩ wʋtɩtɩɩ. Mɩ bɩ jaŋ lemma ta pɛɩ.”

Luuk 21:28

Dɩ wɩaa deemba nɛ suomo a ŋɩŋaa, má sii chɩŋ a kɛŋ ma dɩgɩlaa wuoli, bɛɛ wɩaa bʋa-la lɛ Wɩa sɩ jaŋ laama ta yie nɛ.”

SƖPAALAARAA 7:22

Bʋa-la lɛ ba sɩ ŋmʋʋ banyilli-la kala zɔɔ-batori, La TƖƖNA leŋ Midiaŋ tɩŋŋaa laalɩyuoroo chaarɛ tokobiee a gʋra yuyuo dɔŋɔ ba buguŋ lɛ. Laalɩyuoro-la fá mʋ taŋ-la ba sɩɩ yɩrɛ Bɛf Sɩta a tʋʋlɛ Zɛrɛra fuonaaŋ a mʋ yi taŋ-la ba sɩɩ yɩrɛ Abɛl Mehola sɩ kpagɛ lee-la ba sɩɩ yɩrɛ Tabaf.