JƐRƖMAAYA 51:44 - WƖA TENIŊ

⁴⁴ Mɩ jaŋ dɔgɩsɛ vene-la ba sɩɩ yɩrɛ Bɛl sɩ hɛ Babɩlɔŋ lɛ, a leŋ dɩ ʋ lusi kɩalɩŋ kala ʋ sɩ liŋe. Tinteyee nɩaa bɩra bɩ jaŋ kpaarʋ, Babɩlɔŋ kɛrɛ jaŋ tel.

JƐRƖMAAYA 51:44 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 36:7

Nebukadineza fa pɛ paa La TƖƖNA dɩɩ-bal-la tʋɔŋ kɩaa dɔnsʋŋ nɛ a kaa mʋ Babɩlɔŋ a joŋo bil ʋ kuoru dɩa lɛ.

JOB 20:15

Ʋ jaŋ lusi dʋa-la kala ʋ sɩ liŋe. Wɩa jaŋ leŋ dɩ ʋ tʋɔsɛ ba kala.

AZAAYA 2:2

Tapʋlaa dɩdɛrɩŋ, La TƖƖNA peel-la nyuŋ Wɩa dɩɩ-balɩŋ sɩ chɩna jaŋ kɩɩ peelee kala. Ʋ nɛ jaŋ sii je kɩɩ dundolo kala, dɩ dʋnɩa tinteyee kala gire mʋ lee-la.

AZAAYA 21:9

Lɛɛlɛ, na nʋʋ nɛ hɔŋ toruko lɛ ja-laalɩŋ lɛrɛ kʋkɔ ŋɩɩ. Nɩɩ-la sɩ hɛ toruko-la lɛ bʋl, ‘Babɩlɔŋ tele, Babɩlɔŋ tele, ʋ vesiŋ ma kala nɛ ba ŋmoo pɩsɛ tinteeŋ.’ ”

AZAAYA 60:5

Dɩ ŋ nɛ na ŋɩɩ, ŋ yaraa jaŋ fɩɛlɛ ba nyuŋ, ŋ tʋɔŋ kala jaŋ tɔrɛ dɩ ŋ jʋjʋɔsɛ. Ba jaŋ paa nɩalɩŋ kala sɩ hɛ mʋgʋ-balɩŋ cholo dʋa a kaa kɔ ŋ teeŋ, ba jaŋ kɛŋ tinteyee nɩaa dʋa kʋ pɩŋ.

JƐRƖMAAYA 50:15

Má ŋaa goŋ hɛ ʋ lɛ sɛmɛ kala. Ʋ joŋ ʋ tɩtɩa pa nɛ. Ʋ dɩɩ-leŋee tele nɛ, ba yigi ʋ jebiee ma lo. Mɩ-na ma TƖƖNA joŋ mɩ baanɩŋ tiŋ Babɩlɔŋ lɛ nɛ, mɩ joŋo timu nɛ. Ŋɩɩ ʋ sɩ ŋaa nɩaa lɛ, ŋɩɩ nɛ mɩ ma joŋo ŋaa ʋ lɛ.

JƐRƖMAAYA 50:2

“Heele bʋl tinteyee tʋɔŋ, kɛŋ jɔnjɔŋ je a heele bʋlʋ, sɩ́ wɩɩkala joŋo faa, ama bʋl, ‘Ba jaŋ yuo dii Babɩlɔŋ. Ba jaŋ hɛ vene-la ba sɩɩ yɩrɛ Bɛl hɩɩsɩŋ, fawʋllʋŋ jaŋ faasa jʋʋ vene-la ba sɩɩ yɩrɛ Maduk. Ʋ kɩalɩŋ ba sɩ mɛ kala jaŋ dii hɩɩsɩŋ dɩ fawʋllʋŋ faasa kɛŋ ba tɔŋŋɔɔ.’

JƐRƖMAAYA 51:18

Ba bɩ bʋbʋa kala kɛnɛ. Ba ŋaa kɩaa sɩ kɛŋ mɔmʋŋ nɛ. Dɩ ba sarɩya diiniŋ tapʋlʋŋ nɛ yie, ba jaŋ cheiba.

JƐRƖMAAYA 51:34

Babɩlɔŋ kuoro Nebukadineza paala liŋ nɛ. Ʋ leŋe la bɩ jɩŋ wɩɩ-la tʋɔŋ la sɩ hɛ. Ʋ leŋe la nagɛ pupo-wuoluŋ nɛ. Ʋ paala liŋ nɛ a nagɛ dɩmɩŋ, a vɔgɛ, aŋ nyɛ ta.

JƐRƖMAAYA 51:47

Bʋa kʋbala sɛnɛ jaŋ kɔ, dɩ mɩ dɔgɩsɛ Babɩlɔŋ tɔŋŋɔɔ. Mɩ jaŋ hɛ Babɩlɔŋ tinteeŋ kala hɩɩsɩŋ. Ʋ nɩalɩŋ mɩ sɩ jaŋ kpʋ jaŋ pɩŋ ʋ tinteeŋ lɛ.

JƐRƖMAAYA 51:53

Dɩ Babɩlɔŋ nɛ paala waa a jɩlaa tɩgɛ wɩa-nyuŋ ma, a saa kɛrɛ golli ʋ dɩ-duoruŋ ma, mɩ jaŋ yigi laalɩyuoroo sɩɩ chei leriŋ a hɛ ʋ lɛ. Mɩ-na ma TƖƖNA nɛ bʋla.

JƐRƖMAAYA 51:58

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Babɩlɔŋ kɛrɩ-barɩŋ-la kala jaŋ pɩŋ tinteeŋ dɩ nyiniŋ dii ʋ boi-baala-la kala sɩ leŋie. Nɩalɩŋ lɔlɔ ta pɛɩ nɛ, tɩntɩmɩɩ-la kala ba sɩ tɩma nagɛ nyiŋgeliŋ sɩ belime ta nɛ.”

DANƖƐL 1:2

La Tɩɩna joŋ Juda kuoro Jehoyakim hɛ ʋ nɩsɩŋ lɛ, ʋ pɛ paa tɩntɩnnɩ kɩalɩŋ dɔnsʋŋ sɩ hɛ Wɩa dɩɩ-balɩŋ lɛ. Ʋ paa kɩaa deemba a kaa mʋ Babɩlɔŋ nɛ a bil ʋ vene dɩa lɛ, lee-la ʋ sɩɩ bil ʋ sɩɩfɩaŋ kɩaa.

DANƖƐL 3:29

Ŋɩɩ wɩaa mɩ hɛ niiŋ nɛ, nʋʋkala sɩ hɛ tintee kala lɛ koo yikoro kala nɩaa sɩ jaŋ bʋl wɩɩkala a tɩgɛ Sadɩrak, Mɛsak arɩ Abedinego lɛ, ba kɛmba kaa keri muno muno aŋ ŋmoo ba dɩɩsɩŋ lo dɩ ba pɩŋ jikpeeŋ, bɛɛ wɩaa vene dɔŋ kala tuo sɩ jaŋ wuo laa ʋ nɩaa ta ŋ-la.”

DANƖƐL 4:1

Kuoro Nebukadineza tɩŋ tɩndaarɩŋ a pɩ nɩaa kala, tinteyee nɩaa arɩ yikori doho na-kala nɩaa sɩ hɛ dʋnɩa lɛ a bʋl, “Wɩa jaŋ leŋ dɩ ma na ma wʋchɛɛlɛɛ kala.

DANƖƐL 4:22

Ŋ-na kuoro nɛ tɩa-la. Ŋ ŋaa nɩbal nɛ aŋ kɛŋ doluŋ ma. Ŋ ballɩŋ jɩla tɩtɩgɛ wɩa-nyuŋ, ŋ doluŋ cheŋ dʋnɩa sɛmɛ kala.

DANƖƐL 5:19

Ʋ sɩ leŋe ʋ dɩchɩnɩŋ yuŋ ŋɩɩ, nɩaa kala, tinteyee nɩaa arɩ yikoro na-kala nɩaa fɩfáʋ. Nɩalɩŋ kuoro sɩ cho dɩ ʋ kpʋ, ʋ kpʋba nɛ. Nɩalɩŋ ma ʋ sɩ bɩ cho dɩ ʋ kpʋa, ʋ lemba nɛ. Nɩalɩŋ ʋ sɩ cho dɩ ʋ leŋ ba dɩchɩnɩŋ yuŋ, ʋ leŋe ba dɩchɩnɩŋ yʋgɛ nɛ. Nɩalɩŋ ma ʋ sɩ cho dɩ ʋ kɛmba muuri, ʋ kaa muuri nɛ.

DANƖƐL 5:26

Wɩalɩŋ bʋbʋɔŋ nɛ ŋ-la: Mene: Ʋ bʋbʋɔŋ nɛ Wɩa dɩɩsɛ ŋ kuoruŋ tapʋlaa nɛ a leŋ ba dɛrɛ.

DANƖƐL 5:31

Ka Medis tɩɩna kʋbala baa yɩrɛ Daarus dii kuoruŋ. Bʋa-la lɛ dɩ ʋ ŋaa jɩsɩŋ mahɩŋ batori arɩ balɩa.