JƐRƖMAAYA 51:37 - WƖA TENIŊ

³⁷ Babɩlɔŋ jaŋ pɩŋ jikpeeŋ a nagɛ pupuluŋ, a bɩrɩmɛ jolluŋ dɩjʋʋlʋŋ, a kɛŋ fawʋllʋŋ dɩ nɩaa sisieri ʋ lɛ. Nʋʋkala bɩ jaŋ hɛ nɩmɛ.

JƐRƖMAAYA 51:37 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 29:8

Ŋɩɩ nɛ La TƖƖNA na baanɩŋ Juda arɩ Jerusalɛm nɩaa nyuŋ a leŋ ba kperi, nɩaa mʋmɔmba a sisieriba lɛ. Ma jɩŋ wɩɩŋ deeŋ lɛ nɛ.

AZAAYA 14:23

Mɩ jaŋ leŋ dɩ ʋ mɩɩra nagɛ fuonaaŋ sɩ luro, a kɛnʋ bɩrɩmɛ lee hajaaŋkuŋkumba sɩ jaŋ jʋjʋʋ. Mɩ jaŋ cheyu dɩ ʋ pɩŋ jikpeeŋ a nagɛ ba sɩ kɛŋ chaaŋ tii paa nʋsʋrʋŋ. Mɩ-na ma TƖƖNA doluŋ kala Tɩɩna nɛ bʋla.”

JƐRƖMAAYA 18:16

Ba tinteeŋ jaŋ pɩŋ pɛɩ, dɩ nɩaa mʋmɔŋ ʋ lɛ a kaa mʋ wuu. Ʋ wɩaa jaŋ kperi nʋʋkala sɩ to nɩmɛ a bɩbal, dɩ ba vivigisi nyuŋ.

JƐRƖMAAYA 19:8

Mɩ jaŋ chei tabalɩŋ deeŋ dɩ ʋ ŋaa kʋŋ nɩaa sɩ jaŋ mʋmɔŋ. Ʋ wɩaa jaŋ kperi nɩalɩŋ kala sɩ to nɩmɛ bɩbal, dɩ ba sisieri ʋ lɛ a tɩŋ ŋɩɩ ba sɩ cheyu.

JƐRƖMAAYA 25:12

Ama dɩ jɩsɩŋ mahɩŋ batori arɩ fii-la nɛ suo, mɩ jaŋ dɔgɩsɛ Babɩlɔŋ kuoro arɩ ʋ nɩaa arɩ ba tinteeŋ kala a tɩŋ ba cheeriŋ wɩaa. Mɩ jaŋ leŋ dɩ ba tinteeŋ pɩŋ jikpeeŋ a kaa mʋ wuu. Mɩ-na ma TƖƖNA nɛ bʋla.

JƐRƖMAAYA 25:18

Ba nɛ: Jerusalɛm arɩ Juda tasɩŋ dɔnsʋŋ kala, ba kuoroo arɩ ba tɩntɩnnɩ-hɩasɩŋ, dɩ ʋ jaŋ cheiba dɩ ba ŋaa mɔmɩa dɩ nɩaa sisieri ba lɛ, dɩ nɩaa naba dɩ fawʋllʋŋ kɛmba dɩ ba hihirigi, aŋ kɛŋ ba yɩrɩŋ ŋmɩɛsa hɩhɛ nɩaa lɛ, arɩ ba sɩ nagɛ ŋɩɩ jɩnɩmba,

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 29:18

Mɩ jaŋ joŋ laalɩŋ, losuŋ arɩ nyanyal-bɔmʋŋ a kire to ba harɩŋ. Mɩ jaŋ leŋ dɩ ba kɛŋ nyɛsɩŋ dʋnɩa kuori-gentisiŋ nɩaa kala teeŋ, dɩ nɩaa kɛŋ ba yɩrɩŋ ŋmɩɛsa hɩhɛ dɔŋɔ lɛ. Nɩaa jaŋ naba dɩ fawʋllʋŋ kɛmba dɩ ba hihirigi. Tinteye-la kala lɛ mɩ sɩ kiriba hɛ, nɩaa jaŋ sisieri ba lɛ a mʋmɔmba.

JƐRƖMAAYA 49:17

Ɛdɔm jaŋ bɩrɩmɛ kʋŋ sɩ kɛŋ fawʋllʋŋ, dɩ nɩaa na a hihirigi. Ʋ wɩaa jaŋ kperi nɩalɩŋ kala sɩ to nɩmɛ bɩbal, dɩ ba sisieri ʋ lɛ a tɩŋ ŋɩɩ ba sɩ cheyu.

JƐRƖMAAYA 49:33

Hazɔ jaŋ bɩrɩmɛ jolluŋ dɩjʋʋlʋŋ. Ʋ jaŋ pɩŋ hoi a kaa mʋ wuu. Nʋʋkala bɩ jaŋ hɛ nɩmɛ, nʋʋkala bɩ jaŋ jʋjʋʋ nɩmɛ.”

JƐRƖMAAYA 51:29

Fawʋllʋŋ kɛŋ dʋnɩa nɩaa nɛ ba chichel, bɛɛ wɩaa wɩɩ-la mɩ-na ma TƖƖNA sɩɩ chɛ dɩ mɩ ŋaa Babɩlɔŋ nɩaa lɛ chɩna nɛ. Mɩ jaŋ leŋ dɩ Babɩlɔŋ tinteeŋ pɩŋ hoi, dɩ nʋʋkala sɩ nɩmɛ hɛ.

JƐRƖMAAYA 9:11

La TƖƖNA sɩ, “Mɩ jaŋ leŋ dɩ Jerusalɛm pɩŋ jikpeeŋ, a ŋaa jolluŋ dɩjʋʋlʋŋ. Mɩ jaŋ leŋ dɩ Juda tasɩŋ pɩŋ hoi, dɩ nʋʋkala sɩ́ wuo hɔŋ lee-la.”

MƖKA 6:16

bɛɛ wɩaa ma to kuoro Omiri naabʋɔsʋŋ nɛ, a ŋaa wɩalɩŋ kala kuoro Ahab dɩa nɩaa sɩ ŋaa. Ma to ba naabarɩŋ wʋŋaalaa nɛ. Ŋɩɩ wɩaa mɩ jaŋ cheima, a leŋ dɩ nɩaa kɛmma ŋmoo gbɛɛŋ. Tinteyee nɩaa jaŋ mɔmma.”

NAHUM 3:6

Mɩ jaŋ joŋ disiŋ-jɩgɩŋ hɛ ŋ lɛ, a leŋ dɩ ŋ ŋaa ta-tɔɔ, dɩ nʋʋkala nɛ naŋ, ʋ chaarɛ sɩaa pɛ ŋ lɛ.

ZEFANAAYA 2:15

Wɩɩ-la sɩ jaŋ ŋaa tabal-la nɩaa fa sɩ hɔnɔ ta jɩa, wɩɩ bɩ baa walɩmɛ lɛ nɛ ŋɩɩ. Tabal-la fa bʋl ʋ tɩtɩa lɛ, “Mɩ-na nɛ hɛ nɩmɛ, kʋŋkala tuo a magɛmɛ.” Ʋ nɛ mɩɩra pɩŋ jikpeeŋ ŋɩɩ a ŋaa baga kɩaa dɩjʋʋlʋŋ. Nɩalɩŋ kala sɩ tou bɩbal yie sieri ʋ lɛ aŋ kɛŋ nɩsɩŋ liese dɩdagɛ.

Jɔɔŋ Wʋnaalaa 18:2

Ŋɩɩ nɛ ʋ faasa suri ʋ yikoro a bʋl, “Babɩlɔŋ tele, Babɩlɔŋ tabal-la tele. Ʋ lɛɛlɛ bɩrɩmɛ jɩŋ-bɔŋŋɔɔ arɩ diibiisiŋ sɩ kɛŋ disiniŋ arɩ kɩalɩŋ ba sɩɩ kɩɩsʋ kala dɩjʋʋlʋŋ nɛ.