JƐRƖMAAYA 51:36 - WƖA TENIŊ

³⁶ Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: “Mɩ jaŋ chɩŋ ma harɩŋ a joŋ ma chɩmɩŋ tiŋ ba lɛ. Mɩ jaŋ leŋ dɩ ʋ mʋgʋ-balɩŋ lɩɩŋ hʋ, aŋ leŋ dɩ ʋ lɩɩ-bul-sɩaa ma hɩl.

JƐRƖMAAYA 51:36 ပူးပေါင်းရင်းမြစ်များ

WƖA YƖƖLAA 107:33

Ʋ nɛ leŋe fuonuŋ bɩrɩmɛ tintee-hɩlɩŋ, a ŋaa lɩɩ-bul-sɩaa tɔ.

WƖA YƖƖLAA 140:12

La Tɩɩna, mɩ jɩma ŋ chɩŋ summoo harɩŋ nɛ, a chɩna gbɛrɛ dɩ nɩaa joŋ wʋtɩtɩɩ a to nɩalɩŋ sɩ bɩ ba tɩtɩa lɛ wuo pɛ.

NAMAGABA 22:23

bɛɛ wɩaa, La Tɩɩna jaŋ laa bʋla pɩba a chei nɩalɩŋ sɩɩ cheiba.

NAMAGABA 23:11

bɛɛ wɩaa Wɩa doluŋ kala Tɩɩna nɛ chɩŋ ba harɩŋ. Ʋ jaŋ laa ba wɩɩŋ bʋla pɩba a leŋ dɩ ŋ laa cheeriŋ.

AZAAYA 19:5

Naayɩl fuo-la lɩɩŋ jaŋ hʋ, dɩ fuo-bʋa-la tʋɔŋ kala hɩl.

AZAAYA 43:14

Wɩɩ-la La TƖƖNA, ma Laataara Iziral tɩŋŋaa Wɩa sɩ bɩ disiniŋ kɛnɛ sɩ bʋla nɛ ŋ-la: “Ma wɩaa nɛ tɩɩ mɩ jaŋ ŋaa dɩ laalɩyuoroo mʋ Babɩlɔŋ a chei taŋ-la kala. Ba babiibal goŋ-la ba sɩɩ ŋaa jaŋ bɩrɩmɛ yele.

AZAAYA 44:27

Dɩ mɩ nɛ kpɩa fuonuŋ arɩ mʋgʋ-balaa lɛ, ba kala jaŋ hʋ.

JƐRƖMAAYA 50:38

Mɩ jaŋ kɛŋ hɩlɩŋ kʋ hɛ ba fuonuŋ lɛ. Ba lɩɩŋ jaŋ hʋ, bɛɛ wɩaa, tɔŋŋɔɔ nɛ su ba tinteeŋ kala, nɩalɩŋ chaasa joŋ ba nyuŋ kala hɛ tɔmɔ-la lɛ. Mɩ-na ma TƖƖNA nɛ bʋla.

JƐRƖMAAYA 51:11

Má taa ma to-hɛŋŋɛɛ, aŋ paa ma hɔɔtaalɩ-la ma sɩ kaa kɛrɛɛ laa bayuori hɛŋŋɛɛ. La TƖƖNA yigi Media tɩŋŋaa kuoroo hɛ nɛ, bɛɛ wɩaa ʋʋ chɛ ʋ chei Babɩlɔŋ nɛ. La TƖƖNA jaŋ joŋ ʋ baanɩŋ tiŋ ʋ lɛ a tɩŋ ʋ dɩɩ-bal-la wɩaa.

JƐRƖMAAYA 51:6

Má fá lɩɩ Babɩlɔŋ lɛ. Má fá a laa ma mɩɩsɩŋ. Má sɩ́ ma tɩtɩa chei a tɩŋ ʋ wʋbɔŋŋɔɔ wɩaa. Bʋa-la yie nɛ dɩ mɩ-na ma TƖƖNA joŋ mɩ baanɩŋ tiŋ ʋ lɛ, mɩ jaŋ dɔgɩsʋ ŋɩɩ sɩ maga.

ƐZƖKƖƐL 25:14

Mɩ jaŋ leŋ dɩ mɩ nɩaa Iziral tɩŋŋaa ŋaa wɩaa tiŋ chɩmɩŋ Ɛdɔm tɩŋŋaa lɛ a pɩmɛ. Ba jaŋ kɛŋ mɩ baanɩŋ a ŋaa wɩaa Ɛdɔm tɩŋŋaa lɛ. Ɛdɔm tɩmma-la jaŋ jɩŋ ŋɩɩ mɩ baanɩŋ sɩ naga. Mɩ-na ma TƖƖNA Wɩɩjarɩbakɔ nɛ bʋla.”

HOSIA 13:15

Efirem pʋŋa yʋgɛ nɛ woruŋ ʋ naambiiriŋ tʋɔŋ, ama La TƖƖNA jaŋ leŋ dɩ peliŋ lɩɩ wɩɩpɔsʋŋ dɩɩrɩŋ a kɔ a lu lɩɩ tintee-hɩlɩŋ, dɩ ʋ lɩɩ-bul-sɩɩŋ tɔ, dɩ ʋ viliŋ ma hɩl. Ba jaŋ jʋʋ dii ʋ chʋgʋsʋŋ dɩa a paa dʋa-la kala ʋ sɩ bile.

Rom Tɩŋŋaa 12:19

Mɩ nandɔsɛ, dɩ nɩaa nɛ ŋaa wʋbɔŋŋɔɔ ma lɛ, má sɩ́ ba chɩmɩŋ tiŋ. Má leŋ dɩ Wɩa nɛ na baanɩŋ ba nyuŋ, a tiŋ ba chɩmɩŋ. Ba ŋmʋnsɛ ŋɩɩ Wɩa teniŋ tʋɔŋ arɩ Wɩa sɩ, “Mɩ jaŋ laa yuo pɩma, a tiŋ ma chɩmɩŋ.”

MOSIS BƖRA WULLI WƖA WOMBIIŊ 32:35

Mɩ jaŋ laa yuo pɩma a tiŋ ma chɩmɩŋ bʋa-la lɛ sɩ maga. Bʋa kʋbala jaŋ yi dɩ ba sɩɛrɛ. Bʋa-la lɛ wʋlɔrʋnʋŋ sɩ jaŋ ŋaa ba lɛ kpagɛ nɛ, ba sʋʋŋ yie nɛ.”

MOSIS BƖRA WULLI WƖA WOMBIIŊ 32:43

Tinteyee nɩaa, ma pɛ La TƖƖNA nɩaa lɛ a jʋɔsɛ, La TƖƖNA jaŋ chɩŋ ʋ nɩaa nyuŋ a laa ba yuosuŋ yuo, aŋ joŋ ʋ nɩaa wʋbɔŋŋɔɔ chɛba aŋ pɩɩsɛ ba tinteeŋ disiniŋ ta.

Jɔɔŋ Wʋnaalaa 16:12

Ŋɩɩ nɛ Wɩa tɩndaarɩ-dʋ-la joŋ ʋ gbaŋa arɩ Wɩa baanɩŋ a bɩsa hɛ fuo-bal kʋbala baa yɩrɛ Yufireti lɛ. Ŋɩɩ nɛ fuo-la kala hʋ aŋ ka wombiiŋ pɩ kuorusu-la sɩ lɩɩ wɩɩpɔsʋŋ dɩɩrɩŋ kʋkɔ.