JƐRƖMAAYA 51:31 - WƖA TENIŊ

³¹ Tɩndaaraa paa puu dɔŋɔ nɛ, dɩ ba mʋ heele pa Babɩlɔŋ kuoro arɩ ba yuo dii ʋ tabalɩŋ kala nɛ.

JƐRƖMAAYA 51:31 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 30:6

Kuoro arɩ ʋ tɩntɩnnɩ-hɩasɩŋ hɛ nɩaa ba kɛŋ tenniŋ gɔllɛ Iziral arɩ Juda tinteeŋ kala. Ŋ-la nɛ ba ŋmʋnsa hɛ tenni-la tʋɔŋ: “Iziral tɩmma, má mɩɩra kɔ La TƖƖNA, Abɩraham, Aɩzɩk arɩ Jekɔb Wɩa teeŋ, ma nɩkaana-la sɩ fori Asiiria kuoroo nɩsɩŋ lɛ, ʋ jaŋ laama.

ƐSƖTA 8:10

Modikaaya ŋmʋnsɛ tenni-la kuoru Zɛzɛs yɩrɩŋ lɛ nɛ a joŋ nenii-pɩrɩ-la kuoro sɩ kaa magɩlɛ ʋ tenniŋ a magɩlɛ, dɩ tɩndaaraa laa tenni-la a jɩl kuoro janɩ-la sɩ faasa fá, a kaa gɔllɔ kpaa.

ƐSƖTA 8:14

Kuoro ŋaa tɩndaara-la laa tenni-la a jɩl kuoro janɩ-la sɩ faasa fá woruŋ a kaa lɩɩ. Ka ba heeli wɩɩ-la kuoro bile ba tabalɩŋ Susa ma lɛ.

JOB 9:25

Mɩ tapʋlaa ka bal nɛ lɩma lɩma, a kɩɩ nɩa sɩɩ fá, baa bal nɛ, ba paala bɩ tʋɔtɔrʋŋ mʋa ma kɛnɛ mɩ teeŋ.

JƐRƖMAAYA 4:20

Wʋlɔrʋnʋ-la lɩa aŋ ka pɩpɩ dɔŋɔ nɛ. Tintee-la kala pɩŋ jikpeeniŋ nɛ. Ba guu chei mɩ lɛŋŋɛɛ nɛ, a kɩɛsɛ ba patɩɩsamba kala muno muno.

JƐRƖMAAYA 50:2

“Heele bʋl tinteyee tʋɔŋ, kɛŋ jɔnjɔŋ je a heele bʋlʋ, sɩ́ wɩɩkala joŋo faa, ama bʋl, ‘Ba jaŋ yuo dii Babɩlɔŋ. Ba jaŋ hɛ vene-la ba sɩɩ yɩrɛ Bɛl hɩɩsɩŋ, fawʋllʋŋ jaŋ faasa jʋʋ vene-la ba sɩɩ yɩrɛ Maduk. Ʋ kɩalɩŋ ba sɩ mɛ kala jaŋ dii hɩɩsɩŋ dɩ fawʋllʋŋ faasa kɛŋ ba tɔŋŋɔɔ.’

JƐRƖMAAYA 50:24

Babɩlɔŋ, mɩ hɛ bɛrɛ nɛ a bil ŋ lɛ, ŋ jaŋ jɩjɩŋ dɩ ʋ kɛnɩŋ. Ba naŋ nɛ a yuo kɛnɩŋ, bɛɛ wɩaa ŋ lɩɩ mɩ-na ma TƖƖNA harɩŋ nɛ.

JƐRƖMAAYA 50:43

Babɩlɔŋ kuoro nɩɩ ba wɩaa nɛ, ʋ nɩsaa sʋʋ mɛrɛ. Hɛɛŋ jʋʋ-ʋ nɛ ʋ nɩna hɛɛŋ a nagɛ haala sɩɩ chɛ ʋ lʋl ʋ luoruŋ wʋwɩɩ.

JƐRƖMAAYA 51:32

Ba laa lere-la kala ba sɩ to chuchol ba fuonuŋ nɛ, a nyɩgɛ ba ya-lugunuŋ kala, fawʋllʋŋ kɛŋ ba laalɩyuoroo.”

DANƖƐL 5:30

Tɩtaŋ-la tɩtɩa nɛ ba kpʋ Babɩlɔŋ kuoro Bɛlɩsaza.