JƐRƖMAAYA 51:30 - WƖA TENIŊ

³⁰ Babɩlɔŋ laalɩyuori babiibalaa leŋ yuosuŋ nɛ. Ba ka ba dɩ-duoruŋ lɛ nɛ. Ba doluŋ dɛrɛ nɛ. Ba mɩɩra nagɛ haalaa nɛ. Ba chol nyiniŋ hɛ ʋ d-jʋʋlaa kala lɛ nɛ. Ba bori ʋ boi-baalaa doloo kala nɛ.

JƐRƖMAAYA 51:30 ပူးပေါင်းရင်းမြစ်များ

WƖA YƖƖLAA 107:16

Ʋ ŋmoo boi-baala-la kala ba sɩ kɛŋ kɔlɩɩŋ ŋaa lo nɛ, a bori hɔɔ-daa-doloo.

WƖA YƖƖLAA 147:13

Ʋ nɛ ŋaa ma taŋ boi-baalaa kɛŋ doluŋ, aŋ ŋaa wʋzɔŋŋɔɔ ma pɩ ma nɩaa sɩ hɛ taŋ-la lɛ.

WƖA YƖƖLAA 76:5

Ba laalɩyuori babiibalaa sɩ yuo laa kɩalɩŋ, ba kala nɛ ba kaa laa. Ka ba lɛɛlɛ pɩŋ a nagɛ ba sʋba, laalɩyuori babiibala-la kʋbala ma bɩ ʋ nandaa wuo kaa je.

AZAAYA 19:16

Tapʋlɩɩ-la La TƖƖNA sɩ jaŋ dɔgɩsɛ Ijipiti tɩŋŋaa, ba kala jaŋ nagɛ haalaa. Fawʋllʋŋ jaŋ jʋʋba dɩ ba chichel, dɩ ba nɛ na La TƖƖNA doluŋ kala Tɩɩna dɩ ʋ je ʋ nɩsɩŋ ba lɛ.

AZAAYA 47:14

Nɩalɩŋ tɩtɩa sɩ bʋl wɩalɩŋ pɩpɩŋ nagɛ ya-yʋalaa nɛ, nyiniŋ jaŋ diiba. Ba bɩ jaŋ wuo laa ba tɩtɩa ta nyiŋ-la lɛ. Nʋʋ paala bɩ nyiŋ-la wuo kpagɛ ma a saa wiwieni.

JƐRƖMAAYA 48:41

Ba jaŋ yuo dii tabala-la a laa ba dɩ-duoruŋ. Tapʋlɩɩ-la, Mʋab bayuoroo tʋɔŋ jaŋ wʋwɩɩ a nagɛ haala sɩɩ chɛ ʋ lʋl ʋ luoruŋ wʋwɩɩ ŋɩɩ.

JƐRƖMAAYA 50:15

Má ŋaa goŋ hɛ ʋ lɛ sɛmɛ kala. Ʋ joŋ ʋ tɩtɩa pa nɛ. Ʋ dɩɩ-leŋee tele nɛ, ba yigi ʋ jebiee ma lo. Mɩ-na ma TƖƖNA joŋ mɩ baanɩŋ tiŋ Babɩlɔŋ lɛ nɛ, mɩ joŋo timu nɛ. Ŋɩɩ ʋ sɩ ŋaa nɩaa lɛ, ŋɩɩ nɛ mɩ ma joŋo ŋaa ʋ lɛ.

JƐRƖMAAYA 51:32

Ba laa lere-la kala ba sɩ to chuchol ba fuonuŋ nɛ, a nyɩgɛ ba ya-lugunuŋ kala, fawʋllʋŋ kɛŋ ba laalɩyuoroo.”

JƐRƖMAAYA 51:57

Mɩ jaŋ ŋaa dɩ ʋ tɩntɩnnɩ-hɩasɩŋ arɩ ʋ wʋjɩnnaa kala bugi, a pɛ ʋ tinteeŋ nɩhɩasɩŋ lɛ, ʋ tɩntɩnnaa arɩ ʋ laalɩyuoroo. Ba jaŋ pɩŋ doŋ a kaa mʋ wuu, ba bɩra bɩ jaŋ sii. Mɩ-na ma TƖƖNA doluŋ kala Tɩɩna sɩ ŋaa kuoro nɛ bʋla.”

JEMBIEE 2:9

Zaayɔŋ boi-baalaa tele nɛ hagɩla tɔ, ba daadoloo bori a chei. Ba kɛŋ ʋ kuoro arɩ ʋ sɩpaalaaraa mʋ yoŋ-baga nɛ, ba guoli tinteyee nɩaa tʋɔŋ. Ba bɩra bɩ wɩalɩŋ ba sɩ ŋmʋnsa bil dɩ ba tuto ka dagɛ. Wɩa wʋlaabʋlla-la sɩ hɛ ʋ lɛ bɩra bɩ wɩaa ka na arɩ duosoo tʋɔŋ La TƖƖNA teeŋ.

AMƆS 1:5

Mɩ jaŋ ŋmoo Damasɩkʋs boi-baalɩŋ lo, aŋ chei nɩalɩŋ sɩ hɛ Avɛŋ fuonaaŋ lɛ (Avɛŋ bʋbʋɔŋ nɛ wʋbɔŋŋɔɔ), a chei nɩɩ-la ma sɩɩ beŋ taŋ-la ba sɩɩ yɩrɛ Bɛf Ɛdɛŋ. (Bɛf Ɛdɛŋ bʋbʋɔŋ nɛ tʋɔtɔrʋŋ dɩa.) Ba jaŋ yuo kɛsɛ Siiria tɩŋŋaa a kaa mʋ yoŋ-baga Kɩɩ tinteeŋ.” La Tɩɩna nɛ bʋla.

NAHUM 3:13

Beŋ ŋ laalɩyuoroo na, ba kala nagɛ haalaa nɛ. Nyiniŋ dii ŋ tinteeŋ boi-baalaa kala nɛ, ba suro chɩŋ a pɩ ŋ dʋndɔŋŋɔɔ.

Jɔɔŋ Wʋnaalaa 18:10

Dɩ ba nɛ beŋ hɛɛ-la taŋ-la nɩaa sɩɩ na, fawʋllʋŋ jaŋ kɛmba. Ba jaŋ chɩŋ dɩ-bolii a ŋmoo niiŋ bʋl, “Ou, ou, tabalɩŋ deeŋ, tabal-la ba sɩɩ yɩrɛ Babɩlɔŋ sɩ kɛŋ doluŋ, ʋ bɩ diene ka ba dɔgɩsʋ.”