JƐRƖMAAYA 51:29 - WƖA TENIŊ

²⁹ Fawʋllʋŋ kɛŋ dʋnɩa nɩaa nɛ ba chichel, bɛɛ wɩaa wɩɩ-la mɩ-na ma TƖƖNA sɩɩ chɛ dɩ mɩ ŋaa Babɩlɔŋ nɩaa lɛ chɩna nɛ. Mɩ jaŋ leŋ dɩ Babɩlɔŋ tinteeŋ pɩŋ hoi, dɩ nʋʋkala sɩ nɩmɛ hɛ.

JƐRƖMAAYA 51:29 ပူးပေါင်းရင်းမြစ်များ

AZAAYA 14:16

Nɩalɩŋ sɩ naŋ tuo bibeniŋ nɛ, a kɛŋ ŋ nagɩŋ bɩbɩɩnɛ a bʋl, ‘Baala deeŋ dee fa bɩ tinteeŋ kaa zigili ŋɩɩ, a leŋ kuori-gentisiŋ chel,

AZAAYA 24:20

Tinteeŋ jaŋ begili a nagɛ nɩa sɩ bugo a gɩgɛrɛ. Ʋ jaŋ nagɛ lɛbɩŋ sɩ chɩna peliŋ kaa viisi, ʋ bɩ dɩ-bala wuo chɩŋ. Dʋnɩa nɩaa wʋcheelee jaŋ leŋ dɩ dʋnɩa tel, ʋ bɩra bɩ jaŋ wuo sii.

JƐRƖMAAYA 10:10

Ama La TƖƖNA nɛ ŋaa Wɩɩ-tɩtɩɩ. Ʋ nɛ Wɩa sɩ weye. Ʋ nɛ kuoru-bal-la sɩ hɛ nɩmɛ a kaa mʋ deeŋ deeŋ. Dɩ ʋ nɛ na baanɩŋ, tinteeŋ yie zigili nɛ. Dɩ ʋ baanɩŋ nɛ sie, tinteyee bɩ jaŋ wuo chɩŋ.

JƐRƖMAAYA 50:13

A tɩŋ mɩ-na ma TƖƖNA sɩ na baanɩŋ wɩaa, nʋʋkala bɩ jaŋ hɛ ʋ lɛ. Ama ʋ kala jaŋ pɩŋ jikpeeŋ. Nɩalɩŋ kala sɩ to Babɩlɔŋ bɩbal, ʋ wɩaa jaŋ kperiba a tɩŋ ŋɩɩ ba sɩ cheyu.

JƐRƖMAAYA 50:36

Laalɩŋ jaŋ jʋʋ ba nɩalɩŋ sɩ nyɩɛ wɩaa arɩ ba ŋaa mɩ wʋlaabʋllaa nɛ. Ba jaŋ bɩrɩmɛ nɩyaaraa. Laalɩŋ jaŋ jʋʋ ba bayuoroo. Fawʋllʋŋ jaŋ faasa jʋʋba.

JƐRƖMAAYA 50:43

Babɩlɔŋ kuoro nɩɩ ba wɩaa nɛ, ʋ nɩsaa sʋʋ mɛrɛ. Hɛɛŋ jʋʋ-ʋ nɛ ʋ nɩna hɛɛŋ a nagɛ haala sɩɩ chɛ ʋ lʋl ʋ luoruŋ wʋwɩɩ.

JƐRƖMAAYA 50:45

Ŋɩɩ wɩaa, má jegile nɩɩ wɩɩ-la La TƖƖNA sɩ bɩɩna tɩgɛ Babɩlɔŋ lɛ, wɩɩ-la ʋ sɩ bɩɩna dɩ ʋ ŋaa Babɩlɔŋ nɩaa tinteeŋ lɛ nɛ ŋ-la: Ba jaŋ kɛsɛ ba biiriŋ a lɛrɛ viiri. Ʋ jaŋ chei ba pʋsʋŋ dɩ-diiliŋ gbelem gbelem a tɩŋ ba wɩaa.

JƐRƖMAAYA 50:46

Dɩ Babɩlɔŋ nɛ tele, dʋnɩa jaŋ jigisi. Tinteyee nɩaa jaŋ nɩɩ ba nii-ŋmobo.

JƐRƖMAAYA 51:26

Ba bɩ jaŋ joŋ tabɩɩ kala ŋ lɛ a kaa bil je-gʋnʋŋ tiebiiŋ, koo a kaa bil dɩa gentine, bɛɛ wɩaa ŋ jaŋ pɩŋ hoi a kaa mʋ wuu. Mɩ-na ma TƖƖNA nɛ bʋla.

JƐRƖMAAYA 51:28

Má leŋ dɩ tinteye-la ŋaa siri a mʋ yuou: Media kuoroo, ba tinteyee nɩhɩasɩŋ arɩ ba tɩntɩnnɩ-hɩasɩŋ kala, arɩ tinteye-la kala ba sɩɩ beŋ.

JƐRƖMAAYA 51:37

Babɩlɔŋ jaŋ pɩŋ jikpeeŋ a nagɛ pupuluŋ, a bɩrɩmɛ jolluŋ dɩjʋʋlʋŋ, a kɛŋ fawʋllʋŋ dɩ nɩaa sisieri ʋ lɛ. Nʋʋkala bɩ jaŋ hɛ nɩmɛ.

JƐRƖMAAYA 51:43

Ʋ tasɩŋ jaŋ pɩŋ hoi, a ŋaa tintee-hɩlɩɩ, ʋ jaŋ ŋaa tintee nʋʋkala sɩ bɩ jaŋ hɔŋ. Nʋʋkala bɩ jaŋ to nɩmɛ bal.

JƐRƖMAAYA 8:16

La nɩɩ la dʋndɔŋŋɔɔ janɩŋ sɩ ŋmʋʋ mɩɩsɩŋ a lɩɩ Daŋ tinteeŋ nɛ. Ba janɩ-la yele leŋe tintee-la kala zigili nɛ. Ba kɔ dɩ ba yuo dii la tinteeŋ nɛ a chei kʋŋkala sɩ hɛ ʋ lɛ, la tabal-la arɩ nɩalɩŋ kala sɩ hɛ nɩmɛ.”

JOWƐL 2:10

Dɩ ba nɩɩ kɔ, tinteeŋ yie zigili nɛ, wɩa-nyuŋ ma dʋdɔŋ, wɩɩpɔsʋŋ arɩ chɛnɛ ma yie biri, chɛnwʋlaa ma bɩra bɩ chaanɛ.

AMƆS 8:8

Ma tinteeŋ jaŋ zigili a tɩŋ ma wʋŋaalaa wɩaa, dɩ ma nɩalɩŋ kala sɩ hɛ ʋ lɛ yel. Tintee-la kala jaŋ sii aŋ bɩra tuu pɩŋ a nagɛ Ijipiti tinteeŋ fuo-la ba sɩɩ yɩrɛ Naayɩl fa sɩ sii ŋɩɩ aŋ bɩra tuu pɩŋ.”

Jɔɔŋ Wʋnaalaa 18:2

Ŋɩɩ nɛ ʋ faasa suri ʋ yikoro a bʋl, “Babɩlɔŋ tele, Babɩlɔŋ tabal-la tele. Ʋ lɛɛlɛ bɩrɩmɛ jɩŋ-bɔŋŋɔɔ arɩ diibiisiŋ sɩ kɛŋ disiniŋ arɩ kɩalɩŋ ba sɩɩ kɩɩsʋ kala dɩjʋʋlʋŋ nɛ.