JƐRƖMAAYA 51:27 - WƖA TENIŊ

²⁷ Má kɛŋ tuuta je tintee-la lɛ. Má ŋmʋʋ banyilliŋ tinteyee lɛ. Má leŋ dɩ tinteye-la nɩaa ŋaa siri a yuo Babɩlɔŋ. Má yɩrɛ kuori-gentisiŋ deemba kala hɛ ʋ lɛ: Ararat, Mini arɩ Asɩkɛnas. Má lɩɩsɛ laalɩyuori-hɩaŋ dɩ ʋ laa nɩalɩŋ sɩpaaŋ dɩ ba mʋ yuou. Má leŋ dɩ janɩŋ mʋ ʋ lɛ a nagɛ hɔbɩ-laalɩŋ.

JƐRƖMAAYA 51:27 ပူးပေါင်းရင်းမြစ်များ

WƖAA DƖ-SUOMUŊ 10:3

Goma ma hambolibiisiŋ nɛ fa ŋaa: Asɩkɛnas, Rɩfaf arɩ Togaama.

WƖAA DƖ-SUOMUŊ 8:4

Ʋ chɛŋ-pɛmɩŋ tapʋlaa fii arɩ balɩpɛ sɩ kiele, lɩɩŋ daboro-la tuu sagɛ peel-la ba sɩɩ yɩrɛ Ararat nyuŋ.

2 KUOROO 19:37

Tapʋlɩɩ kʋbala Sanakɛrɩb sii a jʋʋ vene-la ba sɩɩ yɩrɛ Nɩsɩrɔk dɩa a kpʋkpaarɛ, ŋɩɩ nɛ ʋ hambolibiisiŋ balɩa, Adɩramɛlɛk arɩ Sarɛza jʋʋ kpʋʋ arɩ tokobiiŋ, aŋ lɩɩ fá mʋ Ararat tinteeŋ. Ka ʋ nanʋala dɔŋɔ ba sɩɩ yɩrɛ Asahadɔŋ dii kuoruŋ.

1 IZIRAL TƖŊŊAA NAABARƖŊ 1:6

Goma ma hambolibiisiŋ nɛ fa ŋaa: Asɩkɛnas, Rɩfaf arɩ Togaama.

AZAAYA 18:3

Ma dʋnɩa nɩaa kala, má jegile nɩɩ, dɩ ba nɛ kɛŋ jɔnjɔŋ je peeliŋ nyuŋ, ma jaŋ naʋ, dɩ ba nɛ ŋmʋʋ banyile ma, ma jaŋ nɩɩ.

AZAAYA 37:38

Tapʋlɩɩ kʋbala Sanakɛrɩb sii a jʋʋ vene-la ba sɩɩ yɩrɛ Nɩsɩrɔk dɩa a kpʋkpaarʋ, ŋɩɩ nɛ ʋ hambolibiisiŋ balɩa, Adɩramɛlɛk arɩ Sarɛza jʋʋ kpʋʋ arɩ ba tokobiiŋ, aŋ lɩɩ fá mʋ Ararat tinteeŋ. Ka ʋ nanʋala dɔŋɔ ba sɩɩ yɩrɛ Asahadɔŋ dii kuoruŋ.

JƐRƖMAAYA 25:14

Babɩlɔŋ tɩmma-la jaŋ ŋaa tintee daŋ nɩaa arɩ kuori duoruŋ yosi. Mɩ jaŋ timba a tɩŋ ba mɛlɛ arɩ ba wʋŋaalaa wɩaa.”

JƐRƖMAAYA 46:23

Ba jaŋ keri ʋ duuŋ tɩɩsɩŋ kala lo, arɩ ʋ sɩ faasa jʋʋ dɔŋɔ ma kala. Mɩ-na ma TƖƖNA nɛ bʋla. Ba yʋga a kɩɩ hɔbɔ, nʋʋ bɩ ba wuo dɩɩsɛ.

JƐRƖMAAYA 50:2

“Heele bʋl tinteyee tʋɔŋ, kɛŋ jɔnjɔŋ je a heele bʋlʋ, sɩ́ wɩɩkala joŋo faa, ama bʋl, ‘Ba jaŋ yuo dii Babɩlɔŋ. Ba jaŋ hɛ vene-la ba sɩɩ yɩrɛ Bɛl hɩɩsɩŋ, fawʋllʋŋ jaŋ faasa jʋʋ vene-la ba sɩɩ yɩrɛ Maduk. Ʋ kɩalɩŋ ba sɩ mɛ kala jaŋ dii hɩɩsɩŋ dɩ fawʋllʋŋ faasa kɛŋ ba tɔŋŋɔɔ.’

JƐRƖMAAYA 50:3

Tinteeŋ nɩaa jaŋ lɩɩ wɩɩpɔsʋŋ nagʋa dɩɩrɩŋ a kʋ yuou, a leŋ dɩ ʋ tinteeŋ pɩŋ hoi. Nʋʋkala bɩ jaŋ hɛ nɩmɛ. Nuhuobiinee arɩ pʋsʋŋ jaŋ fá viiri.”

JƐRƖMAAYA 50:9

Mɩ jaŋ yigi tintee duoruŋ sɩ kʋ hɛ dɔŋɔ a hɛ Babɩlɔŋ lɛ, a lɩɩ wɩɩpɔsʋŋ nagʋa dɩɩrɩŋ. Ba jaŋ chɩŋ ba dɩchɩnaa a yuo dii tintee-la. Ba nagɛ bayuori wajɩaba nɛ, ba to-hɛŋŋɛɛ bɩ tinteeŋ ka tuu.

JƐRƖMAAYA 51:12

Má kɛŋ tuuta je dɩ ba mʋ ŋmoo kɛrɛ-la sɩ golli Babɩlɔŋ a lo. Má leŋ dɩ laalɩyuoro-la sɩɩ pɔ leriŋ faasa yʋgɛ, a chɩŋ ba dɩchɩnaa a bibeŋ. Má leŋ dɩ laalɩyuoro faa a pɔ. La TƖƖNA jaŋ ŋaa wɩalɩŋ ʋ sɩɩ chɛ ʋ ŋaa, wɩalɩŋ ʋ sɩ daga arɩ ʋ jaŋ ŋaa Babɩlɔŋ nɩaa lɛ.

JƐRƖMAAYA 51:14

La TƖƖNA doluŋ kala Tɩɩna ŋmɩɛsɛ ʋ tɩtɩa: Mɩ jaŋ leŋ dɩ ma tasɩŋ su arɩ nɩaa, a nagɛ hɔbɩ-laalɩŋ. Ba jaŋ ŋaa laalɩyuori diiri goŋ ma nyuŋ.

JƐRƖMAAYA 51:28

Má leŋ dɩ tinteye-la ŋaa siri a mʋ yuou: Media kuoroo, ba tinteyee nɩhɩasɩŋ arɩ ba tɩntɩnnɩ-hɩasɩŋ kala, arɩ tinteye-la kala ba sɩɩ beŋ.

JƐRƖMAAYA 6:1

“Bɛnjamɩŋ doho nɩaa, má fá a laa ma tɩtɩa. Má fá lɩɩ Jerusalɛm lɛ. Má ŋmʋʋ banyile taŋ-la ba sɩɩ yɩrɛ Tɛkʋa lɛ! Má hɛ nyiniŋ dɩ ʋ ŋaa magɩl lee-la ba sɩɩ yɩrɛ Bɛf Hakerem lɛ, bɛɛ wɩaa wʋlɔrʋŋ nɛ lɩɩ wɩɩpɔsʋŋ nagʋa dɩɩrɩŋ a kʋkɔ. Ʋ ŋaa wɩɩ sɩ chaasa lɔrɛ nɛ.

JOWƐL 3:9

Má heele bʋl wɩɩŋ deeŋ tinteyee tʋɔŋ: Má kɛŋ ma tɩtɩa hɛ dɔŋɔ a yuo laalɩŋ. Má leŋ dɩ bayuoroo nyɩgɩlɛ. Má leŋ dɩ bayuoro-la kala kʋ kpagɛ a yuo.

AMƆS 3:6

Ba jaŋ wuo ŋmʋʋ laalɩŋ banyile taŋ lɛ ka fawʋllʋŋ bɩ nɩaa ka kɛŋ? Wʋlɔrʋŋ jaŋ wuo ŋaa taŋ lɛ, dɩ mɩ-na ma Tɩɩna dee bɩ kaa kɔ?

ZƐKARƖYA 14:2

Mɩ jaŋ kɛŋ tinteyee nɩaa kala kʋ hɛ dɔŋɔ dɩ ba yuo Jerusalɛm. Ba jaŋ yuo laa tabal-la, a paa ba dɩɩsɩŋ kɩaa, aŋ gurigi ba haalaa. Tabal-la nɩaa kpaa magɛ dɔŋɔ jaŋ mʋ yoŋ-baga, ama nɩkaanaa jaŋ ka tabal-la lɛ.

SƖPAALAARAA 6:5

Ba yie kiri ba pʋsʋŋ aŋ chʋŋ ba lɛŋŋɛɛ a kʋkɔ a nagɛ hɔbɩ-laalɩŋ sɩɩ kɔ. Ŋ bɩ ba dɩ ba bʋntaŋŋaba wuo dɩɩsɛ. Ba yie tɔ tintee-la kala nɛ a cheyu.