JƐRƖMAAYA 51:24 - WƖA TENIŊ

²⁴ La TƖƖNA sɩ, “Ma sɩɩŋ lɛ mɩ jaŋ mɩɩra tiŋ Babɩlɔŋ arɩ nɩalɩŋ kala sɩ hɛ ʋ lɛ, a tɩŋ ba sɩ ŋaa wɩalɩŋ kala sɩ bɩ zɔŋ Zaayɔŋ lɛ.

JƐRƖMAAYA 51:24 ပူးပေါင်းရင်းမြစ်များ

WƖA YƖƖLAA 79:10

Bɛɛ nɛ tɩɩ tinteyee nɩaa jaŋ pɩɛsɛla, “Nɩɩ nɛ ma Wɩa hɛ?” Leŋ dɩ la na dɩ ŋ yuo dii tinteye-la nɩaa sɩ kpʋ nɩalɩŋ sɩ ŋaa ŋ tɩntɩnnaa.

AZAAYA 48:14

Má kala kʋ hilimi, a jegile nɩɩ mɩ teeŋ. Ma tɔmɔ-la kʋbɛɛ nɛ wuo bʋla pɩma arɩ mɩ-na ma TƖƖNA lɩɩsɛ nʋʋ nɛ dɩ ʋ yuo Babɩlɔŋ, a joŋ wɩalɩŋ mɩ sɩ cho a ŋaa ʋ lɛ?

AZAAYA 61:2

Ʋ sɩ mɩ heeli arɩ jɩna-la ʋ-na La TƖƖNA sɩ jaŋ pɛ ʋ nɩaa lɛ arɩ tapʋlɩɩ-la ʋ-na Wɩa sɩ jaŋ joŋ ʋ baanɩŋ a fɩɩsɛ ʋ dʋndɔŋŋɔɔ lɛ yie nɛ, ʋ jaŋ nyagɛ nɩalɩŋ ma sɩɩ yel bɔyɛ.

AZAAYA 66:6

Má nɩɩ dɔmɔ-la sɩɩ dɔŋ tabalɩŋ lɛ, a nɩɩ goŋ-la sɩɩ ŋaa mɩ-na dɩɩ-balɩŋ lɛ. Mɩ-na ma TƖƖNA nɛ joŋ ʋ dʋndɔŋŋɔɔ wʋŋaalaa chɩmɩŋ titiŋ ba lɛ ŋɩɩ.

JƐRƖMAAYA 25:14

Babɩlɔŋ tɩmma-la jaŋ ŋaa tintee daŋ nɩaa arɩ kuori duoruŋ yosi. Mɩ jaŋ timba a tɩŋ ba mɛlɛ arɩ ba wʋŋaalaa wɩaa.”

JƐRƖMAAYA 50:10

Ba jaŋ yuo dii Babɩlɔŋ a paa ʋ kɩaa. Nɩalɩŋ kala sɩ yuo diiu jaŋ paa kɩaa a vɔgɛ.” La TƖƖNA nɛ bʋla.

JƐRƖMAAYA 50:15

Má ŋaa goŋ hɛ ʋ lɛ sɛmɛ kala. Ʋ joŋ ʋ tɩtɩa pa nɛ. Ʋ dɩɩ-leŋee tele nɛ, ba yigi ʋ jebiee ma lo. Mɩ-na ma TƖƖNA joŋ mɩ baanɩŋ tiŋ Babɩlɔŋ lɛ nɛ, mɩ joŋo timu nɛ. Ŋɩɩ ʋ sɩ ŋaa nɩaa lɛ, ŋɩɩ nɛ mɩ ma joŋo ŋaa ʋ lɛ.

JƐRƖMAAYA 51:11

Má taa ma to-hɛŋŋɛɛ, aŋ paa ma hɔɔtaalɩ-la ma sɩ kaa kɛrɛɛ laa bayuori hɛŋŋɛɛ. La TƖƖNA yigi Media tɩŋŋaa kuoroo hɛ nɛ, bɛɛ wɩaa ʋʋ chɛ ʋ chei Babɩlɔŋ nɛ. La TƖƖNA jaŋ joŋ ʋ baanɩŋ tiŋ ʋ lɛ a tɩŋ ʋ dɩɩ-bal-la wɩaa.

JƐRƖMAAYA 51:23

Ŋ nɛ mɩ kaa ŋmoo pie-daaraa arɩ ba piesee pɩsɛ, ŋ nɛ mɩ kaa ŋmoo paara arɩ ʋ nɛ-pɛrɛɛ a pɩsɛ. Ŋ nɛ mɩ kaa ŋmoo tinteyee nɩhɩasɩŋ arɩ ba tɩntɩnnɩ-hɩasɩŋ a pɩsɛ.”

JƐRƖMAAYA 51:35

Zaayɔŋ nɩaa jaŋ bʋl, “Leŋ dɩ dol-la kala Babɩlɔŋ nɩaa sɩ die la lɛ chɩmɩŋ tiŋ ba lɛ.” Jerusalɛm nɩaa ma jaŋ bʋl, “Leŋ dɩ la chal-la kala sɩ jaasa chɩmɩŋ tiŋ Babɩlɔŋ nɩaa lɛ.”

JƐRƖMAAYA 51:49

Babɩlɔŋ tɩŋŋaa kpʋ dʋnɩa nɩaa a yʋgɛ nɛ ama lɛɛlɛ Babɩlɔŋ jaŋ tel a tɩŋ ba sɩ kpʋ Iziral tɩŋŋaa wɩaa.”

JƐRƖMAAYA 51:56

Laalɩyuoro-la sɩɩ chei leriŋ jaŋ kɔ Babɩlɔŋ lɛ. Ʋ jaŋ yuo kɛsɛ Babɩlɔŋ laalɩyuoroo, a bori ba tosuŋ. Mɩ-na ma TƖƖNA Wɩa nɩɩ tiŋ wʋbɔŋ ŋaaraa chɩmɩŋ, mɩ jaŋ timba ŋɩɩ sɩ maga.

JEMBIEE 3:64

La TƖƖNA, joŋ wɩɩ-la sɩ maga a tiŋ ba lɛ wɩɩ-la ba sɩ ŋaa.

Jɔɔŋ Wʋnaalaa 18:20

Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”

Jɔɔŋ Wʋnaalaa 18:24

Babɩlɔŋ lɛ nɛ ba kpʋ Wɩa wʋlaabʋllaa, arɩ Wɩa nɩaa, arɩ nɩalɩŋ kala bɩ sɩ kpʋa dʋnɩa lɛ.”

Jɔɔŋ Wʋnaalaa 6:10

Ŋɩɩ nɛ ba ŋmoo niiŋ vɩl vɩl aa bʋl, “La Tɩɩna Wɩɩjarɩbakɔ, ŋ ŋaa wʋtɩtɩɩ Tɩɩna nɛ a bɩ disiniŋ kɛnɛ, bʋa bɛɛ lɛ nɛ ŋ jaŋ dii dʋnɩa nɩaa sarɩya, aŋ dɔgɩsɛ nɩalɩŋ sɩ kpʋla?”