JƐRƖMAAYA 51:18 - WƖA TENIŊ

¹⁸ Ba bɩ bʋbʋa kala kɛnɛ. Ba ŋaa kɩaa sɩ kɛŋ mɔmʋŋ nɛ. Dɩ ba sarɩya diiniŋ tapʋlʋŋ nɛ yie, ba jaŋ cheiba.

JƐRƖMAAYA 51:18 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 12:12

Tɩtaŋ-la tɩtɩa, mɩ jaŋ gɔllɛ Ijipiti tinteeŋ a kpʋ ba hambolibii-hɩasɩŋ arɩ ba pʋsʋŋ bii-bumbumba sɩ ŋaa belliŋ a leŋ vesi-la kala sɩ hɛ Ijipiti lɛ jɩŋ arɩ ba bɩ kɩaa ŋaa, mɩ nɛ ŋaa ma TƖƖNA.

AZAAYA 19:1

Wɩɩ-la Wɩa sɩ bʋla pɩmɛ a mʋ tɩgɛ Ijipiti lɛ nɛ ŋ-la: La TƖƖNA to duoŋ-bɩlɩmbaanɩŋ lɛ nɛ a faasa fá kʋkɔ Ijipiti lɛ. Ijipiti tɩŋŋaa tɔŋŋɔɔ kala ka chel nɛ ʋ sɩpaaŋ, ʋ nɩaa ma kala nandaasɩŋ yʋɔrɛ.

AZAAYA 2:18

Ʋ jaŋ leŋ dɩ tɔmɔ-la kala nyɩɩgɛ.

AZAAYA 46:1

Babɩlɔŋ vesi-la ba sɩɩ yɩrɛ Bɛɛl arɩ Nɛbɔ wɩaa dɛrɛ nɛ, ba faa kpaarɛba nɛ, ama lɛɛlɛ ba nɛ ba paa hɛ pʋsʋŋ toruko lɛ ŋɩɩ. Ba mɩɩra ŋaa chʋga nɛ a pɩ pʋsʋ-la, ba chʋŋ a bɛsɩmɛ.

AZAAYA 57:12

Ma bɩɩna ma ŋaa tʋɔpʋl tɩmma nɛ, ama mɩ jaŋ wulli ma bʋbʋɔŋ kala.

JƐRƖMAAYA 10:11

Má bʋl ŋ-la pɩ nɩalɩŋ: “Vʋɩyaa deemba ba sɩ to dee bɩ wɩa-nyuŋ arɩ tinteeŋ ŋaa, ba jaŋ nyɩɩgɛ tinteeŋ lɛ a lɛl dʋnɩa kala lɛ.”

JƐRƖMAAYA 10:14

Nʋʋkala chʋʋla nɛ a bɩ wʋjɩmɩŋ kɛnɛ. Hɩɩsɩŋ dii nɩalɩŋ sɩ kɛŋ sɛlɩmɛ libi vʋɩyaa nɛ, bɛɛ wɩaa ba vʋɩya-la bɩ wʋtɩtɩɩ kɛnɛ, ba bɩ wiese ma kɛnɛ.

JƐRƖMAAYA 10:15

Ba bɩ bʋbʋɔ kala kɛnɛ. Ba ŋaa kɩaa sɩ kɛŋ mɔmʋŋ nɛ. Dɩ ba sarɩya diiniŋ tapʋlʋŋ nɛ yie, ba jaŋ cheiba.

JƐRƖMAAYA 10:8

Ba kala ŋaa nɩaa sɩ chʋʋla arɩ nɩyaaraa nɛ. Daasɩŋ ba sɩ kaa ŋaa vʋɩyaa sɩ ŋaa kʋpɛɩba nɩɩ dagɛba wɩaa.

JƐRƖMAAYA 18:15

Ama mɩ nɩaa yʋ mɩ wɩaa nɛ. Ba nyɩgɛ kʋsʋɔrʋsʋŋ a pɩpɩ tɔŋŋɔɔ sɩ ŋaa kʋpɛɩba nɛ. Tɔmɔ-la nɛ leŋe ba titel ba wʋŋaalaa lɛ, a bɩ wombii-bɩnɩa-la ka to. Tɔmɔ-la leŋe ba vɩvɛŋ wombiee ba sɩ vɩa ta lɛ nɛ, wombiee ba sɩ bɩ wasa.

JƐRƖMAAYA 46:25

La TƖƖNA doluŋ kala Tɩɩna, Iziral tɩŋŋaa Wɩa sɩ: “Mɩ ŋaa siri nɛ dɩ mɩ dɔgɩsɛ Tɛbɛs tɩŋŋaa vene-la ba sɩɩ yɩrɛ Amɔŋ, Ijipiti tinteeŋ kuoro, Ijipiti arɩ ʋ vesiŋ arɩ ʋ kuoroo, arɩ nɩalɩŋ sɩ joŋ ba yɩɛlaa hɛ Ijipiti tinteeŋ kuoro lɛ.

JƐRƖMAAYA 48:7

Mʋab, ŋ sɩ joŋ ŋ yɩɛlaa hɛ ŋ wʋŋaalaa arɩ ŋ sɩ kɛŋ kɩaa lɛ ŋɩɩ, ba jaŋ yuo kɛŋ ŋ ma, a joŋ vene-la ba sɩɩ yɩrɛ Chɛmɔs mʋ yoŋ-baga, ʋ dɩ nɩalɩŋ sɩɩ kpaarʋ arɩ ʋ tɩntɩnnɩ-hɩasɩŋ.

JƐRƖMAAYA 50:2

“Heele bʋl tinteyee tʋɔŋ, kɛŋ jɔnjɔŋ je a heele bʋlʋ, sɩ́ wɩɩkala joŋo faa, ama bʋl, ‘Ba jaŋ yuo dii Babɩlɔŋ. Ba jaŋ hɛ vene-la ba sɩɩ yɩrɛ Bɛl hɩɩsɩŋ, fawʋllʋŋ jaŋ faasa jʋʋ vene-la ba sɩɩ yɩrɛ Maduk. Ʋ kɩalɩŋ ba sɩ mɛ kala jaŋ dii hɩɩsɩŋ dɩ fawʋllʋŋ faasa kɛŋ ba tɔŋŋɔɔ.’

ƐZƖKƖƐL 6:6

Ma tasɩŋ kala jaŋ pɩŋ jikpeeniŋ, dɩ ma vesiŋ dɩ-kpaaraa kala tele pɩŋ, dɩ ma tɔŋŋɔɔ arɩ ma vʋɩyaa korunuŋ kala yɛrɛ pɩŋ muno muno. Ma kʋsʋɔrʋsʋŋ korunuŋ jaŋ pɩsɛ, dɩ kʋŋkala ma sɩ ŋaa lɛl.

JONA 2:8

Nɩalɩŋ sɩɩ to vʋɩyaa sɩ ŋaa kʋpɛɩba harɩŋ, bɩ Wɩa lahɔrɩmɔ jaŋ jʋʋ.

ZEFANAAYA 2:11

La TƖƖNA jaŋ chei vʋɩya-la kala sɩ hɛ tintee-la lɛ, dɩ fawʋllʋŋ faasa jʋʋba. Tinteyee kala sɩ hɛ dʋnɩa lɛ jaŋ kpirimi ʋ sɩpaaŋ, nʋʋ na-kala jaŋ ŋaa ŋɩɩ ʋ tɩtɩa tinteeŋ lɛ.

Tɩntɩŋŋaa 14:15

“Nandɔmba, bɛɛ nɛ tɩɩ maa ŋaa ŋ-la? La ma ŋaa nuhuobiinee nɛ a nagɛ ma. La kɔ dɩ la bʋl La Tɩɩna Yesu wʋzɔmɔ-la nɛ a pɩma, dɩ ma wuo leŋ ma vʋɩyaa sɩ ŋaa kʋpɛɩba aŋ bɩrɩma to Wɩa sɩ weye. Ʋ nɛ ŋaa wɩa-nyuŋ, arɩ tinteeŋ, mʋgʋ-balaa arɩ fuonuŋ, arɩ kʋŋkala sɩ hɛ ba lɛ.