JƐRƖMAAYA 51:16 - WƖA TENIŊ

¹⁶ Dɩ ʋ nɛ kpɩa goŋ, lɩɩ-la sɩ hɛ wɩa-nyuŋ yie huuri nɛ. Ʋ yie leŋ duoŋ-bɩlɩmbaanaa lɩɩ dʋnɩa dɩdɛrɩŋ a kʋ hɛ dɔŋɔ. Ʋ leŋ duonuŋ nɩnɩɩ, aŋ lɩlɩgɩsɛ, a leŋ peliŋ ma lɩɩ ʋ lee-la lɛ ʋ sɩ bilu a lulu.

JƐRƖMAAYA 51:16 ပူးပေါင်းရင်းမြစ်များ

WƖAA DƖ-SUOMUŊ 8:1

Ama Wɩa fa bɩ Nowa arɩ bagɩlaa arɩ pʋsʋ-la sɩ to Nowa harɩŋ jʋʋ lɩɩŋ daboro-la wɩaa yʋa. Ŋɩɩ nɛ ʋ leŋ peliŋ lu dʋnɩa lɛ. Lɩɩ-la suomo hʋhʋ.

JOB 37:13

Bʋa dɔŋɔ Wɩa yie leŋ duonuŋ nɩɩ, a lɩgɩsɛ, a kpɩa a dɔgɩsɛ nɩaa, bʋa dɔŋɔ ma ʋ leŋ duonuŋ nɩɩ dɩ ʋ dagɛ ŋɩɩ ʋ sɩ cho dʋnɩa nɩaa.

JOB 38:22

Ŋ ha jʋʋ dɩɩsɩ-la lɛ mɩ sɩ joŋ bʋrʋŋ bil, koo a na dɩɩsɩ-la lɛ mɩ sɩ joŋ duoŋ-tabɩaa bil?

JOB 40:9

Ŋ kɛŋ doluŋ a nagɛ mɩ-na Wɩa nɛɛ? Ŋ jaŋ wuo kpɩa goŋ arɩ mɩ sɩɩ kpɩa ŋɩɩ?

WƖA YƖƖLAA 104:7

Ama ŋ sɩ kpɩa lɩɩ-la lɛ, ʋ pɛllɛ nɛ. Ŋ sɩ kpɩa goŋ, ʋ pɛllɛ viiri nɛ,

WƖA YƖƖLAA 135:7

Ʋ yie leŋ duoŋ-bɩlɩmbaanaa lɩɩ wɩa-nyuŋ lee-kala. Ʋ yie leŋ duonuŋ nɩnɩɩ aŋ lɩlɩgɩsɛ, a leŋ peliŋ lɩɩ ʋ dɩ-faalɩŋ a lulu.

WƖA YƖƖLAA 147:18

Dɩ ʋ nɛ bʋl wɩaa, duoŋ-tabɩaa yie yʋɔlɛ nɛ, peliŋ lu, fuonuŋ suomo pɩpɛllɛ.

WƖA YƖƖLAA 18:13

La Tɩɩna sɩ kɩɩ kʋŋkala, ŋ sɩ kpɩa goŋ wɩa-nyuŋ, leriŋ kala chɩɩma nɛ.

WƖA YƖƖLAA 46:6

Fawʋllʋŋ chaasa jʋʋ tinteyee nɩaa nɛ, kuoroo sɩɩ beŋ tinteye-la titel. Ama Wɩa sɩ kpɩa goŋ, tinteeŋ kala yʋɔla nɛ.

WƖA YƖƖLAA 68:33

Ʋʋ zaarɛ wɩa-nyuŋ nɛ. Ʋ nɛ yie kpɩa goŋ arɩ yikori-balɩŋ ŋɩɩ.

WƖA YƖƖLAA 78:26

Ʋ doluŋ lɛ nɛ ʋ leŋ peliŋ lu wɩa-nyuŋ a lɩɩ wɩɩpɔsʋŋ dɩɩrɩŋ, a leŋ ʋ lu lɩɩ wɩɩpɔsʋŋ nadiiŋ dɩɩrɩŋ.

MOSIS KƐŊ IZIRAL TƖŊŊAA LƖƖ 10:13

Ŋɩɩ nɛ Mosis kɛŋ ʋ dantɩga zaarɛ Ijipiti tinteeŋ lɛ, La TƖƖNA leŋ peliŋ lu a lɩɩ wɩɩpɔsʋŋ dɩɩrɩŋ wɩɩhɛyɛ arɩ tɩtaŋɩŋ kala, taŋ ka pʋl dɩ pel-la kɛŋ hɔbɔ kɔ Ijipiti tinteeŋ.

MOSIS KƐŊ IZIRAL TƖŊŊAA LƖƖ 10:19

La TƖƖNA kɛŋ pel-la bɩrɩmɛ ʋ lu a lɩɩ wɩɩjʋʋlʋŋ a paa hɔbɔ-la kaa mʋ hɛ mʋgʋ-bal-la ba sɩɩ yɩrɛ Mʋgʋ-fɩaŋ lɛ. Hɔbɔ-la kʋbala ma bɩ ka Ijipiti tinteeŋ lɛ.

MOSIS KƐŊ IZIRAL TƖŊŊAA LƖƖ 14:21

Ŋɩɩ nɛ Mosis kɛŋ dantɩga-la sɩ hɛ ʋ nɩsɩŋ lɛ zaarɛ mʋga-la nyuŋ. La TƖƖNA leŋ pel-duoŋ lɩɩ wɩɩpɔsʋŋ a lu tɩtaŋ-la kala a ŋaa mʋga-la lɩɩŋ pɔɩ balɩa aŋ ka tintee-hɩlɩŋ.

ƐZƖKƖƐL 10:5

Kɩalɩŋ sɩ nagɛ Wɩa tɩndaaraa a kɛŋ kɩŋkɛnsɩŋ, ba kɩŋkɛnsɩ-la faa dɔŋ nɛ a nagɛ Wɩɩjarɩbakɔ yikoro, dɩ ŋ nɛ paala hɛ Wɩa dɩɩ-bal-la harɩŋ kaala-la tʋɔŋ ma, ŋ haa nɩɩ ba dɔmɔ nɛ.

AMƆS 9:7

La Tɩɩna bʋla, “Ma Iziral tɩŋŋaa sɩ ŋaa nɩfɩɛma ŋɩɩ mɩ teeŋ, ŋɩɩ tɩtɩa nɛ Kus tɩŋŋaa ma nagɛ. Mɩ nɛ kɛmma lɩɩ Ijipiti tinteeŋ lɛ. Mɩ nɛ ha kɛŋ Fɩlɩsɩtɩa tɩŋŋaa ma kʋ lɩɩ Keriti tinteeŋ lɛ, a kɛŋ Siiria tɩŋŋaa ma a kaa kʋ lɩɩ Kɛɛ tinteeŋ lɛ.”

JONA 1:4

Ŋɩɩ nɛ La TƖƖNA leŋ pel-bal lu mʋgʋ-bal-la lɛ. Lɩɩ-pel-bal sii a chɩchɛ dɩ ʋ yɛrɛ lɩɩŋ daboro-la.

JONA 4:8

Wɩa sɩ pɔsɔ, Wɩa leŋ pel-lɩmɩŋ arɩ wɩɩ-lɩmɩŋ kpʋ Jona nyuŋ, ʋʋ chɛ ʋ yiegi a cho dɩ ʋ sʋba. Ŋɩɩ nɛ ʋ bʋl, “Mɩ yaara sʋʋ, ʋ nɛ kpɩa mɩ sɩ weye.”