JƐRƖMAAYA 51:15 - WƖA TENIŊ

¹⁵ Wɩa kɛŋ ʋ doluŋ nɛ a ŋaa tinteeŋ, a kɛŋ ʋ wʋjɩmɩŋ ma a ŋaa dʋnɩa. Ʋ sɩ jɩŋ wɩaa sɩaa ma lɛ nɛ ʋ to a ŋaa wɩa-nyuŋ a leŋ ʋ jɛrɛ.

JƐRƖMAAYA 51:15 ပူးပေါင်းရင်းမြစ်များ

JOB 9:8

Ʋ dʋndʋŋa nɛ ŋaa wɩa-nyuŋ a leŋ ʋ jɛrɛ, aŋ vɩvɛŋ mʋgʋ-balɩŋ lɩɩ-peliŋ nyuŋ.

WƖA YƖƖLAA 104:2

Pʋlʋmʋŋ nagɛ gɛrɩŋ nɛ a tɔŋ, ŋ leŋe wɩa-nyuŋ jɛrɛ nɛ a nagɛ palɩŋ,

WƖA YƖƖLAA 104:24

La Tɩɩna, kʋ-daŋ nɛ ŋ ŋaa. Wʋjɩmɩŋ nɛ ŋ kaa ŋaa ba kala. Kɩalɩŋ ŋ sɩ ŋaa su tinteeŋ kala nɛ.

WƖA YƖƖLAA 107:25

Ʋ wʋbʋlaa nɛ leŋe pel-duoŋ lu, lɩɩ-peliŋ sii a kɛŋ mʋgʋ-balɩŋ vuvuugi.

WƖA YƖƖLAA 136:5

Ʋ wʋjɩmɩŋ nɛ ʋ kaa ŋaa wɩa-nyuŋ. Ʋ chonuŋ bɩ dɛrɛ.

NAMAGABA 3:19

Wʋjɩmɩŋ nɛ La Tɩɩna kaa bil dʋnɩa gentine, ʋ sɩ jɩŋ wɩaa bʋbʋɔŋ lɛ nɛ ʋ to a ŋaa wɩa-nyuŋ.

AZAAYA 40:22

La TƖƖNA hɔŋ ʋ kuoru kpasa nyuŋ nɛ a bibeŋ tinteeŋ. Dʋnɩa nɩaa kala nagɛ nyaŋgɩrɩgɛba nɛ ʋ teeŋ. Ʋ kɛŋ wɩa-nyuŋ a jɛrɛ nɛ ʋ nagɛ patɩɩsaŋ, koo ʋ kaa jɛrɛ ʋ nagɛ palɩŋ.

AZAAYA 40:26

Má beŋ wɩa-nyuŋ a na, kʋbɛɛ nɛ ŋaa kɩaa deemba sɩ hɛ nɩmɛ? Ʋ nɛ nɩɩ-la sɩ ŋaa chɛnwʋlaa kʋbala kʋbala a yɩyɩrɛ ba yɩraa kʋŋ kʋŋ. Ʋ doluŋ sɩ yʋga kɩŋkɛŋ nɛ tɩɩ ba hɛ nɩmɛ, ba kʋbala ma bɩ lɛlɛ.

AZAAYA 42:5

La TƖƖNA Wɩa nɛ ŋaa wɩa-nyuŋ a leŋ ʋ jɛrɛ tɔ leriŋ, ʋ nɛ ŋaa tinteeŋ arɩ kɩalɩŋ kala sɩ hɛ ʋ lɛ. Ʋ nɛ pɩ nuhuobiine mɩɩsɩŋ.

AZAAYA 44:24

Wɩɩ-la La TƖƖNA, ma Laataara, Nɩɩ-la sɩ ŋaama sɩ bʋla nɛ ŋ-la: “Mɩ nɛ ma TƖƖNA, mɩ nɛ ŋaa kʋŋkala. Mɩ dʋndʋŋa nɛ ŋaa wɩa-nyuŋ arɩ tinteeŋ.

AZAAYA 45:12

Mɩ nɛ ŋaa tinteeŋ arɩ nuhuobiine kala sɩ hɛ dʋnɩa lɛ. Mɩ nɛ ŋaa wɩa-nyuŋ, a ŋaa wɩɩpɔsʋŋ arɩ chɛnɛ arɩ chɛnwʋlaa kala a leŋ ba chɩŋ lere-la ba sɩ chɩna.

AZAAYA 48:13

Mɩ nɛ ŋaa tinteeŋ arɩ wɩa-nyuŋ. Dɩ mɩ nɛ bʋl wɩɩ tinteeŋ arɩ wɩa-nyuŋ lɛ, ŋɩɩ nɛ sɛnɛ yie chɩŋ.

AZAAYA 51:13

Ma yʋ mɩ-na ma TƖƖNA sɩ ŋaa ma wɩaa nɛ Nɩɩ-la sɩ ŋaa wɩa-nyuŋ arɩ tinteeŋ kala. Aŋ ka fawʋllʋŋ kɛmma tapʋlɩɩ kala a tɩŋ nɩalɩŋ sɩɩ dɔgɩsɛma wɩaa. Kʋbɛɛ ba nɛ nɩalɩŋ sɩɩ dɔgɩsɛma? Nɩɩ nɛ ba hɛ lɛɛlɛ?

JƐRƖMAAYA 27:5

mɩ kɛŋ mɩ dol-balɩŋ arɩ mɩ naduoŋ nɛ a ŋaa dʋnɩa arɩ nuhuobiine arɩ pʋsʋ-la kala sɩ hɛ ʋ lɛ. Mɩ yie jomba pɩ nʋʋ na-kala mɩ tʋɔŋ sɩ tɔrɛ ʋ nyuŋ nɛ.

JƐRƖMAAYA 32:17

“La TƖƖNA Wɩɩjarɩbakɔ, ŋ dol-balɩŋ arɩ ŋ naduo-la nɛ ŋ kaa ŋaa wɩa-nyuŋ arɩ tinteeŋ. Wɩɩkala tuo a dolie pɩŋ.

ZƐKARƖYA 12:1

Wɩɩ-la La TƖƖNA sɩ bʋla tɩgɛ Iziral lɛ nɛ ŋ-la. La TƖƖNA sɩ ŋaa wɩa-nyuŋ a leŋ ʋ jɛrɛ, a ŋaa dʋnɩa gentine, a mɛ nuhuobiine a joŋ dɩma hɛ ʋ lɛ, wɩɩ-la ʋ sɩ bʋla nɛ ŋ-la:

Tɩntɩŋŋaa 14:15

“Nandɔmba, bɛɛ nɛ tɩɩ maa ŋaa ŋ-la? La ma ŋaa nuhuobiinee nɛ a nagɛ ma. La kɔ dɩ la bʋl La Tɩɩna Yesu wʋzɔmɔ-la nɛ a pɩma, dɩ ma wuo leŋ ma vʋɩyaa sɩ ŋaa kʋpɛɩba aŋ bɩrɩma to Wɩa sɩ weye. Ʋ nɛ ŋaa wɩa-nyuŋ, arɩ tinteeŋ, mʋgʋ-balaa arɩ fuonuŋ, arɩ kʋŋkala sɩ hɛ ba lɛ.

Tɩntɩŋŋaa 17:24

Wɩa-la sɩ ŋaa dʋnɩa arɩ kʋŋkala sɩ hɛ ʋ lɛ, a ŋaa wɩa-nyuŋ arɩ tinteeŋ kala Tɩɩna, ʋ bɩ lere-la nuhuobiine sɩ saa aa kpaarɛ vʋɩyaa ka jʋʋ.

Rom Tɩŋŋaa 1:20

La bɩ Wɩa nagɩsɩŋ wuo jɩŋ. Ama la wuo chaasa na ŋɩɩ ʋ sɩ kɛŋ doluŋ sɩ bɩ dɛrɛ. Ʋ bɩ nuhuobiine naga. Ʋ dagɛla wɩaa deemba, a suomi bʋa-la lɛ ʋ sɩ ŋaa dʋnɩa a kaa kʋkɔ jɩnɩŋ. Kɩalɩŋ kala ʋ sɩ ŋaa nɛ dagɛla ŋɩɩ. Ŋɩɩ wɩaa nɩbɔŋŋɔɔ deemba bɩ jaŋ wuo bʋl arɩ ba bɩ jɩŋ.

Rom Tɩŋŋaa 11:33

Wɩa sɩɩ fá la nenige ŋɩɩ arɩ ŋɩɩ ʋ sɩ kɛŋ wʋjɩmɩŋ arɩ ŋɩɩ ʋ sɩ jɩŋ wɩaa bʋbʋɔŋ, ʋ bɩ magɩa kɛnɛ. Kʋbɛɛ nɛ jɩŋ ŋɩɩ Wɩa sɩɩ ŋaa wɩaa? Nʋʋkala bɩ Wɩa wʋŋaalaa jɩŋ.

Jɔɔŋ Wʋnaalaa 4:11

“La Tɩɩna Wɩa, ʋ maga dɩ la chʋɔlʋŋ, ʋ maga dɩ la dɛnnɩŋ a yɩyɩrɛ ŋ yɩrɩŋ, ŋ nɛ doluŋ Tɩɩna. Ŋ nɛ ta kʋŋkala, ŋ tʋɔtɔrʋŋ lɛ nɛ ŋ taba ba hɛ nɩmɛ.”