JƐRƖMAAYA 51:13 - WƖA TENIŊ

¹³ Ma Babɩlɔŋ nɩaa hɔŋ lee-la sɩ kɛŋ fuonuŋ yʋga nɛ, a kɛŋ kɩaa yʋgɛ woruŋ. Ma dɩdɛrɩŋ kɔ nɛ, bʋa-la lɛ sɩ maga dɩ ba kpʋma.

JƐRƖMAAYA 51:13 ပူးပေါင်းရင်းမြစ်များ

WƖAA DƖ-SUOMUŊ 6:13

Ŋɩɩ nɛ Wɩa bʋla pɩ Nowa, “Mɩ jaŋ kpʋ dʋnɩa nʋʋkala, bɛɛ wɩaa dʋnɩa suo nɛ arɩ ba wʋbɔŋŋɔɔ ŋaanɩŋ. Mɩ sɛnɛ jaŋ cheiba arɩ dʋnɩa kʋŋkala.

WƖA YƖƖLAA 137:1

Bʋa-la lɛ la sɩ hɔŋ Babɩlɔŋ fuonu-la sɛmɛ, nɩmɛ nɛ la liisi Zaayɔŋ wɩaa a yel woruŋ.

AZAAYA 43:14

Wɩɩ-la La TƖƖNA, ma Laataara Iziral tɩŋŋaa Wɩa sɩ bɩ disiniŋ kɛnɛ sɩ bʋla nɛ ŋ-la: “Ma wɩaa nɛ tɩɩ mɩ jaŋ ŋaa dɩ laalɩyuoroo mʋ Babɩlɔŋ a chei taŋ-la kala. Ba babiibal goŋ-la ba sɩɩ ŋaa jaŋ bɩrɩmɛ yele.

AZAAYA 45:3

Mɩ jaŋ joŋ dʋa-la kala sɩ faa birimiŋ tʋɔŋ a pɩŋ. Ŋɩɩ lɛ nɛ ŋ jaŋ jɩŋ arɩ mɩ nɛ ma TƖƖNA, Iziral tɩŋŋaa Wɩa sɩ jɩmɩŋ, a yɩrɩŋ.

AZAAYA 57:17

Ma wʋbɔŋŋɔɔ arɩ ma tʋɔ-luŋuŋ wɩaa nɛ tɩɩ mɩ fa na baanɩŋ ma nyuŋ a dɔgɩsɛma, aŋ joŋ harɩŋ yɩama. Ka ma ha kɛŋ nyu-duo a tuto ma tʋɔtɔrɛ wombiee.

JƐRƖMAAYA 17:11

A nagɛ yoho sɩ bɩ halaa lo, aŋ pɛŋ hala-la nyuŋ a tiesi, ŋɩɩ tɩtɩa nɛ nɩɩ-la sɩ ŋmʋrɛ nɩaa a dʋa kɩaa nagɛ. Dɩ ʋ nɛ yi ʋ jɩsɩŋ kpaa magɛ dɔŋɔ, ʋ dʋa-la jaŋ lɛl. Dɩdɛrɩŋ kala, ʋ jaŋ jɩŋ arɩ ʋ ŋaa nɩyaarɩ nɛ.

JƐRƖMAAYA 50:27

Má kpʋ ʋ laalɩyuoroo kala, má kpʋ ba kala. Wɩɩŋ puuba, ba tapʋlʋŋ yie nɛ, bʋa-la sɩ maga dɩ ba dɔgɩsɛba.

JƐRƖMAAYA 50:31

Bee na, sɩɩ-duo tɩɩna mɩ chɩŋ ŋ lɛ nɛ. Mɩ-na ma TƖƖNA doluŋ kala Tɩɩna nɛ bʋla. Ŋ tapʋlʋŋ kɔ nɛ, bʋa-la lɛ sɩ maga ba dɔgʋsʋŋ.

JƐRƖMAAYA 50:37

Laalɩŋ jaŋ kpʋ ba janɩŋ aŋ chei ba laalɩŋ janɩŋ torukoba, a kpʋ nɩwogusu-la ma sɩ hɛ ba laalɩyuoroo tʋɔŋ. Ba jaŋ mɩɩra nagɛ haalaa. Ba jaŋ yuo paa ba dʋa. Ba jaŋ paa ba kɩaa kala.

JƐRƖMAAYA 51:36

Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: “Mɩ jaŋ chɩŋ ma harɩŋ a joŋ ma chɩmɩŋ tiŋ ba lɛ. Mɩ jaŋ leŋ dɩ ʋ mʋgʋ-balɩŋ lɩɩŋ hʋ, aŋ leŋ dɩ ʋ lɩɩ-bul-sɩaa ma hɩl.

JEMBIEE 4:18

Nɩaa ka densi la nɛ, la bɩra bɩ la womporunuŋ lɛ wuo vɛŋ. La dɩdɛrɩŋ kpaga nɛ, la tapʋlaa dɛrɛ nɛ, la dɛrɩŋ yie nɛ.

DANƖƐL 5:26

Wɩalɩŋ bʋbʋɔŋ nɛ ŋ-la: Mene: Ʋ bʋbʋɔŋ nɛ Wɩa dɩɩsɛ ŋ kuoruŋ tapʋlaa nɛ a leŋ ba dɛrɛ.

AMƆS 8:2

La Tɩɩna pɩɛsɛmɛ, “Amɔs, bɛɛ kʋŋ nɛ ŋ na?” Mɩ bʋl, “Mɩ na tɩɩnɛnɛɛ sɩ bɩa nɛ a hɛ sime tʋɔŋ.” Ŋɩɩ nɛ La Tɩɩna bʋla pɩmɛ, “Mɩ nɩaa Iziral tɩŋŋaa bʋa-la yie nɛ, mɩ bɩra bɩ jaŋ joŋo chɛba.

1 Pɩɩta 4:7

Bʋa-la dʋnɩa sɩ jaŋ dɛrɛ kpaga nɛ. Ŋɩɩ wɩaa, má kɛŋ ma tɩtɩa woruŋ a leŋ dɩ ma sɩaa fɩɛlɛ, dɩ ma wuo chʋchʋɔlɛ Wɩa.

2 Pɩɩta 2:3

Wʋnyɩɛrɩ kerichi deemba jaŋ kɛŋ tʋɔ-luŋuŋ. Ba jaŋ kɛŋ nii-sɩma a nyɩnyɩsɛma a lɩlaa ma kɩaa ma. Faafaa kala nɛ Wɩa dagɛ arɩ ʋ jaŋ dii nɩaa deemba doho sarɩya. Nɩɩ-la sɩ jaŋ cheiba bɩ doŋ pɩna.

Jɔɔŋ Wʋnaalaa 17:1

Ŋɩɩ nɛ Wɩa tɩndaaraa balɩpɛ-la sɩ kori gbansɩŋ balɩpɛ-la, ba dɔŋɔ kɔ mɩ teeŋ a bʋla pɩmɛ, “Kɔ dɩ mɩ dagɩŋ ŋɩɩ Wɩa sɩ jaŋ dɔgɩsɛ hachɔrʋŋ kpantɩɩgʋ deeŋ. Ʋ nɛ hɔŋ lee-la lɩɩŋ sɩ hɛ kɩŋkɛŋ ŋɩɩ.

Jɔɔŋ Wʋnaalaa 17:15

Ŋɩɩ nɛ Wɩa tɩndaarʋ-la bɩra bʋla pɩmɛ, “Lɩɩrɩ-la ŋ fa sɩ na lee-la hachɔrʋŋ-la fa sɩ hɔnɔ ŋaa nuhuobiinee nɛ, a yʋgɛ woruŋ, a lɩɩ tintee kala aa bʋl yikoro kala.

Jɔɔŋ Wʋnaalaa 18:19

Ba jaŋ ŋaa hagɩla hɩhɛ ba nyusuŋ lɛ aŋ yele bʋbʋl, “Ou, ou, tabalɩŋ deeŋ lɛ nɛ nɩalɩŋ kala fa sɩ kɛŋ lɩɩŋ daborusuŋ to a jigi. Má bee na, ʋ bɩ diene ka kɩalɩŋ kala ʋ fa sɩ kɛnɛ lɛl.