JƐRƖMAAYA 50:8 - WƖA TENIŊ

⁸ Má fá lɩɩ Babɩlɔŋ lɛ. Má lɩɩ Babɩlɔŋ nɩaa tinteeŋ lɛ, a nagɛ bʋʋna sɩ laa piesee sɩpaaŋ.

JƐRƖMAAYA 50:8 ပူးပေါင်းရင်းမြစ်များ

NAMAGABA 30:31

ji-bele sɩ gise jiŋŋee tʋɔŋ, gbuŋgbogo sɩɩ vɛŋ arɩ kuoro sɩɩ vɛŋ, ka ʋ laalɩyuoroo gugollu.

AZAAYA 48:20

Má lɩɩ Babɩlɔŋ lɛ, má fá kagɛ Babɩlɔŋ tɩŋŋaa lɛ. Má heele bʋl arɩ tʋɔtɔrʋŋ: ‘La TƖƖNA laa ʋ nɩaa Iziral tɩŋŋaa ta nɛ.’ ” Má leŋ dɩ dʋnɩa sɛmɛ na-kala nɩɩ.

AZAAYA 52:1

Jerusalɛm nɩaa, má sii, má sii chɩŋ, a kɛŋ doluŋ. Zaayɔŋ taŋ-la sɩ bɩ disiniŋ kɛnɛ nɩaa, má paa ma gɛrɩ-zɔŋŋɔɔ laalɛ. Nɩalɩŋ sɩ kɛŋ disiniŋ bɩra bɩ jaŋ kʋ jʋʋ ma taŋ-la.

AZAAYA 52:11

Má lɩɩ Babɩlɔŋ lɛ, má lɩɩ nɩmɛ! Ma nɩalɩŋ kala sɩ chʋŋ Wɩa dɩa kɩaa. Má sɩ́ kʋŋkala sɩ kɛŋ disiniŋ digu. Má sɩ́ disiniŋ ŋaa hɛ ma tɩtɩa lɛ aŋ lɩɩ.

JƐRƖMAAYA 51:45

Mɩ nɩaa, má kʋ lɩɩ ʋ lɛ. Má fá laa ma mɩɩsɩŋ. Má fá a laa ma tɩtɩa mɩ-na ma TƖƖNA sɩ faasa na baaŋ-la lɛ.

JƐRƖMAAYA 51:6

Má fá lɩɩ Babɩlɔŋ lɛ. Má fá a laa ma mɩɩsɩŋ. Má sɩ́ ma tɩtɩa chei a tɩŋ ʋ wʋbɔŋŋɔɔ wɩaa. Bʋa-la yie nɛ dɩ mɩ-na ma TƖƖNA joŋ mɩ baanɩŋ tiŋ ʋ lɛ, mɩ jaŋ dɔgɩsʋ ŋɩɩ sɩ maga.

ZƐKARƖYA 2:11

Tinteyee jaŋ yʋgɛ dɩ ba nɩaa kɔ La TƖƖNA teeŋ bʋa-la lɛ, a ŋaa ʋ nɩaa. Mɩ jaŋ hɛ ma tʋɔŋ, dɩ ma jɩŋ arɩ La TƖƖNA doluŋ kala Tɩɩna nɛ tɩmmɛ ma teeŋ.

NAMBABA 16:26

Ŋɩɩ nɛ Mosis chaasa bʋla pɩ nɩalɩŋ kala, “Má sʋrɩsa lɩɩ nɩbɔŋŋɔɔ deemba lɛŋŋɛɛ bʋbʋɔŋ. Má sɩ́ ba kʋŋkala digu. Dɩ ma nɛ ŋaa ŋɩɩ, ba wʋbɔŋ-la jaŋ pɛ diima.”

2 Kɔrɩntɩ Nɩaa 6:17

Ŋɩɩ wɩaa má lɩɩsɛ ma tɩtɩa nɩalɩŋ sɩ bɩ Yesu wɩaa laa dii tʋɔŋ, a hɔŋ ma dʋndʋŋ. Má sɩ́ kɩalɩŋ sɩ kɛŋ disiniŋ digu. Dɩ ma nɛ lɩɩsɛ ma tɩtɩa wɩaa deemba lɛ, mɩ jaŋ laa ma.

Jɔɔŋ Wʋnaalaa 18:4

Ŋɩɩ nɛ mɩ bɩra nɩɩ nʋʋ yikoro dɩ ʋ lɩɩ Wɩa-jaŋ aa bʋl, “Mɩ nɩaa, má sii Babɩlɔŋ lɛ, dɩ ŋɩɩ dee ma jaŋ pɛ ŋɩŋaa wʋbɔmɔ-la ba sɩɩ ŋaa. Dɩ ma nɛ ŋaa ŋɩɩ, mɩ jaŋ pɛ dɔgɩsɛma arɩ mɩ sɩɩ chɛ dɩ mɩ dɔgɩsɛ Babɩlɔŋ nɩaa ŋɩɩ.