JƐRƖMAAYA 50:7 - WƖA TENIŊ

⁷ Nʋʋ na-kala sɩ naba yie kpʋba nɛ. Ba dʋndɔŋŋɔɔ sɩ, ‘La bɩ cheeriŋ kɛnɛ, bɛɛ wɩaa ba ŋaa wʋbɔŋ nɛ ba TƖƖNA teeŋ, Nɩɩ-la sɩɩ pɩba kʋdiilee. La TƖƖNA lɛ nɛ ba nyɩmmaba fa joŋ ba yɩɛlaa hɛ.’

JƐRƖMAAYA 50:7 ပူးပေါင်းရင်းမြစ်များ

WƖA YƖƖLAA 71:5

Mɩ Tɩɩna Wɩɩjarɩbakɔ, mɩ yɩɛlaa kala hɛ ŋ lɛ nɛ. Mɩ laaŋ dii nɛ mɩ bapʋɔsʋŋ kala lɛ.

WƖA YƖƖLAA 79:7

Ba nɛ kpʋ ŋ nɩaa, Jekɔb doho nɩaa, aŋ leŋ ba tinteeŋ pɩŋ jikpeeŋ.

WƖA YƖƖLAA 90:1

La Tɩɩna, ŋ nɛ la dɩjʋʋlʋŋ bʋa na-kala a kaa mʋ wuu.

WƖA YƖƖLAA 91:1

Dɩ Wɩa sɩ kɩɩ kʋŋkala nɛ chu tɔ nʋʋ, tɩɩna jaŋ na wiese Wɩa doluŋ kala Tɩɩna teeŋ.

AZAAYA 47:6

Mɩ fa na baanɩŋ nɛ mɩ nɩaa nyuŋ a joŋ wɩaa ŋaa ba lɛ arɩ mɩ dee bɩra bɩ ba tɩɩ. Mɩ sɩ jomba a hɛ ŋ nɩsɩŋ lɛ, ŋ bɩ ba nenige fá. Nɩalɩŋ ma sɩ paala hɩɛsɛ, ŋ dɔgɩsɛba nɛ woruŋ.

AZAAYA 56:9

Tintee-wogusuŋ nɩaa kala má kɔ, má kɔ a nagɛ baga kɩaa a dii mɩ nɩaa.

AZAAYA 9:12

Siiria tɩŋŋaa sɩ hɛ wɩɩpɔsʋŋ dɩɩrɩŋ, arɩ Fɩlɩsɩtɩa tɩŋŋaa sɩ hɛ wɩɩjʋʋlʋŋ dɩɩrɩŋ, ba jaŋ yuo dii Iziral tɩŋŋaa. Wɩaa deemba kala jaŋ ŋaa, ama La TƖƖNA baanɩŋ ha bɩ jaŋ fɩɛlɛ, ʋ ha jaŋ dɔgɩsɛba a pɛ.

JƐRƖMAAYA 10:25

Na baanɩŋ tinteye-la nɩaa sɩ bɩŋ jɩŋ nyuŋ, nɩalɩŋ sɩ bɩ ŋ yɩrɩŋ ka yɩrɛ. Ba kpʋ Iziral nɩaa nɛ. Ba kpʋ ba kala nɛ gbelem gbelem, aŋ chei ba tinteeŋ kala.

JƐRƖMAAYA 14:8

Ŋ nɛ la Iziral tɩŋŋaa yɩyɩɛlɛ, ŋ nɛ la Laataara, a lɩlɩɩsɛla la wʋjʋʋlaa lɛ. Bɛɛ nɛ tɩɩ ŋ nagɛ nʋhʋɔrʋ tintee-la lɛ a nagɛ wombii-vɛnnʋ sɩ mʋ chʋa leriŋ tapʋl bala?

JƐRƖMAAYA 17:13

La TƖƖNA, ŋ lɛ nɛ Iziral tɩŋŋaa yɩɛlaa kala hɛ. Hɩɩsɩŋ jaŋ dii nɩalɩŋ kala sɩ joŋ harɩŋ yɩaŋ. Nɩalɩŋ kala sɩ mɩɩrɛ ŋ harɩŋ yɩrɩŋ jaŋ lɛl a nagɛ ba sɩ ŋmʋnsɛ nɩa yɩrɩŋ bil hagɩla lɛ, a tɩŋ ba sɩ vɩa La TƖƖNA sɩɩ pɩba mɩɩsɩŋ a nagɛ lɩɩ-bulo.

JƐRƖMAAYA 2:3

Iziral tɩmma, ma fa bɩ disiniŋ kɛnɛ mɩ-na ma TƖƖNA teeŋ. Ma nɛ mɩ laa sɩpaaŋ lɩɩsɛ, a nagɛ paara sɩ ŋaa ʋ kʋdii falaa. Mɩ fa joŋ cheeriŋ pɩ nɩalɩŋ kala sɩɩ dɔgɩsɛma nɛ a leŋ wʋlɔrʋŋ faasa jʋʋba. Mɩ-na ma TƖƖNA nɛ bʋla.”

JƐRƖMAAYA 31:23

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: “Dɩ mɩ nɛ kɛmba mɩɩra lɩɩ yoŋ-baga kɔ, nɩalɩŋ sɩ hɛ Juda tinteeŋ arɩ ʋ tasɩŋ lɛ jaŋ bɩra kɔ a bʋl wɩaa deemba: ‘La TƖƖNA jaŋ pɛ tʋɔpʋl dɩa deeŋ sɩ chɩŋ peel-la sɩ bɩ disiniŋ kɛnɛ lɛ nyuŋ.’

JƐRƖMAAYA 33:15

Tapʋlɩa-la lɛ, mɩ jaŋ lɩɩsɛ nʋʋ sɩ ŋaa tʋɔpʋl Tɩɩna Devit doho nɩaa tʋɔŋ dɩ ʋ dii kuoruŋ. Ʋ jaŋ ŋaa wɩaa ba bʋa lɛ arɩ wʋtɩtɩɩ tintee-la lɛ.

JƐRƖMAAYA 33:16

Tapʋlɩa-la lɛ, ba jaŋ laa Juda nɩaa ta, dɩ Jerusalɛm nɩaa hɔŋ sɔm. Ba jaŋ yɩyɩrɛ tabal-la: La TƖƖNA nɛ ŋaa la kɛŋ tʋɔpʋla.”

JƐRƖMAAYA 5:17

Ba jaŋ chei ma kʋpɛrɛɛ arɩ ma kʋdiilee. Ba jaŋ kpʋ ma hambolibiisiŋ arɩ ma hantolibiisiŋ. Ba jaŋ kpʋ ma piesee arɩ ma nɛsɩŋ kala. Ba jaŋ keri ma girep tɩɩsɩŋ arɩ ma tutogusuŋ ta. Ba jaŋ kɛŋ ba tokobiee a chei ma tabala-la ma sɩ saa kɛrɩsɩŋ golli a joŋ ma yɩɛlaa hɛ.”

JƐRƖMAAYA 50:14

Má chɩŋ ma dɩchɩnaa a golli Babɩlɔŋ, ma nɩalɩŋ kala sɩɩ yuo toŋ. Má yuou, má sɩ́ leŋe dɩ to-hɛŋ kala ka, bɛɛ wɩaa ʋ ŋaa wʋbɔŋ nɛ mɩ-na ma TƖƖNA teeŋ.

JƐRƖMAAYA 50:17

Iziral tɩŋŋaa nagɛ naachigiŋ sɩ kiri piesee ba pɩsɛ nɛ. Nɩɩ-la sɩ laa sɩpaaŋ yuo diiba nɛ ŋaa Asiiria kuoro. Nɩɩ-la ma sɩ to harɩŋ yɛrɛ ʋ haŋgbelee nɛ Babɩlɔŋ kuoro Nebukadineza.”

JƐRƖMAAYA 50:33

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Ma nyagɛ Iziral tɩŋŋaa bil nɛ, a pɛ Juda nɩaa ma lɛ. Nɩalɩŋ kala sɩ yuo kɛsɛba mɩlba kpɛrɛ nɛ, a vɩa dɩ ba leŋ dɩ ba mʋ.

ƐZƖKƖƐL 34:5

Ba fá pɩsɛ nɛ a tɩŋ ba sɩ bɩ pie-daara kɛnɛ. Ba sɩ pɩsa ŋɩɩ, ba mɩɩra bɩrɩmɛ baga kɩaa kʋdiilee.

ƐZƖKƖƐL 35:12

Ŋɩɩ nɛ ma jaŋ jɩŋ arɩ mɩ-na ba TƖƖNA nɩɩ ŋɩɩ ma sɩ mɔŋ Iziral peelee lɛ, a bʋl ba tinteeŋ jaŋ pɩŋ jikpeeŋ, dɩ ma laaʋ tɩɩ.

DANƖƐL 9:16

La TƖƖNA, a tɩŋ tʋɔpʋl wɩalɩŋ kala ŋ sɩ ŋaa wɩaa, sɩ́ baanɩŋ na. Leŋ dɩ ŋ baanɩŋ fɩɛlɛ Jerusalɛm nyuŋ sɩ ŋaa ŋ tabalɩŋ, a ŋaa ŋ dundolo sɩ bɩ disiniŋ kɛnɛ. La wʋbɔŋŋɔɔ arɩ la nyɩmmaba wʋbɔŋŋɔɔ leŋe Jerusalɛm arɩ ŋ nɩaa ŋaa nɩmɔmɩa nɛ nɩalɩŋ kala sɩ gollila teeŋ.

DANƖƐL 9:6

Ŋ tɩntɩnnaa sɩ ŋaa ŋ wʋlaabʋllaa a bʋl wɩalɩŋ, la bɩ jegile nɩɩ. Ba bʋl wɩaa ŋ yɩrɩŋ lɛ a pɩ la kuoroo, la sɩpaalaaraa, la nyɩmmaba arɩ la tinteeŋ nɩaa kala nɛ.

ZƐKARƖYA 1:15

Ama mɩ baanɩŋ chaasa sisii tinteye-la sɩ hɔnɔ wɩɩkala bɩ baa walɩmɛ nyuŋ nɛ. Mɩ fa na baanɩŋ mʋa nɛ mɩ nɩaa nyuŋ, ka nɩalɩŋ mɩɩra leŋ ba hɛɛŋ yʋgɛ.’

ZƐKARƖYA 11:5

Nɩalɩŋ sɩ yɔɔba kpʋba nɛ aŋ mʋ, ka ba bɩ ba dɔgʋsɔ. Nɩalɩŋ sɩ yallɛba sɩ, ‘Má dɛnnɛ La TƖƖNA, la ŋaa kɩa tɩmma nɛ.’ Ba dɩ-daaraa tɩtɩa bɩ ba nenige fá.

1 Timoti 1:1

Mɩ-na Pɔɔl nɛ ŋmʋnsɛ teniŋ deeŋ. La Tɩɩna Wɩa sɩ ŋaa la Laataara doluŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ. Kirisito Yesu lɛ nɛ la yɩɛlaa hɛ.