JƐRƖMAAYA 50:5 - WƖA TENIŊ

⁵ Ba jaŋ pɩɛsa chɛ Zaayɔŋ wombiiŋ, a bɩrɩma joŋ ba sɩaa chaasɛ nɩmɛ. Ba jaŋ joŋ ba tɩtɩa mɛrɛ La TƖƖNA lɛ, a hɛ niiŋ sɩ bɩ dɩdɛrɩŋ kɛnɛ ba sɩ bɩ jaŋ yʋ ʋ wɩaa.

JƐRƖMAAYA 50:5 ပူးပေါင်းရင်းမြစ်များ

WƖAA DƖ-SUOMUŊ 17:7

Mɩ jaŋ leŋ dɩ nii-la mɩ sɩ bile mɩ dɩ ŋ doho nɩaa arɩ nɩalɩŋ sɩ jaŋ to ŋ harɩŋ kɔ pɛgɛ, dɩ ʋ chɩŋ kpaŋkpaŋ a kaa mʋ wuu. Mɩ jaŋ ŋaa ŋ dɩ nɩalɩŋ sɩ jaŋ to ŋ harɩŋ kɔ Wɩa.

2 SAMƲƐL 23:5

Ŋɩɩ Wɩa sɩ jaŋ pɛ mɩ doho nɩaa lɛ nɛ ŋɩɩ, bɛɛ wɩaa, ʋ nɛ hɛ nii-la sɩ bɩ dɛrɛ a pɩmɛ, nii-la sɩ bɩ jaŋ kɔ dɩ ʋ birige. Nii-la suo nɛ, ʋ bɩ jaŋ kɔ dɩ ʋ kɛnʋ bɩrɩmɛ. Wɩɩ-la kala mɩ sɩɩ chɛ nɛ ŋɩɩ, mɩ jɩma bʋa na-kala ʋ jaŋ ŋaa ŋɩɩ a pɩmɛ.

1 KUOROO 19:10

Ʋ bʋl, “Mɩ TƖƖNA, doluŋ kala Tɩɩna, mɩ hɛ mɩ doluŋ kala nɛ a toŋ. Ama Iziral tɩŋŋaa vɩa nii-la sɩ hɛ ŋ dɩ ba pɛgɛ nɛ, aŋ ŋmoo ŋ korunuŋ lo, a kpʋ ŋ wʋlaabʋllaa. Mɩ dʋndʋŋa nɛ ka, lɛɛlɛ baa nɛrɩgɛ dɩ ba kpʋ mɩ ma nɛ.”

1 KUOROO 19:14

Ʋ bʋl, “La TƖƖNA, doluŋ kala Tɩɩna, mɩ hɛ mɩ doluŋ kala nɛ a toŋ. Ama Iziral tɩŋŋaa vɩa nii-la sɩ hɛ ŋ dɩ ba pɛgɛ nɛ, aŋ ŋmoo ŋ korunuŋ lo, a kpʋ ŋ wʋlaabʋllaa. Lɛɛlɛ, mɩ dʋndʋŋa nɛ ka, ba nɩnɛrɩgɛ dɩ ba kpʋ mɩ ma.”

WƖA YƖƖLAA 84:7

Ba doluŋ fa pʋŋa pɛ nɛ a mʋmʋ bʋa-la lɛ ba sɩ mʋ chɩŋ ŋ-na Wɩa sɩpaaŋ Zaayɔŋ lɛ.

AZAAYA 35:8

Womporuŋ jaŋ pɩŋ nɩmɛ, dɩ ba kɛnʋ yɩyɩrɛ wombii-la sɩ bɩ disiniŋ kɛnɛ. Disiŋ tɩɩna kala bɩ jaŋ vɛŋ ʋ lɛ, see nɩalɩŋ sɩ bɩ disiniŋ kɛnɛ dʋndʋŋa. Nɩyaara-la sɩɩ ŋaa wʋbɔŋŋɔɔ bɩ ʋ lɛ jaŋ vɛŋ.

AZAAYA 55:3

Má jegile nɩɩ woruŋ a kɔ mɩ teeŋ, má nɩɩ woruŋ, ŋɩɩ nɛ ma jaŋ kɛŋ mɩɩsɩŋ. Mɩ jaŋ hɛ nii-la sɩ bɩ jaŋ dɛrɛ mɩ dɩ ma pɛgɛ a choma arɩ wʋtɩtɩɩ a nagɛ ŋɩɩ mɩ fa sɩ cho kuoro Devit.

JƐRƖMAAYA 3:18

Bʋa-la lɛ Juda nɩaa jaŋ mʋ pɛ Iziral nɩaa lɛ. Ba kala jaŋ to dɔŋɔ a lɩɩ wɩɩpɔsʋŋ nagʋa tintee-la a kɔ tintee-la mɩ sɩ joŋo pɩ ma naabalɩmaba ʋ ŋaa ba kʋŋ.”

JƐRƖMAAYA 31:21

Má bil magɩlaa wombiee lɛ, má bil magɩla-la sɩ jaŋ dagɛma wombiiŋ. Má jɩŋ wombii-jalɩɩ-la wɩaa, wɛŋ-la ma fa sɩ to mʋ. Iziral tɩmma, má mɩɩra kɔ, má mɩɩra kɔ ma tasɩŋ.

JƐRƖMAAYA 31:6

Tapʋlɩɩ dɔŋ jaŋ kɔ, nɩalɩŋ sɩ pɔ leriŋ a bibeŋ jaŋ faasa yɩrɛ Efirem dundolluŋ nyuŋ a bʋl, ‘Má kɔ dɩ la mʋ Zaayɔŋ, La TƖƖNA Wɩa teeŋ.’ ”

JƐRƖMAAYA 32:40

Mɩ jaŋ hɛ niiŋ sɩ bɩ dɩdɛrɩŋ kɛnɛ mɩ dɩ ba pɛgɛ. Mɩ bɩ jaŋ kɔ dɩ mɩ vɩa dɩ mɩ ŋaa wʋzɔŋŋɔɔ a pɩba. Mɩ jaŋ ŋaa dɩ ba fɩfámɛ, dɩ ŋɩɩ leŋ dɩ ba sɩ́ mɩ harɩŋ mɩɩrʋ.

JƐRƖMAAYA 6:16

Wɩɩ-la La TƖƖNA sɩ bʋla nɛ ŋ-la: “Má chɩŋ wɛŋ-chɛŋŋɛɛ lɛ aŋ beŋ, má pɩɛsa chɛ a jɩŋ wombii-bɩnɩa-la, má pɩɛsa na lee-la wombii-zɔŋ-la sɩ hɛ, a tou, dɩ ma dɩnsɩŋ na wiese. Ama ma sɩ, ‘La bɩ jaŋ tou.’

ƐZƖKƖƐL 16:61

Ŋɩɩ lɛ nɛ ŋ jaŋ liise yi wʋbɔmɔ-la ŋ sɩ ŋaa lɛ, dɩ hɩɩsɩŋ kɛnɩŋ. Dɩ mɩ nɛ mɩɩra joŋ ŋ naambiiriŋ pɩŋ, nɩalɩŋ sɩ hɩaŋ arɩ nɩalɩŋ ŋ ma sɩ hɩa. Mɩ jaŋ jomba pɩŋ a leŋ dɩ ba nagɛ ŋ toloo, ama ʋ bɩ naga arɩ nii-la sɩ hɛ mɩ dɩŋ pɛgɛ wɩaa nɛ tɩɩ.

ƐZƖKƖƐL 37:22

Mɩ jaŋ kɛŋ ba kala hɛ dɔŋɔ dɩ ba ŋaa tintee bala nɩaa tintee-la lɛ, Iziral peelee nyuŋ. Ba jaŋ kɛŋ kuoru bala dɩ ʋ bibemba. Ba bɩra bɩ jaŋ pɔrɛ dɔŋɔ lɛ a ŋaa tinteyee balɩa koo a ŋaa kuoru gentisiŋ balɩa.

HOSIA 1:11

Juda nɩaa arɩ Iziral tɩŋŋaa jaŋ bɩra kɛŋ nii-bala. Ba jaŋ lɩɩsɛ sɩpaa-laarɩ bala, ba jaŋ pʋŋa pɛ a dʋa ba tinteeŋ lɛ, dɩ ŋɩɩ ŋaa tapʋl-bal a pɩ Jɛzɩrɛl.”

HOSIA 3:5

Ʋ ŋɩɩ harɩŋ lɛ, Iziral tɩŋŋaa jaŋ mɩɩra chɛ ba TƖƖNA Wɩa arɩ ba kuoro Devit leriŋ. Ba jaŋ fɩfá La TƖƖNA a kɔ ʋ teeŋ tapʋlaa dɩdɛrɩŋ a chɩchɛ dɩ ʋ pɛ ba lɛ dɩ ba na wʋzɔŋŋɔɔ.

HOSIA 6:1

Iziral tɩŋŋaa sɩ, “Má kɔ dɩ la mɩɩra mʋ La TƖƖNA teeŋ. Ʋ kɛnla pʋɔsɛ muno muno nɛ, ama ʋ jaŋ vaarɛla. Ʋ pɩrɛla nɛ, ama ʋ jaŋ vɔɔ tɔ la naawɩɩlaa.

Jɔɔŋ 7:17

Nɩɩ-la kala sɩɩ chɛ dɩ ʋ ŋaa wɩɩ-la Wɩa sɩ cho, ʋ jaŋ wuo jɩŋ arɩ wɩalɩŋ mɩ sɩɩ dagʋ lɩɩ Wɩa teeŋ nɛ koo mɩ tɩtɩa doluŋ lɛ nɛ.

Tɩntɩŋŋaa 11:23

Ʋ sɩ mʋa, ʋ na ŋɩɩ Wɩa sɩ pɛ nɩalɩŋ lɛ. Ʋ tʋɔŋ tɔrɛ. Ʋ bʋl wɩaa nyaasɛ ba nyuŋ woruŋ dɩ ba kɛŋ wʋtɩtɩɩ a to La Tɩɩna Yesu arɩ ba tʋɔŋ kala.

2 Kɔrɩntɩ Nɩaa 8:5

La fa bɩ yɩɛla dɩ ba jaŋ wuo pa a magɛ ŋ-la. Ba laa sɩpaaŋ joŋ ba tɩtɩa a pɩ La Tɩɩna Kirisito nɛ. Ʋ ŋɩɩ harɩŋ lɛ nɛ ba sɛɩ la ma niiŋ wɩaa. Wɩa tʋɔtɔrʋŋ lɛ nɛ ba ŋaa ŋɩɩ.