JƐRƖMAAYA 50:46 - WƖA TENIŊ

⁴⁶ Dɩ Babɩlɔŋ nɛ tele, dʋnɩa jaŋ jigisi. Tinteyee nɩaa jaŋ nɩɩ ba nii-ŋmobo.

JƐRƖMAAYA 50:46 ပူးပေါင်းရင်းမြစ်များ

JƐRƖMAAYA 49:21

Dɩ Ɛdɔm nɩaa nɛ tele, ba dɔmɔ jaŋ leŋ dɩ dʋnɩa jigisi. Ba yele jaŋ mʋ huuri Mʋgʋ-fɩaŋ lɛ.

ƐZƖKƖƐL 31:16

Mɩ sɩ leŋe ʋ tele sʋʋ ŋɩɩ, ʋ dɔmɔ leŋe tinteyee nɩaa chel nɛ. Tɩɩsɩ-la kala sɩ hɛ Ɛdɩŋ lɛ arɩ Lɛbanɔŋ tɩɩ-zɔmɔ-la kala sɩ nyʋa lɩɩŋ vɔgɛ aŋ sʋʋ, ba tʋɔŋ tɔrɔ nɛ tɩa-la teliŋ lɛ.

ƐZƖKƖƐL 26:18

Tapʋlɩɩ-la ba sɩ yuo diiŋ, nɩalɩŋ sɩ hɔŋ mʋgʋ-balɩŋ niiŋ chele nɛ, ŋ sɩ tele fawʋllʋŋ kɛŋ tinteye-la lɩɩŋ sɩ gollo chu nɩaa nɛ.’

ƐZƖKƖƐL 32:10

Mɩ jaŋ leŋ dɩ ŋ wɩaa kperi tintee daŋ, dɩ mɩ nɛ kɛŋ mɩ tokobiiŋ viisi ba nyusuŋ, fawʋllʋŋ jaŋ kɛŋ ba kuoroo dɩ ba chichel. Tapʋlɩɩ-la ŋ sɩ jaŋ tel, ba kʋŋkala jaŋ chichel bʋa na-kala lɛ a tɩŋ ʋ mɩɩsɩŋ wɩaa.

AZAAYA 5:7

La TƖƖNA doluŋ kala Tɩɩna tɩɩnɛnɛɛ baga-la nɛ ŋaa Iziral tɩŋŋaa, Juda doho ma nɛ ŋaa tɩɩsɩ-la ʋ sɩ chɔnsɔ, ʋ tʋɔŋ tɔrɛ ba nyuŋ. Ʋ yie cho dɩ baa to wʋtɩtɩɩ ka ba kpʋkpʋ nɩaa. Ʋ yie cho dɩ baa ŋaa tʋɔpʋl wɩaa, ka nɩaa yiyel kɩŋkɛŋ arɩ tʋɔ-cheeŋ.

AZAAYA 15:5

Mɩ tʋɔŋ ka wɩɩ Mʋab wɩaa nɛ, ʋ nɩaa kala lɩɩ fá nɛ a mʋmʋ tasɩ-la ba sɩɩ yɩrɛ Zʋa arɩ Ɛgɩlaf Sɛlɩsɩya sɩ hɛ dɩ-bolii, dɩ ba laa ba mɩɩsɩŋ. Ba dɔnsʋŋ jɩla joŋ wombiiŋ nɛ a yele mʋmʋ taŋ-la ba sɩɩ yɩrɛ Luhif, ka dɔnsʋŋ ma joŋ wombii-la sɩɩ mʋ taŋ-la ba sɩɩ yɩrɛ Horonem a faasa yele mʋmʋ a tɩŋ ba sɩ chei ba tinteeŋ wɩaa.

JƐRƖMAAYA 10:10

Ama La TƖƖNA nɛ ŋaa Wɩɩ-tɩtɩɩ. Ʋ nɛ Wɩa sɩ weye. Ʋ nɛ kuoru-bal-la sɩ hɛ nɩmɛ a kaa mʋ deeŋ deeŋ. Dɩ ʋ nɛ na baanɩŋ, tinteeŋ yie zigili nɛ. Dɩ ʋ baanɩŋ nɛ sie, tinteyee bɩ jaŋ wuo chɩŋ.

JƐRƖMAAYA 46:12

Tinteyee nɩaa jaŋ nɩɩ hɩɩsɩ-la sɩ diima wɩaa. Ma nii-ŋmobo jaŋ su dʋnɩa kala. Ma bayuoroo jaŋ gɛrɛ dɔŋɔba, a kala tele hɛ dɔŋɔ.”

JƐRƖMAAYA 51:29

Fawʋllʋŋ kɛŋ dʋnɩa nɩaa nɛ ba chichel, bɛɛ wɩaa wɩɩ-la mɩ-na ma TƖƖNA sɩɩ chɛ dɩ mɩ ŋaa Babɩlɔŋ nɩaa lɛ chɩna nɛ. Mɩ jaŋ leŋ dɩ Babɩlɔŋ tinteeŋ pɩŋ hoi, dɩ nʋʋkala sɩ nɩmɛ hɛ.

JƐRƖMAAYA 51:54

Nɩaa nɩɩ ŋmoo niiŋ Babɩlɔŋ lɛ, baa yel Babɩlɔŋ tinteeŋ sɩ chaasa chei wɩaa nɛ.

ƐZƖKƖƐL 27:28

Nɩalɩŋ sɩɩ tɩŋ mʋgʋ-balɩŋ tʋɔŋ jaŋ ŋmoo niiŋ dɩ tinteeŋ zigili.

JƐRƖMAAYA 49:19

A nagɛ naachigiŋ sɩ lɩɩ Jɔdaŋ duuŋ tʋɔŋ a kʋkɔ a mʋmʋ pʋsʋŋ dɩ-diiliŋ sɩ kɛŋ ya-zɔmʋŋ, mɩ jaŋ kɔ a guu kiri Ɛdɔm tɩŋŋaa ba tinteeŋ lɛ. Kʋbɛɛ nɛ mɩ jaŋ lɩɩsɛ dɩ ʋ ŋaa wɩɩŋ deeŋ? Kʋbɛɛ nɛ nagɛmɛ a jaŋ wuo magɩsɛmɛ? Sɩpaalaarɩ bɛɛ nɛ jaŋ wuo kɛŋ ʋ tɩtɩa magɩsɛmɛ?”