JƐRƖMAAYA 50:42 - WƖA TENIŊ

⁴² Ba nyɩgɩla nɛ a kori tosuŋ arɩ tiŋŋee. Ba tʋɔŋ hɛyɛ nɛ woruŋ, ba bɩ nɩaa nenige ka fá. Ba jɩl ba janɩŋ nɛ, ba huhuuri a nagɛ mʋgʋ-balɩŋ. Baa kɔ nɛ a nagɛ baalaa sɩɩ mʋ ba yuo laalɩŋ, dɩ ba yuo Babɩlɔŋ tabal-la.

JƐRƖMAAYA 50:42 ပူးပေါင်းရင်းမြစ်များ

WƖA YƖƖLAA 46:6

Fawʋllʋŋ chaasa jʋʋ tinteyee nɩaa nɛ, kuoroo sɩɩ beŋ tinteye-la titel. Ama Wɩa sɩ kpɩa goŋ, tinteeŋ kala yʋɔla nɛ.

WƖA YƖƖLAA 74:20

Liise yi nii-la sɩ hɛ la pɛgɛ. Nɩbɔmɔ-la sɩ cho yuosuŋ faa birimiŋ tʋɔŋ dʋnɩa loŋgoru kala lɛ nɛ.

AZAAYA 14:6

Ba nɛ ba yie na baanɩŋ a kaa ŋmoo nɩaa kpʋkpʋ a bɩ leŋ. Ba yie kɛŋ baanɩŋ nɛ kire dʋdɔgɩsɛ nɩaa, a bɩ leŋe tinteye-la ma ba sɩ yuo dii nɩaa wiwiesi.

AZAAYA 47:1

La TƖƖNA sɩ, “Babɩlɔŋ, ŋ fa nagɛ haala sɩ bɩ baal jɩŋ nɛ, sii ŋ kuoru kpasa-la nyuŋ, a tuu hɔŋ tinteeŋ. Ŋ fa ŋaa taŋ nʋʋkala ha sɩ bɩ yuo dii aŋ ka nɛ. Ama lɛɛlɛ, nʋʋkala bɩra bɩ jaŋ kɛnɩŋ pɩɛnɛ.

AZAAYA 47:6

Mɩ fa na baanɩŋ nɛ mɩ nɩaa nyuŋ a joŋ wɩaa ŋaa ba lɛ arɩ mɩ dee bɩra bɩ ba tɩɩ. Mɩ sɩ jomba a hɛ ŋ nɩsɩŋ lɛ, ŋ bɩ ba nenige fá. Nɩalɩŋ ma sɩ paala hɩɛsɛ, ŋ dɔgɩsɛba nɛ woruŋ.

AZAAYA 5:28

Ba to-hɛŋŋɛɛ kɛŋ niiŋ nɛ woruŋ, ba kɛŋ ba tɩtɩa hɛ dɔŋɔ nɛ dɩ ba yuo ba tosuŋ, ba janɩŋ naachɛŋŋɛɛ ma dolie a nagɛ naŋkpachɩllɩŋ nɛ, ba janɩŋ torukoba ma fɩfá a nagɛ pel-vinvilimiŋ.

AZAAYA 5:30

Tapʋlɩɩ-la huuro jaŋ huuri nɩaa nyuŋ a nagɛ mʋga sɩɩ huuru, dɩ nʋʋ nɛ beŋ tintee-la, ʋ jaŋ na leriŋ kala bire dɩ tʋɔ-cheeŋ hɛ nɩmɛ. Duoŋ-bɩlɩmbaanaa jaŋ leŋ dɩ pʋlʋmʋŋ bɩrɩmɛ birimiŋ.

JƐRƖMAAYA 30:14

Ma sɩŋŋaa kala yʋ ma wɩaa nɛ, ba bɩ ma wɩaa chɩla. Mɩ ŋmooma a nagɛ ma dʋndɔmɔ sɩ jaŋ ŋmooma ŋɩɩ nɛ, a dɔgɩsɛma a nagɛ tʋɔhɛɛ tɩɩna sɩ jaŋ ŋaama ŋɩɩ, bɛɛ wɩaa ma cheeriŋ chaasa yʋgɛ nɛ, ma wʋbɔŋŋɔɔ ma faasa yʋgɛ.

JƐRƖMAAYA 47:3

dɩ ba nɛ nɩɩ janɩŋ naasɩŋ dɔmɔ, dɩ ba nɛ nɩɩ ba dʋndɔŋŋɔɔ laalɩŋ janɩŋ torukoba dɔmɔ, arɩ ba gɩrɩŋgɩrɩmba dɔmɔ. Nyɩmmaba bɩ jaŋ pɛ ba biiriŋ lɛ, ba nɩsaa jaŋ sʋʋ mɛrɛ ba sɛsɩŋ lɛ.

JƐRƖMAAYA 50:14

Má chɩŋ ma dɩchɩnaa a golli Babɩlɔŋ, ma nɩalɩŋ kala sɩɩ yuo toŋ. Má yuou, má sɩ́ leŋe dɩ to-hɛŋ kala ka, bɛɛ wɩaa ʋ ŋaa wʋbɔŋ nɛ mɩ-na ma TƖƖNA teeŋ.

JƐRƖMAAYA 50:9

Mɩ jaŋ yigi tintee duoruŋ sɩ kʋ hɛ dɔŋɔ a hɛ Babɩlɔŋ lɛ, a lɩɩ wɩɩpɔsʋŋ nagʋa dɩɩrɩŋ. Ba jaŋ chɩŋ ba dɩchɩnaa a yuo dii tintee-la. Ba nagɛ bayuori wajɩaba nɛ, ba to-hɛŋŋɛɛ bɩ tinteeŋ ka tuu.

JƐRƖMAAYA 51:27

Má kɛŋ tuuta je tintee-la lɛ. Má ŋmʋʋ banyilliŋ tinteyee lɛ. Má leŋ dɩ tinteye-la nɩaa ŋaa siri a yuo Babɩlɔŋ. Má yɩrɛ kuori-gentisiŋ deemba kala hɛ ʋ lɛ: Ararat, Mini arɩ Asɩkɛnas. Má lɩɩsɛ laalɩyuori-hɩaŋ dɩ ʋ laa nɩalɩŋ sɩpaaŋ dɩ ba mʋ yuou. Má leŋ dɩ janɩŋ mʋ ʋ lɛ a nagɛ hɔbɩ-laalɩŋ.

JƐRƖMAAYA 8:16

La nɩɩ la dʋndɔŋŋɔɔ janɩŋ sɩ ŋmʋʋ mɩɩsɩŋ a lɩɩ Daŋ tinteeŋ nɛ. Ba janɩ-la yele leŋe tintee-la kala zigili nɛ. Ba kɔ dɩ ba yuo dii la tinteeŋ nɛ a chei kʋŋkala sɩ hɛ ʋ lɛ, la tabal-la arɩ nɩalɩŋ kala sɩ hɛ nɩmɛ.”

ƐZƖKƖƐL 26:3

Ŋɩɩ wɩaa wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Taaya, mɩ lɩɩ ŋ harɩŋ nɛ. Mɩ jaŋ kɛŋ tintee daŋ kʋ hɛ ŋ lɛ dɩ ba yuoŋ. Ba jaŋ kʋ yagɩŋ a nagɛ mʋga lɩɩ-peliŋ sɩ sii yɩyagɛ mʋgʋ-balɩŋ niiŋ.

JOWƐL 2:5

Ba dɔmɔ nagɛ laalɩŋ janɩŋ torukoba dɔmɔ nɛ. Ba fɩla kikieli peelee nyu-gbaŋa, baa pɔsʋ a nagɛ sekelee sɩ hɛ nyiniŋ tʋɔŋ nɛ. Ba nagɛ laalɩyuori duoruŋ sɩ kɛŋ ba tɩtɩa hɛ dɔŋɔ dɩ ba yuo laalɩŋ nɛ.

Jeems 2:13

Dɩ nʋʋ nɛ bɩ nɩaa nenige ka fá, Wɩa ma bɩ jaŋ fá tɩɩna nenige bʋa-la lɛ ʋ sɩ jaŋ didii nɩaa sarɩya. Ama nɩɩ-la sɩ fá nɩaa nenige bɩ jaŋ fá wɩɩkala sarɩya-la chɛ-diiliŋ.

Jɔɔŋ Wʋnaalaa 16:6

Dʋnɩa nɩaa kpʋ ŋ nɩaa arɩ ŋ wʋlaabʋllaa nɛ. Ba sɩ ŋaa ŋɩɩ nɛ tɩɩ ŋ ŋaa chalɩŋ pɩba dɩ ba nyʋa. Ʋ maga dɩ ba nyʋa nɛ.”