JƐRƖMAAYA 50:40 - WƖA TENIŊ

⁴⁰ A nagɛ Wɩa sɩ chei Sodom arɩ Gomora ŋɩɩ, a pɛ tasɩ-la sɩ kpagɛ ba lɛ, ŋɩɩ nɛ jaŋ ŋaa Babɩlɔŋ lɛ, La TƖƖNA nɛ bʋla, dɩ nʋʋkala sɩ́ nɩmɛ hɛ. Nʋʋkala bɩ jaŋ hɔŋ nɩmɛ.

JƐRƖMAAYA 50:40 ပူးပေါင်းရင်းမြစ်များ

AZAAYA 1:9

Dɩ La TƖƖNA doluŋ kala Tɩɩna dee fa bɩ la dɔnsʋŋ yuo laa ta, la kʋbala ma fa bɩ jaŋ ka, Jerusalɛm fa jaŋ nagɛ Sodom dɩ la nagɛ Gomora nɩaa fa sɩ sʋʋ dɛrɛ ŋɩɩ.

JƐRƖMAAYA 49:18

A nagɛ Wɩa sɩ chei Sodom arɩ Gomora ŋɩɩ, a pɛ tasɩ-la sɩ kpagɛ ba lɛ, ŋɩɩ nɛ jaŋ ŋaa Ɛdɔm lɛ, dɩ nʋʋkala sɩ́ nɩmɛ hɛ. Nʋʋkala bɩ jaŋ hɔŋ nɩmɛ. Mɩ-na ma TƖƖNA nɛ bʋla.

JƐRƖMAAYA 51:26

Ba bɩ jaŋ joŋ tabɩɩ kala ŋ lɛ a kaa bil je-gʋnʋŋ tiebiiŋ, koo a kaa bil dɩa gentine, bɛɛ wɩaa ŋ jaŋ pɩŋ hoi a kaa mʋ wuu. Mɩ-na ma TƖƖNA nɛ bʋla.

AMƆS 4:11

Mɩ chei ma dɔnsʋŋ arɩ mɩ fa sɩ chei tasɩ-la ba sɩɩ yɩrɛ Sodom arɩ Gomora ŋɩɩ nɛ. Ma fa nagɛ daasɩŋ sɩɩ dii nyiniŋ nɛ, mɩ kɛmma tɩɛrɛ nyiŋ-la lɛ. Ka ma ha vɩa dɩ ma mɩɩra kɔ mɩ teeŋ. Mɩ-na ma Tɩɩna nɛ bʋla.

ZEFANAAYA 2:9

Ŋɩɩ wɩaa, mɩ-na ma TƖƖNA doluŋ kala TƖƖNA sɩ ŋaa Iziral tɩŋŋaa Wɩa ŋmɩɛsa nɛ, mɩ nɛ bʋla: wʋtɩtɩɩ, mɩ jaŋ chei Mʋab dɩ ʋ nagɛ taŋ-la ba sɩɩ yɩrɛ Sodom a chei Amɔŋ tɩŋŋaa dɩ ba ma nagɛ taŋ-la ba sɩɩ yɩrɛ Gomora. Ba leriŋ kala jaŋ tɔ yaŋ arɩ kpesi bʋɔsʋŋ a pɩŋ kʋŋkʋlʋŋ a kaa mʋ wuu. Mɩ nɩalɩŋ sɩ ka jaŋ paa ba kɩaa, mɩ tintee-la nɩalɩŋ sɩ bɩ sʋba jaŋ laa ba tinteeŋ tɩɩ.” La TƖƖNA nɛ bʋla.

Rom Tɩŋŋaa 9:29

Ŋ-la nɛ Azaaya ma fa bɩra bʋl dɩ Wɩa jaŋ ŋaa maachie. Ʋ fa sɩ, “Dɩ La Tɩɩna doluŋ kala Tɩɩna nɛ fa bɩ la naabalɩma doho nɩaa baŋmɛnɛ leŋe, la kala fa jaŋ sʋʋ, a nagɛ Sodom arɩ Gomora nɩaa kala sɩ sʋʋ ŋɩɩ.”

MOSIS BƖRA WULLI WƖA WOMBIIŊ 29:23

Tintee-la kala jaŋ nagɛ yɩsɩŋ arɩ jiribiiŋ, ba bɩ kʋŋ wuo duu nɩmɛ. Kʋŋkala bɩ jaŋ wuo nyʋ nɩmɛ. Ʋ jaŋ nagɛ Sodom, Gomora, Adɩma arɩ Zeboyim tasɩ-la La TƖƖNA fa sɩ faasa na baanɩŋ a chei.

2 Pɩɩta 2:6

Bʋa-la lɛ tasɩŋ balɩa ma fa hɛ nɩmɛ. Ba yɩraa nɛ Sodom arɩ Gomora. Ba nɩaa fa sɩɩ ŋaa wʋbɔŋŋɔɔ, Wɩa fa dɔgɩsɛba nɛ. Ʋ fa joŋ nyiniŋ nɛ a nyɩgɛba, ba kala dii buru aŋ ka tʋɔrʋŋ dʋndʋŋa. Wɩa dagɛ ŋɩɩ arɩ ʋ jaŋ dɔgɩsɛ nɩalɩŋ kala sɩ bɩ ʋ wombiiŋ ka to.

Juud 1:7

Ŋɩɩ tɩtɩa nɛ, Wɩa dɔgɩsɛ tasɩ-la ba sɩɩ yɩrɛ Sodom arɩ Gomora arɩ tabala-la kala sɩ golli lee-la. Nɩalɩŋ fa sɩ hɛ tasɩ-la tʋɔŋ faa ŋaa wʋlɩɩlɩŋ arɩ disinni-la nuhuobiinee paala sɩ bɩ maga dɩ ba ŋaa nɛ. Wɩa jomba hɛ nyiŋ-la sɩɩ dii deeŋ deeŋ, a bɩ dɩsɛ lɛ nɛ, aa chagɩlɛ nɩalɩŋ kala sɩɩ ŋaa wʋbɔŋŋɔɔ.

Jɔɔŋ Wʋnaalaa 11:8

Ba kʋsʋʋnʋŋ jaŋ pɩŋ tabal-la womporuŋ lɛ, lee-la ba sɩ kpaasɛ ba Tɩɩna daagɛsɛ nyuŋ. Tabal-la fa nagɛ Sodom koo Ijipiti tinteeŋ nɛ.