JƐRƖMAAYA 50:4 - WƖA TENIŊ

⁴ La TƖƖNA sɩ, “Tapʋlɩa-la lɛ, Iziral tɩŋŋaa arɩ Juda nɩaa kala jaŋ yele mʋ a chɛ ba TƖƖNA Wɩa.

JƐRƖMAAYA 50:4 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 7:14

dɩ mɩ nɩaa nɛ jaŋ kɛŋ ba tɩtɩa muuri a sʋla chɩchɛmɛ, aŋ bɩrɩma lɩɩ ba wʋbɔŋŋɔɔ lɛ, mɩ hɛ mɩ jaŋ lɛ nɛ, mɩ jaŋ nɩɩ ba sʋla a joŋ ba wʋbɔŋŋɔɔ chɛba aŋ leŋ dɩ ba tinteeŋ fɩɛlɛ.

WƖA YƖƖLAA 105:4

Má joŋ ma yɩɛlaa hɛ La TƖƖNA doluŋ lɛ, aŋ chɩchɛʋ bʋa na-kala.

AZAAYA 14:1

La TƖƖNA jaŋ fá Iziral tɩŋŋaa nenige. Ʋ jaŋ bɩra lɩɩsɛ Iziral tɩŋŋaa dɩ ba ŋaa ʋ nɩaa, a leŋ dɩ ba hɔŋ ba tɩtɩa tinteeŋ lɛ. Nɩwogusuŋ jaŋ kʋ pɛ hɔŋ Jekɔb doho nɩalɩŋ tinteeŋ lɛ dɩ ba niiŋ ŋaa kʋbala.

AZAAYA 45:19

Mɩ bɩ wɩaa lʋara bʋl koo a ŋaa wɩaa birimiŋ tʋɔŋ. Mɩ bɩra bɩ bʋla pɩ Jekɔb doho nɩaa dɩ ba nɛ tomi ŋɩɩ jaŋ ŋaa pɛɩ. Mɩ nɛ ma TƖƖNA, mɩ yie bʋl wʋtɩtɩɩ nɛ, a dagɛ wɩɩ-la sɩ maga.

AZAAYA 55:6

Má chɛ La TƖƖNA, ma jaŋ naʋ, lɛɛlɛ ʋ kpagɛma nɛ.

AZAAYA 63:4

bɛɛ wɩaa tapʋlɩɩ-la mɩ sɩ jaŋ joŋ mɩ baanɩŋ fɩɩsɛ mɩ nɩaa dʋndɔŋŋɔɔ lɛ, aŋ laa mɩ nɩaa ta jɩna-la yie nɛ.

JƐRƖMAAYA 31:31

La TƖƖNA bɩra bʋla, “Bʋa dɔŋ jaŋ kɔ, dɩ mɩ bil nii-falɩŋ mɩ dɩ Iziral tɩŋŋaa arɩ Juda doho nɩaa pɛgɛ.

JƐRƖMAAYA 33:15

Tapʋlɩa-la lɛ, mɩ jaŋ lɩɩsɛ nʋʋ sɩ ŋaa tʋɔpʋl Tɩɩna Devit doho nɩaa tʋɔŋ dɩ ʋ dii kuoruŋ. Ʋ jaŋ ŋaa wɩaa ba bʋa lɛ arɩ wʋtɩtɩɩ tintee-la lɛ.

JƐRƖMAAYA 41:6

Ŋɩɩ nɛ Nɛtanɩa nanʋala Ɩsɩmɛl lɩɩ Mɩzɩpa lɛ dɩ ʋ chemba aŋ yiyel. Ʋ sɩ chemba, ʋ bʋl, “Má kʋ jʋʋ na Ahɩkam nanʋala Gedalia.”

ƐZƖKƖƐL 16:61

Ŋɩɩ lɛ nɛ ŋ jaŋ liise yi wʋbɔmɔ-la ŋ sɩ ŋaa lɛ, dɩ hɩɩsɩŋ kɛnɩŋ. Dɩ mɩ nɛ mɩɩra joŋ ŋ naambiiriŋ pɩŋ, nɩalɩŋ sɩ hɩaŋ arɩ nɩalɩŋ ŋ ma sɩ hɩa. Mɩ jaŋ jomba pɩŋ a leŋ dɩ ba nagɛ ŋ toloo, ama ʋ bɩ naga arɩ nii-la sɩ hɛ mɩ dɩŋ pɛgɛ wɩaa nɛ tɩɩ.

ƐZƖKƖƐL 39:25

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Lɛɛlɛ, mɩ jaŋ fá Jekɔb doho nɩaa sɩ ŋaa Iziral tɩŋŋaa nenige, a leŋ dɩ ba mɩɩra lɩɩ yoŋ-baga kɔ, a tɩɩ ba tinteeŋ. Mɩ tʋɔŋ ka wɩɩ mɩ yɩrɩ zɔmʋŋ lɛ nɛ.

HOSIA 1:11

Juda nɩaa arɩ Iziral tɩŋŋaa jaŋ bɩra kɛŋ nii-bala. Ba jaŋ lɩɩsɛ sɩpaa-laarɩ bala, ba jaŋ pʋŋa pɛ a dʋa ba tinteeŋ lɛ, dɩ ŋɩɩ ŋaa tapʋl-bal a pɩ Jɛzɩrɛl.”

HOSIA 11:10

Mɩ nɩaa jaŋ to mɩ-na ba TƖƖNA harɩŋ, mɩ jaŋ huosi a nagɛ naachigiŋ. Dɩ mɩ nɩɩ huosi, mɩ nɩaa jaŋ lɩɩ wɩɩpɔsʋŋ dɩɩrɩŋ kɔ a chichel.

HOSIA 3:5

Ʋ ŋɩɩ harɩŋ lɛ, Iziral tɩŋŋaa jaŋ mɩɩra chɛ ba TƖƖNA Wɩa arɩ ba kuoro Devit leriŋ. Ba jaŋ fɩfá La TƖƖNA a kɔ ʋ teeŋ tapʋlaa dɩdɛrɩŋ a chɩchɛ dɩ ʋ pɛ ba lɛ dɩ ba na wʋzɔŋŋɔɔ.

HOSIA 6:1

Iziral tɩŋŋaa sɩ, “Má kɔ dɩ la mɩɩra mʋ La TƖƖNA teeŋ. Ʋ kɛnla pʋɔsɛ muno muno nɛ, ama ʋ jaŋ vaarɛla. Ʋ pɩrɛla nɛ, ama ʋ jaŋ vɔɔ tɔ la naawɩɩlaa.

JOWƐL 2:12

La TƖƖNA sɩ, “Lɛɛlɛ, má mɩɩra kɔ mɩ teeŋ arɩ ma tʋɔŋ kala, a vɔɔ niiŋ aŋ pɛ faasa yiyel.”

ZƐKARƖYA 12:10

Mɩ jaŋ joŋ mɩ Dɩma hɛ Devit doho nɩaa arɩ Jerusalɛm nɩaa lɛ, dɩ ba fɩfá nɩaa nenige aŋ chʋchʋɔlɛmɛ. Ba jaŋ bibeŋ mɩ-na nɩɩ-la ba sɩ tɔbɔ, a yel mɩ lɛ a nagɛ nɩa sɩɩ yel ʋ bii-bala lɛ. Ba tʋɔŋ jaŋ faasa chei a nagɛ nɩa tʋɔŋ sɩ cheye ʋ bii-bumbuŋ sʋʋŋ lɛ.

Jeems 4:9

Má leŋ dɩ ma tʋɔŋ chei. Máa yel, aa ŋmoo niiŋ. Má leŋ dɩ ma tʋɔtɔrʋŋ bɩrɩmɛ tʋɔ-cheeŋ.