JƐRƖMAAYA 50:36 - WƖA TENIŊ

³⁶ Laalɩŋ jaŋ jʋʋ ba nɩalɩŋ sɩ nyɩɛ wɩaa arɩ ba ŋaa mɩ wʋlaabʋllaa nɛ. Ba jaŋ bɩrɩmɛ nɩyaaraa. Laalɩŋ jaŋ jʋʋ ba bayuoroo. Fawʋllʋŋ jaŋ faasa jʋʋba.

JƐRƖMAAYA 50:36 ပူးပေါင်းရင်းမြစ်များ

2 SAMƲƐL 15:31

Nʋʋ bʋla pɩ Devit, “Ahitofɛl ma lɩɩ ŋ harɩŋ nɛ, a chɩŋ Abɩsalɔm harɩŋ.” Ŋɩɩ nɛ Devit chʋɔlɛ Wɩa, “La TƖƖNA, leŋ dɩ wɩalɩŋ Ahitofɛl sɩ jaŋ dagɛ kuoro ŋaa wʋpɛɩba.”

2 SAMƲƐL 17:14

Abɩsalɔm arɩ Iziral nɩaa kala bʋl, “Wɩɩ-la Husai, Aakɩ tɩɩna-la sɩ bʋla nɛ kpɩa wɩɩ-la Ahitofɛl sɩ bʋla.” La TƖƖNA faa chɛ dɩ ba sɩ́ wʋzɔŋ-la Ahitofɛl sɩ bʋla to nɛ, ka dɩ ʋ joŋ wʋlɔrʋŋ a ŋaa Abɩsalɔm lɛ.

2 IZIRAL TƖŊŊAA NAABARƖŊ 25:16

Ʋ fa ha sɩɩ bʋl wɩaa ŋɩɩ, kuoro pɩɛsʋ, “La lɩɩsɩŋ nɛɛ dɩ ŋ chagɩlɛ kuoroo? Bɩra sɩ́ wɩɩ bʋl, dɩ ŋɩɩ dee mɩ jaŋ leŋ dɩ ba kpʋŋ.” Ŋɩɩ nɛ Wɩa wʋlaabʋllʋ-la leŋ, aŋ bʋl, “Mɩ jɩma arɩ Wɩa ŋaa siri nɛ dɩ ʋ cheyiŋ, bɛɛ wɩaa ŋ ŋaa wʋbɔŋŋɔɔ deemba kala nɛ aŋ bɩra vɩa dɩ ŋ jegile nɩɩ mɩ sɩɩ chagɩlɩŋ.”

AZAAYA 43:14

Wɩɩ-la La TƖƖNA, ma Laataara Iziral tɩŋŋaa Wɩa sɩ bɩ disiniŋ kɛnɛ sɩ bʋla nɛ ŋ-la: “Ma wɩaa nɛ tɩɩ mɩ jaŋ ŋaa dɩ laalɩyuoroo mʋ Babɩlɔŋ a chei taŋ-la kala. Ba babiibal goŋ-la ba sɩɩ ŋaa jaŋ bɩrɩmɛ yele.

AZAAYA 44:25

Mɩ nɛ pɔ dɩ nɩalɩŋ sɩ nyɩɛ wɩaa a bʋl arɩ ba ŋaa Wɩa wʋlaabʋllaa arɩ vʋgʋraa wʋmagɩlaa sɩ́ wʋtɩtɩɩba kʋ ŋaa. Mɩ nɛ leŋe wʋjɩnnaa wʋjɩmɩŋ kala ŋaa pɛɩ.

JƐRƖMAAYA 48:30

Mɩ jɩŋ ʋ sɩɩ-duoŋ lɛ nɛ, ama ʋ kala jaŋ ŋaa pɛɩ. Mɩ-na ma TƖƖNA nɛ bʋla. Ʋ dagɛ ʋ-tɩtɩɩ-la bɩ jaŋ ŋaa wɩɩkala pʋ.

JƐRƖMAAYA 49:22

Dʋndɔmɔ jaŋ kʋ tuu ba lɛ a nagɛ kachuuŋ a kɛŋ kɩŋkɛnsɩŋ jɛrɛ tɔ Bozira lɛ. Tapʋlɩɩ-la Ɛdɔm laalɩyuoroo bɔyɛ jaŋ joŋ a nagɛ haala sɩɩ chɛ dɩ ʋ lʋl ʋ bɔyɛ jujoŋ ŋɩɩ.

JƐRƖMAAYA 50:30

Ŋɩɩ wɩaa, ʋ bapʋɔsaa jaŋ sʋʋ womporunuŋ lɛ. Ba jaŋ kpʋ ʋ laalɩyuoroo kala tapʋlɩɩ-la. Mɩ-na ma TƖƖNA nɛ bʋla.

JƐRƖMAAYA 51:23

Ŋ nɛ mɩ kaa ŋmoo pie-daaraa arɩ ba piesee pɩsɛ, ŋ nɛ mɩ kaa ŋmoo paara arɩ ʋ nɛ-pɛrɛɛ a pɩsɛ. Ŋ nɛ mɩ kaa ŋmoo tinteyee nɩhɩasɩŋ arɩ ba tɩntɩnnɩ-hɩasɩŋ a pɩsɛ.”

JƐRƖMAAYA 51:30

Babɩlɔŋ laalɩyuori babiibalaa leŋ yuosuŋ nɛ. Ba ka ba dɩ-duoruŋ lɛ nɛ. Ba doluŋ dɛrɛ nɛ. Ba mɩɩra nagɛ haalaa nɛ. Ba chol nyiniŋ hɛ ʋ d-jʋʋlaa kala lɛ nɛ. Ba bori ʋ boi-baalaa doloo kala nɛ.

JƐRƖMAAYA 51:32

Ba laa lere-la kala ba sɩ to chuchol ba fuonuŋ nɛ, a nyɩgɛ ba ya-lugunuŋ kala, fawʋllʋŋ kɛŋ ba laalɩyuoroo.”

NAHUM 2:8

Nɩnɩvɛ nagɛ pɩlɩŋ sɩ yɛrɛ nɛ ʋ lɩɩŋ pɛllɛ lɩɩ. Ba dɔnsʋŋ ŋmoo niiŋ a bʋl, “Ma leŋ, ma leŋ,” ama nʋʋkala bɩ gɛlɛ daasɛ.

NAHUM 3:13

Beŋ ŋ laalɩyuoroo na, ba kala nagɛ haalaa nɛ. Nyiniŋ dii ŋ tinteeŋ boi-baalaa kala nɛ, ba suro chɩŋ a pɩ ŋ dʋndɔŋŋɔɔ.

NAHUM 3:7

Dɩ nʋʋkala nɛ naŋ, ʋ jaŋ fá aŋ bʋl, ‘Nɩnɩvɛ pɩŋ jikpeeŋ nɛ, kʋbɛɛ nɛ jaŋ yele pʋʋ? Kʋbɛɛ nɛ jaŋ nyagɛ ʋ bɔyɛ?’ ”

1 Timoti 4:2

Ba fugo dɩdagɛ Wɩa wɩaa nɛ, ama ba ŋaa wʋnyɩɛra nɛ. Ba ŋaa tʋɔ-togi tɩmma nɛ.

1 Timoti 6:4

ʋ tɩɩna kɛŋ ʋ tɩtɩa yʋgɛ nɛ, aŋ bɩ wɩɩkala jɩŋ. Ʋ kɛŋ tʋɔbɩɩŋ bɔŋŋɔɔ nɛ a cho kaalɛrɛ, a ŋɩŋaa goŋ wɩalɩŋ sɩ bɩ sɩɩfɩaŋ wɩaa ŋaa lɛ. Ŋɩɩ yie leŋ nɩaa yaraa bibieri dɔŋɔ lɛ, ba yuyuo dɔŋɔ a tʋtʋʋsɛ dɔŋɔ, a bɩbɩɩnɛ wʋbɔŋŋɔɔ dɔŋɔ lɛ.

Jɔɔŋ Wʋnaalaa 19:20

Nɩɩ-la sɩ jɩl jɔɔ-la arɩ ʋ laalɩyuoroo yuo dii baga kʋ-la a kɛŋ ʋ dɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ kala. Nɩɩ-la fa sɩ ŋaa wʋmagɩlaa baga kʋ-la nyuŋ a wuo nyɩsɛ nɩalɩŋ sɩ kɛŋ baga kʋ-la magɩlɩŋ, aa chʋɔlɛ baga kʋ-la nagɩsɩŋ ba sɩ mɛ bil. Nɩaa deemba balɩa kʋweyee nɛ ba joŋo yuo hɛ Wɩa nyiŋ-la sɩɩ dii a nagɛ jiribiiŋ lɛ.

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”

Jɔɔŋ Wʋnaalaa 22:15

Ama nɩbɔŋŋɔɔ jaŋ chɩŋ taŋ-la jeeŋ harɩŋ. Nɩalɩŋ wʋŋaalaa sɩ nagɛ vasɩŋ, arɩ nɩalɩŋ sɩɩ ŋaa chichiribi wɩaa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ kpʋ nɩaa, arɩ vʋɩ-kpaaraa, arɩ nɩalɩŋ kala sɩ cho wʋnyɩɛrɩŋ aa nyɩɛ wɩaa, ba kala jaŋ chɩŋ taŋ-la jeeŋ harɩŋ.